týsdagur 18. august 2015síða 38

Mikudagur 19. august 2015 · Nr. 94 38 Sosialurin Hugskot og viðmerkingar – send sms til 225000 ítróttur fótbóltur Tróndur Arge Ævintýrið í Evropa er av á hesum sinni. Eftir tríggjar dystir í sólini á Kýpros fekk KÍ eitt stig, meðan íslandsku kvinnurnar úr Stjarnuni fingu fult stigatal. Einsamalla stigið kom í seiansta dystinum móti maltesiska Hibernians. Eitt samanumtikið erguligt úrslit, tí KÍ-kvinnurnar vóru á odda 3-2 ímóti dystarenda. Malena Josephsen gekk undan, og hon legði KÍ á odda, tá 14. minuttir vóru farnir. Maltesiska liðið javnaði í tíðini dómarin hevði lagt aftrat í fyrra hálvleiki. Hibernian kom á odda 2-1, tá 61 minuttir vóru farnir, men minuttin aftaná javnaði Maria Thomsen til 2-2. Tá 70 minuttir vóru farnir syrgdi Malena Josephsen fyri, at KÍ kom aftur á sigurskós, men ólukkutíð javnaði maltesiska liðið í tíðini, sum dómarin hevði lagt aftrat. Taptu fyrstu royndina Skuldi KÍ gera sær nakrar vónir um at spæla um víðari luttøku, so skuldi eitt gott úrslit helst fáast móti vertunum av Kýpros, Apollon Limasol. Tað gjørdist tó skjótt greitt, at talan fór at blíva um eina torføra uppgávu. Longu aftaná seks minuttir legði kanadiska Tiffany Cameron vertirnar á odda. KÍ megnaði ikki at skapa ein ordiligan málmøguleika og varð trýst fyri tað mesta. Antri Violari økti nakað fyri hálvleik og avgjørdi dystin. Íslandskar jarnkvinnur Í øðrum umfari spældi KÍ móti íslendska felagnum Stjarnan. Aftur her bleiv talan um ein ov stóran bita. Stjarnan vann 4-0 og KÍ hevði bara tí einu royndina á mál. Sostatt er ikki nógv at siga til, at Stjarna vann, men tað gekk drúgv tíð, áðrenn hol kom á. Ikki fyrr enn fimm minuttir inn í seinna hálvleik, legði Lára Pedersen íslendska liðið á odda. Men so gekk skjótt. Tíggju minuttir seinni økti Harpa Thorsteinsdóttir til 2-0, og minuttin seinni økti brasilska Poliana til 3-0. Harpa Thorsteinsdóttir skoraði aftur stutt fyri tíð til endaliga úrslitið 4-0. Stjarnan vann 2-0 á Apollon Limasol av Kýpros, og íslendsku meistararnir fara víðari í kappingini. KÍ endaði, sum nummar trý av teimum fýra liðunum vegna betri málmun enn Hibernian. Apollon gjørdist nummar tvey við seks stigum, Stjarnan fekk níggju stig av níggju møguligum, og KÍ og Hibernian fingu eitt stig í part. KÍ-kvinnurnar fingu eitt stig í bólkaspælinum í undankappingini í Champions League. KÍ var í undanbólki 3 saman við Stjarnuni úr Íslandi, Apollon úr Kýpros og Hibernians úr Malta. KÍ fekk eitt stig og endaði á triðja plássi KÍ-kvinnur­ nar megnaðu ikki at bjóða av á Kýpros