hósdagur 20. august 2015síða 20

Fríggjadagur 21. august 2015 sosialurin 95 20 Hvussu smakka Føroyar? Vit á Kunningarstovuni í Nólsoy vóru so heppin at sleppa uppí part, tá ið umhvørvisstuðulin hjá Tórshavnar Kommunu var latin fyrr í ár. Spurningurin Hvussu kunnu Føroyar smakka? er grundin í arbeiðinum Tjóðhild Patursson L ukturin av smæru, vekir nógv barnaminni. Eg trúgvi at allar flestu okkara hava onkur barnaminni um smæru. Bæði um bløðini og um blómuna. At royna at fanga og goyma deiliga og sermerkta luktin av smærublómunum.Eg havi mangan roynt at gera luktilsi burturúr smæru- men uttan eydnu. Roynt við køldum vatni, roynt við heitum vatni, roynt við sápuvatni. Tað luktar alt væl, men lukturin vildi ikki festa ikki við tað 5 ára gomlu barnahúðina. Og so minnini um leitanina eftir fýrkleyvarum. Eg minnist at eg ein dag havi leita í fleiri tímar, tí eg ynskti mær so nógv ein hulahoppring. At enda gav eg leitanina upp, heintaði tveir trýkleyvarar, sleit tvey bløð av tí eina, og klistraði teir báðar kleyvararnar saman saman. Nú hevði eg mín ‘fýrkleyvara’, snýt kanska, men tað órogvaði meg ikki - enn. Eg sá bara hulahoppringin fyri mær. Eg fór tíðliga at sova tað kvøldið, kláraði ikki at bíða. Eg legði ‘fýrkleyvaran’ undir koddan, ynskti mær ein hulahoppring, og mundi ikki fingið sovnað tí eg var so spent. Morgunin eftir fór eg glað í skúla, eg var spent, ógvuliga spent. Tá ið mamma seinni tann dagin kom heim frá arbeiðið hevði hon ein vakran stríputtan appelsingulan hulahoppring við heim. Fyrst kendi eg gleði, síðani angran. Áh nei, eg eigi ikki at fáa handan hulahoppringin, eg havi snýtt!! Mamma skilti ikki hví at eg ikki var glað fyri hulahoppringin eg so leingi hevði ynskt mær… Hesi minnini leita sær framaftur nú eg í morgun var úti og tók myndir av smærunum. Kanska eg átti at keypt onkrum ein hulahoppring, tað hevð kanska hjálpt mær at fáa karma uppá pláss aftur. Eg kundi keypt mær sjálvari ein eisini. Fyri at gera alt verri, so kom Anna Malan inn á Kunningarstovuna í morgun og segði: ‘Eg fann ein FIMMkleyvara í dag, tað merkir at man fer at hava eydnu í kærleika.’ HVAT? Eg visti yvirhøvur ikki at fimmkleyvarar funnust, og eg visti heldur ikki, at eg við mínum manglu uppá fimmkleyvarar opinbart eri óheppin í kærleika. Ongan hulahoppring og ongan kærleika. Eg má heldur fara út at leita víðari eftir hasum fýra OG fimmkleyvuranum… ….Men so kom mamma Onnu Maluna inn. ‘Nei, nei, nei’ segði hon. ‘Fimmkleyvari er ikki eydna í kærleika, tað er fjandans eydna’. Anna Malan sá skuffa út. Mamman troystaði hana (og meg): ‘Tað er annað til í hesi verð enn kærleiki’ Joan, mamma Onnu Maluna greiddi víðari frá, at kleyvarin symboliserar trúgv, vón og kærleika. Ein søga sigur, at Eva hevði ein fýrkleyvara við úr paradísi, sum um tú finnur ein fýrkleyvara berur tú ein part av paradísi í tinum hondum. Fýrkleyvarin er tekin upá eydnu. Sum barn fekk eg at vita at um tú finnur ein fýrkleyvara, kanst tú leggja hann undir koddan og ynskja tær okkurt. Fimmkleyvarin er fjandans eydna - hann krevur nakað av tær áðrenn tú fært eydnuna. Um tú finnur ein sekskleyvara, so fært tú eydnu í kærleika. - Vit onnur mugu bara leita víðari. summir kleyvarar hava fleiri ella færri bløð, er orsaka av mutatiónum. eg enn geri misseydnaðar royndir uppá smæru-luktilsi, og leiti til fánýtis eftir fýra og fimm og sekskleyvarum, heintar Anna Malan smærublómur í hópatali - ikki til luktilsi, men til mat. Anna Malan brúkar smæru í bæði søtan og saltan mat. Smærurnar geva við sínum fantastiska aroma mati eina heilt serliga kenslu - ja, fyri meg gevur tað mær (næstan) fri frá øllum teimum misslukkaðu luktilsisroyndunum sum barn. Smæru smyrjiostur 1 dl av smærublómum 250 gr av neutralum smyrjiosti Hakka smærurnar og blanda við smyrjiostin. Koyr meira ella minni av smæru í, alt eftir hvussu sterkan smakk tú vilt hava. Heintar tú eisini kleyvarabløðini, kanst tú koyra tað uppí eisini. Smakkar ikki av so nógvum, men sær vakurt út.