mánadagur 24. august 2015síða 18

Mánadagur 24. august 2015 · Nr. 96 18 Sosialurin Hugskot og viðmerkingar – send sms til 225000 ítróttur fótbóltur Jóannes Hansen Tað skal vilja meiri enn illa til hjá B36, um tað eftir 1-0 heimasigurin á Víkingi í gjárkvøldið ikki skal eydnast at endurvinna FM heitið. Árstalsfelagið er fimm stig frammanfyri NSÍ og sjey stig frammanfyri Víking. Hós­kvøldið hava Víkingur og NSÍ frí. Tá skal B36 spæla granna­uppgerð ímóti HB. Um B36 vinnur, so er FM spurningurin svaraður. Um B36 ikki vinnur, so verð­ur B36 framvegis stórur favo­ ritt­ur at verða meistari. Víkinga venjarin Sigfríður Clementsen iðraði seg um, at tað ikki eydnaðist at vinna úrtøku burturúr ímóti B36, tí Víkingur spældi seg til fleiri stórar málmøguleikar, uttan at tað eydnaðist at skora. Lukasz Cieslewicz man vera besti fótbóltsspælarin av øllum í Føroyum. Í hvussu so er hevur hann ofta víst seg at vera avgerandi, og so­ leiðis var tað eisini í gjár, tá ið hann úr vinstru setti bólt­ in í handara síðunetið. – Høvdu vit í Víkingi átt ein sum Lukasz, so hevði tað verið avgerandi fyri FM stríðið. So tað er einki ann­ að at gera enn at keypa ein sovornan kapasitet, var stað­ festingin millum víkingarnar eftir dystarlok, tá ið tey í B36 leguni stórfegnaðust. B36 venjarin Eyðun Klakstein var ovurfegin um úrs­litið, sum ber við sær, at FM so at siga er á gáttini í B36 húsinum. Men Eyðun sel­ur ikki skinnið, fyrrenn bjørn­in er skotin: – Tølini siga, at vit skulu vinna tríggjar av teimum fimm síðstu dystunum. So verða vit meistarar, uttan mun til um NSÍ vinnur fulla úrtøku úr sínum fýra dyst­ um. Eftir góðu gongdina nógvu tær seinastu ferðirnar hava vit stórt sjálvsálit, og vit fara hvørja ferðina á vøllin við áliti á, at tað skal eydnast at vinna, sigur Eyðun Klakstein. B36 hevur vunnið fulla úr­tøku átta tær sein­astu ferðirnar. Síðani summar­ steðg­in er úrtøkan fimm sigrar við samantalda mál­ mun­inum 14-0! Toppliðið hevur ikki fingið mál ímóti sær í 500 minuttir (síðani AB javnaði til 1-1 í 3-1 B36 sigr­inum á Argjum). Einasta tapið higartil í ár var 3-1 tapið í Fugla­firði 19. apríl. Tað ber illa til at ímynda sær annað, enn at B36 fer at skriva søgu við at endur­ vinna FM árið eftir, at FM varð vunnið. Hvussu tað verður við hin­um heiðursmerkjunum, við síðsta atgongumerkini til euro­peiskan fótbólt, og hvussu tað verður við niður­ flyt­ingini er tað framvegis stórur spenningur um. Seks NSÍ mál í ein hálvan tíma Tað varð roknað við, at NSÍ skuldi vinna stórt á EB/ Streymi, og soleiðis endaði tað í góðveðrinum við Løkin. Men tað var ikki bara bara, tí EB/Streymur megnaði at halda tørn í ein heilan tíma, áðrenn Árni Frederiksberg, sum eftir dystarlok fekk lands­liðs­boð, setti hol á. So gekk skjótt, tí NSÍ vann 6-0. Spenningur var um, hvussu tað fór at ganga við mál­skjótingini hjá Klæminti A. Olsen, sum undan hesum um­far­inum var fýra mál frá teimum 24, ið eru metið fyri eitt kappingarár. Klæmint skoraði eitt mál – tað fjórða – og harvið er hann undan fýra teimum síðstu umførunum trý mál frá at røkka metið og fýra frá sjálvur at seta met. Innskifti Christian Høgni Jacobsen var væl upplagdur og skoraði tvær ferðir. Haraldur R. Højgaard, sum varð skiftur inn beinanvegin eftir steðgin, skoraði eitt mál, og Pól Jóhannus Justinus­sen skoraði fyri 9. ferð í lands­ kappingini í ár. NSÍ venjarin Trygvi Morten­sen var nøgdur við úrs­litið, men ikki við avrikið undan steðginum: – Fyrri hálvleikur mundi vera tann lakasti á heimavølli hjá okkum higartil í ár. EB/Streymur vardi væl, og teir vóru ikki lítið vandamiklir í mót­álop­ um, uttan at teir fingu nak­ að burturúr. Eftir steðgin vóru vit meiri fokuseraðir. Tá ið vit skoraðu fyrsta mál­ið, vóru teir troyttir, og so høvdu vit eina rúgvu av møgu­leikum. Vit hava arbeitt fyri at endurvinna næst­fremsta plássið, og vit eru fegnir um, at tað nú eydn­aðist, sigur Trygvi Mortensen. Bartal er fantastiskur Í gjár fylti ÍF miðverjin og superveteranurin Bartal Eliasen 39 ár. Í dýrdar­veðr­ inum í Fuglafirði var hann fyri 369. ferð í víggi í bestu deildini. Um steypadystirnir verða lagdir aftrat, so er talið 463. Í nógv teimum flestu dystunum, síðani Bartal fyrstu ferð var á besta lið­ num 19. juni í 1993 ella fyri 22! árum síðani, hevur hann verið miðverji. Um tap hevur verið í hendi, tá er Bartal so mangan fluttur fram í álopið. Tann heilivágurin varð eisini brúktur ígjár. Innskifti Andrew av Fløtum legði HB fram­um 2-1, tá ið ein minuttir var eftir av vanligu leiktíðini. Sera hegnisligt avrik sum eftir øllum at døma sá út til at verða sigursmálið, ið fór at halda HB trygt á Europa kósini. Fuglfirðingar iðraðu seg. Teir vóru greitt omaná í 2. hálvleiki, og teir spældu seg til fleiri heilt góðar mál­ møgu­leikar. Men Adeshina Lawal og Clayton Soares høvdu ikki marginalirnar við sær. So var tað, at Bartal varð fluttur fram í álopið. Í 95. minutti stakk hjálpar­venj­ arin á flog­bólts­lands­liðnum seg upp um allar hinar, og við høvdinum smasjaði hann bóltin niður í svørðin og upp undir nettakið. Hetta var mál nummar 75 í landskappingini. Um mál­ini í steypakappingini verða løgd aftrat, so hevur Bartal Eliasen skorað 113 mál í fremstu røð! HB spælararnir vóru vón­brotnir. Stutt undan steðg­inum legði Christian R. Mouritsen teir framum 1-0, og hóast Andy Ó. Olsen javn­ aði, tá ið ein tími var farin, so misti HB á stokkinum, eftir at Andrew av Fløtum hevði lagt teir framum aftur: – Vit høvdu tamarhald á støðuni fyrsta tíman, men eftir at ÍF javnaði til 1-1, varð tað opið og við nógvum møgu­leikum í báðum end­ um. Báðir málverjarnir vístu góð avrik. Vit kundu havt verið frammanfyri 3-0, áðr­ enn ÍF javnaði, og Teitur bjarg­aði fleiri ferðir, eftir at teir høvdu javnað, sigur HB venj­arin Milan Cimburovic. ÍF liðformaðurin Fritleif í Lambanum fegnaðist um, at tað í síðstu løtu eydnaðist at javna, men hann harmast um úrtøkuna í 2. hálvleiki: – Fyrra hálvleik vóru teir greitt betri, og vit runnu aftaná. Men tá ið vit høvdu javnað, tóku vit yvir, og tá áttu vit at havt skorað fýra mál. Seinni hálvleikur var besta avrikið síðani summar­ steðgin, sigur Fritleif í Lambanum. Heðin átti lyklaleiklut Klaksvíkingar góvu KÍ kær­ komna føðingar­dags­gávu í gjár – Klaksvíkar Ítróttar­ felag fyllir 111 ár í dag. 2-0 sigurin á Vágseiði ber við sær, at møguleiki framvegis er fyri, at dreymurin um euro­peiskan fótbólt næsta summar kann verða veru­ leiki. Tað eru tvey stig fram til HB. Heðin Klakstein hevur verið eyðsýndasti KÍ spæl­ arin í ár. Soleiðis var tað eis­ini í gjár, tá ið hann átti av­ger­andi leiklut. Tað var B36 er á tryggari meistarakós, AB lyfti seg upp um strikuna, og KÍ togaði seg nærri HB í kappingini um atgongumerkið at spæla í Europa næsta summar Europa og niðurflyting upp á spæl Páll Lervig fc Suðuroy Nú stendur á gomlum nøglum. Nú eru vit undir strikuni tíverri. Blívið við FC Suðuroy fjepparin Rógvi Dam EB/Streymur Eg sá ikki dystin í dag, eg var til arbeiðis í dag. Nú er 90 procent sikkurt, at vit flytta niður. fjepparin Jan B. Antonioussen nsí Hesaferð bleiv sigurin ikki líka ógvusligur sum seinast vit møttu Eb/Str., men tó líka sannførandi. Ein sera góður seinni hálvleikur. Meira av hasum! Góðir! fjepparin Allan Enghamar hb 1 stig er betri enn onki. Nú mugu vit bert ansa okkum, at KÍ ikki fer fram um okkum. Kom so dreingir. fjepparin Sæbjørn Leiti íf Sera góður 2 hálvleikur, gott spæl og nógvir góðir kjansir. Synd at vit ikki fingu 3 stig men 1 stig í part, tað var tað rætta aftaná 90 min Koyr á ÍF fjepparin