mánadagur 24. august 2015síða 17

17 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 24. august 2015 · Nr. 96 ítróttur Neli Heldarskarð Í næstbestu deildini snýr spenn­ingurin seg í høvuðs­ heitum um, hvat lið fylgir við Skála í Effodeildina komandi kapp­ingarár. Skálamenn hava verið nógv tað besta liðið í deildini gjøgnum alt kapp­ingar­árið, og tí var tað als ikki óvæntað, at tad farna mikukvøld eydnaðist Skála at tryggja sær upp­flyt­ing í Effodeildina, tá id appilsin­ gulu eystur­oy­ingar­nir á heima­vølli basti 07 Vestur 1-0. Spurningurin er so, hvat lid flytur upp afturat Skála. B68 og 07 Vestur hava stríðst um hetta plássið alt kappingarárið, og nú tá ið fá umfør eru eftir er spenn­ ingurin í hásæti um, hvat lið av hesum megnar at tryggja sær umráðandi annað pláss­ ið, ið viðførir uppflyting í bestu deildina í Føroyum. Gullkrónurnar fara á Skála Á Svangaskarði var satt odda­brak ímillum júst Skála og B68, sum eru bæði fremstu liðini í deildini. Talan var tó um heldur lin­ lig­an dyst, ið endaði 0-0. Úrs­litið merkir, at Skála longu nú hevur tryggjað sær fremsta plássið og gull­ heiðurs­merkini í deildini, hóast heili fýra umfør eru eftir at spæla. Tað eru heili 14 stig niður til toftamenninar á øðrum plássi, og tí er tað stødd­frøðilga ómøguligt hjá Skála at blaka oddasessin yvir borð. Liðið hjá Skála er í størstan mun mannað av lokal­um leikarum. Nakrir heilt fáir leikarar eru ikki upp­runa­leikarar av Skála, men tó hava nógv teir flestu av leik­arunum spælt á liði saman í nógv ár, og hetta ger sjálv­sagt tað, at liðið er sterk­ ari sum ein eind. Tá ið Skála royndi seg í bestu deildini í fjør vóru tað ógvuliga fáir av leik­arunum, ið áður høvdu spælt í bestu deildini. Nú fáa skála­menninir enn ein møgu­leika í bestu deildini. Tá ið hugsað verður um, at nú hava menninir royndir úr fremstu røð, afturat sann­ royndini um, at liðið er væl saman­spælt, so eigur liðið hjá Skála at vera betur brynjað at royna seg í fremstu røð í føroyskum fótbólti í mun til heldur óroynda liðið, sum spældi í Effodeildini í 2014. Av profilum á liðnum hjá Skála kunnu leikarar sum Jákup Johansen og Brian Jacobsen takast úr rúgvuni. Jákup hevur skorað 13 mál, meðan Brian er greiður topp­ skjútti í deildini. Hann hevur skarað framúr og hevur skorað heili 24 mál í 22 dyst­ um. Eisini er garvaði Pætur Dam Jacobsen at finna í hóp­ inum hjá Skála. Kreppa í Sandavági Størsta partin av hesum kapp­ingarárinum hevur 07 Vestur ligið á øðrum upp­ flytingar­plássinum, men hetta er broytt nú. Leygar­ dagin taptu vágamenn sera óvænt­að 1-2 á heimavølli ímóti Víkingi, ið er nummar sjey í deildini. Hetta var triði dystur upp í slag, at tað ikki eydn­aðist felagsliðnum úr Vágoynni, sum í ár spælir sínar heimadystir í Sanda­ vági, at vinna sær fulla úr­ tøku. Ringa gongdin hjá 07 Vestur merkir, at B68 nú hevur yvir­tikið annað upp­ flytingar­plássið. Tó eru fýra um­før eftir at spæla enn, og tí er als onki avgjørt í upp­ flytingar­stríðnum ímill­um hesi liðini. Komandi sunnu­ dag er stórdystur í deildini, har júst 07 Vestur og B68 bresta saman í Sandavági. Sandoyingar sterkir heima í Dalinum Sermerkt hevur verið við B71, sum í fjør flutti upp úr trið­bestu deildini, at liðið er sum dagur og nátt alt annað eftir, um liðið spælir á heima- ella útivølli. Sandoyingarnir hava bara vunnið ein útidyst alt hetta kappingarárið, men í Dalinum er B71 eitt heilt ann­að lið. Her hevur liðið fingið nógv tey flestu stigini til høldar, og leygardagin gjørd­ist tað enn einaferð til ein heimasigur, tá ið teir næst­bestu hjá KÍ komu á vitjan. Úrslitið gjørdist 2-1 til B71. Vónleysir miðvingar Í fjør vann MB 2. deild og flutti sostatt upp í 1. deild. Tað gjørdist tó skjótt greitt, at liðið als ikki hevði støðið til deildina og tað sæst eis­ ini aftur á stigatalvuni, har lið­ið bert hevur skavað tveir javnleikir saman í 23 dyst­um. Heilt illa hevur tað ging­ið eftir summarsteðgin, har miðvingarnir hava latið 31 mál inn í fýra dystum. Leygar­dagin var NSÍ á vitjan á MB-Arena, sum heima­vøll­ urin hjá MB verður nevnd­ur, og tað gjørdist til ein tryggan og greiðan útisigur áljóðandi 0-4. MB er langt síðani flutt niður í triðbestu deildina, og spurningurin er, um teir megna at vinna ein sigur, áðrenn teir biða næstbestu deildini farvæl á hesum sinni. Javnleikur ímillum topp og botn Í Effodeildini er B36 á mark­ inum at gerast meistari, með­an AB stríðist í botn­ inum. Í 1. deild er støðan tó ein heilt onnur, har AB er á fjórða plássi beint eftir upp­flytingar­kandidatarnar, með­an B36 er væl undir niður­flytingar­strikuni. Leyg­ar­dagin spældu hesi lið­ini á Argjum. Úrslitið gjørd­ist 0-0 í einum góðum dysti, har bæði lið­ini høvdu møguleikar at fáa bóltin inn um strikuna. Í sjálvari yvirtíðini fekk mál­verjin hjá B36, Trygvi Askham, reytt kort. Trygvi er eis­ini eyka­ mál­maður á besta lið­num hjá B36, og tí hevði hann leik­bann og kundi ikki sita á bonkinum hjá B36 í gjár, tá ið árs­tals­felagið staðfesti odda­ støðu sína ímóti Víkingi. Ístað­in var 45 ára gamli Egin Høgnesen á bonkinum hjá B36. fótbóltur Uppflytingar­ stríðið harðnar 1. Deild støðan nr. lið dystir vunni javnt tapt + mál - mál +/- stig 1 Skála 23 18 4 1 68 15 +53 58 2 B68 23 13 5 5 47 23 +24 44 3 07 Vestur 23 12 6 5 51 26 +25 42 4 AB II 23 12 6 5 45 28 +17 42 5 KÍ II 23 11 0 12 53 40 +13 33 6 B71 23 9 6 8 42 38 +4 33 7 Víkingur II 23 8 4 11 32 35 -3 28 8 NSÍ II 22 7 3 12 39 39 0 24 9 B36 II 22 2 8 12 18 59 -41 14 10 MB 23 0 2 21 12 104 -92 2 Skála - B68 0-0 (0-0)  07V - Víking 1-2 (1-1) 0-1: Svein Justinussen 7. 1-1: Andras Dalbø 24. (sjálvm) 1-2: Magnus Jarnskor 63.  MB - NSÍ 0-4 (0-2) 0-1: Petur Knudsen 43. 0-2: Petur Knudsen 43. 0-3: Jann J. Benjaminsen 47. 0-4: Helgi L. Petersen 78. B71 - KÍ 2-1 (1-0) 1-0: Bjørgfinnur Winther 24.  2-0: Tummas Pauli Olsen 74. 2-1: Óli A. J. Johannesen 78. (sjálvm) Brent brotsspark: Jógvan Isaksen 60. (KÍ) AB - B36 0-0 (0-0) Reytt kort: Trygvi Askham 90. Úrslit 23. umfar Úrslitini í 1. deild í vikuskiftinum lagaðu seg soleidis, at B68 kom eitt stig nærri uppflyting í Effodeildina. Eisini blivu heldur fá mál skorað í teimum fimm dystunum, sum allir blivu spældir leygardagin Mynd: Sigmar Mørkøre