týsdagur 25. august 2015síða 26

Mikudagur 26. august 2015 · Nr. 97 26 Sosialurin Hugskot og viðmerkingar – send sms til 225000 Gransking fyri C – nýggj vitan ber okkum fram Kristianna Winther Poulsen valevni fyri Javnaðarflokkin til løgtingsvalið 1. september 2015 Javnaðarflokkurin vil raðfesta vinnu­ liga gransking við at seta 10 milli­ónir av til økið kom­andi fýra árini. Har­um­ framt skulu vit eggja privata vinnu­ lívinum til at styrkja gransking. Her halta vit aftanfyri. Sambært tilráðingum úr OECD eigur eitt land at brúka 3,5 prosent av BTÚ til gransking. Í Føroyum brúkar tað almenna hesa upphædd, meðan privata vinnulívið haltar nakað væl aftanfyri. Allarhelst tí, at vit í Føroyum ikki hava havt sið­venju at síggja útbúgving og gransking sum nakað, ið er vert at brúka stórvegis av tíð og pengum uppá. Men hetta skal broytast. Á veg – eisini út í heim Føroysk gransking er á veg. Síðani 2007 hava vit havt atgongd til gransk­ingarpengar í ES, fyrst við FP7 og nú við Horizon 2020. Okkara avbjóðing er nú at økja um føroysku luttøkuna í teimum granskingarverkætlanum, sum fáa ES-stuðul. Tað er eitt stórt og rættiliga fløkt arbeiði at skriva eina so góða umsókn, at hon verður millum tær fáu útvaldu, og tí skulu okkara granskarar fáa góða vegleiðing til at navigera í hesari tilgongdini. Ílegugransking Kring allan heim hevur heilsu­verk­ ið stórar avbjóðingar og vitan um arvafrøði er ein møguleiki at betra um heilsufakliga vitan. Á hendan hátt ber til at menna verandi og fram­tíðar tilboð og tænastur í heilsu­verkinum, samstundis sum út­reiðslurnar á økinum kunnu avmarkast. Nú hevur Ílegusavnið fingið um­ støður til at seta ferð á virksemið, og Javnaðarflokkurin vil raðfesta, at eisini frameftir skal Ílegusavnið hava góðar karmar. Sjálvandi skal virksemið hjá Ílegusavninum vera í samsvari við føroyska lóggávu. Havrannsóknarskip Javnaðarflokkurin vil arbeiða fyri at fáa nýtt havrannsóknarskip og íløga í nýtt havrannsóknarskip skal gerast komandi valskeið. Javnaðarflokkurin raðfestir gransking og virðir týdningin av góðum karmum fyri fría gransking í einum nútímans samfelagi. Latið okkum koma aftur á rætta kós Ingeborg Godtfred Valið stendur fyri durum og so­kallaðir fjøl­táttaðir v a l ­f u n d i r verða júst í hes­um døgum skipaðir runt landið. Í roynd og veru eitt fólks­ligt íkast frá miðlunum. Á nøkrum valfundum verður heitt á fólk á staðnum, og tey sum sita heima um at seta spurningar til valevnini, spurningar sum snúgva seg um alt millum himmal og jørð. Dúgliga verður ringt og skrivað inn, og sjálvandi vænta vit sum lýða á, at spurn­ingarnir snúgva seg um, hvussu fáa vit skil á búskapinum og livilig kor fyri alt Føroya fólk. Frá Sam­bandinum fáa vit at vita, at hall er á fíggjarlógini, í sama andadrátti fáa vit at vita frá Fólka-flokkinum, at einki hall er á fíggjarlógini, men at hallið verður vent til yvirskot næsta ár. Næsta ár er enn ikki komið, men tað er jú lætt at spáa um fram­ tíðina, tað velst um hvør spáar. Men nei, tann altráði spurn­ingurin til valevnini av Eiði og aðrastaðni í Før­ oyu­m er. “Hvat er tín støða til hjúna­bands­støðuna, gongur tú inn fyri, at fólk av sama kyni kunnu vígast í sam­kom­ um og kirkjum.” Miðflokkurin hevur enn einaferð fingið øði í grindina, tí teirra etisku virðir siga, at kvinna skal giftast manni og maður giftast kvinnu. Jenis av Rana er og verður størsti sjónleikari, vit hava og eiga á Føroya løgtingi. Her er hann vitandi um, at hann hevur eitt mál, sum hann veit hinir flokkar ikki kunnu taka undir við, tí her eru flokkarnir ikki heilir. Miðflokkurin við Jenis á Rana átti heldur at hugsað um øll tey neyðars børn, sum hann eisini er væl vitandi um, eru vorðin misbrúkt her á landi, og sum nú gera um seg. Tað er átrokandi neyðugt, at vit seta okkum eitt mál, hvussu vit kunnu hjálpa hesum bólki, men tað er ikki so populistiskt fyri Miðflokkin, tí her standa allir flokkar saman. Tey sam­kyndu eru eins og tú og eg skapt í Guds bílæti, og skilja seg slett ikki úr sam­felagnum Føroyar, tey krevja heldur ikki at skula vígast í kirkjum ella sam­ komum, hjúnabandið er ikki religiøst, men tað hava teir gjørt tað til. Eg fari inniliga at heita á tey okkara skilagóðu politik­ arar um, at hugsa um landið Føroyar, fáa tað á rætta kós aftur, og gera tað liviligt fyri allir borgarar, heldur enn at keglast um slíkt fá­vitsk­ut, sum bert hevur eitt enda­ mál at sáa split og vinna atkvøður. Løgtingsval Sum kunngjørt av løgmanni verður løgtingsval týsdagin 1. september 2015. Valt verður soleiðis 1. Fólk í Havn, Mjørkadali, Norðradali og Hoyvík, á Hvítanesi og Sundi velja í ítróttarhøllini á Hálsi 2. Fólk á Argjum velja í róðrarneystinum á Argjum 3. Fólk í Kaldbak og Kaldbaksbotni velja í skúlanum í Kaldbak 4. Fólk í Kollafirði velja í skótahúsinum í Kollafirði 5. Fólk í Kirkjubø, á Velbastað og í Syðradali velja í skúlanum á Velbastað 6. Fólk í Hesti og Koltri velja í bygdarstovuni í Hesti 7. Fólk í Nólsoy velja í felagshúsinum hjá Ungmannafelagnum Royndini í Nólsoy Atkvøðugreiðslan verður frá kl. 10.00-20.00 ella so leingi, veljarar møta uttan steðg. Tey, sum vegna sjúku ella av øðrum orsøkum ikki kunnu koma á valstaðið, kunnu boða frá á Snarskivuni, telefon 302010, til dagin fyri valið. Samstundis verður boðað frá, at valkort til løgtingsvalið eru send teimum, ið standa á vallistanum. Um veljari ikki hevur fingið valkort, ella okkurt annað er komið skeivt fyri, skal sum skjótast boðast Snarskivuni frá hesum. Valstýrini í Tórshavnar kommunu torshavn.fo KUNNGERÐ til løgtingsveljarar í Runavíkar kommunu til løgtingsvalið 1. september 2015 BRÆVATKVØÐUR Veljarar í Runavíkar kommunu, ið sambært vallógina lúka treytirnar fyri at greiða brævatkvøðu, kunnu atkvøða á kommunuskrivstovuni í avgreiðslutíðini til og við 31. august 2015. Tey, ið vegna sjúku ikki eru før fyri at koma á valstaðin, kunnu boða kommunuskrivstovuni frá á tlf. 417000 í seinasta lagi 31. august 2015 kl. 12.00. VALKORT Valkort eru send øllum veljarum í kommununi. Um onkur, ið heldur seg hava atkvøðurætt, ikki hevur fingið valkort, ella okkurt annað er komið skeivt fyri, skal verða sagt býráðsskrivstovuni frá í seinasta lagi 31. august 2015 á tlf. 417000 RUnAVíKAR KOmmUnA