týsdagur 25. august 2015síða 38

Mikudagur 26. august 2015 · Nr. 97 38 Sosialurin Hugskot og viðmerkingar – send sms til 225000 ítróttur fótbóltur Jóannes Hansen Øll tey trý feløgini í høvuðs­ staðnum skulu í eldin hós­ kvøldið. Grannauppgerð verð­ur í Gundadali, og AB skal til Klaksvíkar. Fyrsti dyst­urin í 23. umfari varð spæld­ur 12. august, tá ið Víking­ur á heimavølli vann 3-1 á NSÍ. Hesi bæði liðini hittast leygarkvøldið í final­ uni um løgmanssteypið. Tveir teir síðstu dystirnir í hesum umfarinum verða spældir sunnudagin. Tá skal FC Suðuroy stríðast fyri lívinum í fremstu røð á úti­vølli ímóti EB/Streymi, sum ongar vónir hevur um at endur­vinna plássið. Og tá fær TB vitjan av ÍF. Hesi bæði liðini kappast um, hvat av teimum skal vinna sætta plássið. Um tað eydnast B36 at vinna fulla úrtøku ímóti HB, so vera tað átta stig aftur til NSÍ og tíggju aftur til Víking­ ur. Við gongdini hjá B36 í huga verður tá meiri enn ilt at ímynda sær, at tað skal bera til hjá nøkrum at fáa meistararnar aftur. Dagsformurin hjá B36 er væl betri, enn hann var hjá tí B36 liðnum, sum í fjør vann FM. Eftir 16. umfar í fjør hevði B36 40 stig. Eftir 16. um­far í ár hevði B36 33 stig. Nú 23. Umfar er á skránni, sigur støðutalvan, at B36 hev­ur 51 stig. Eftir 22. umfar í fjør hevði B36 49 stig. Tá ið FM heitið í fjør var tætt undir borðinum kend­ ist tað sum um, at B36 eitt skifti hevði gummibein, men tað eydnaðist akkurát at vinna FM. Púrasta einki hev­ur higartil verið at sæð til, at gummi­beinini spøkja í Gunda­dali. Um tey skulu arga og gera um seg, so skal tað vera ímóti HB í annað­ kvøld. Fróði sigur uttanfyri Fyri HB kendist tað at vera stórt vónbrot, tá ið ÍF í 95. minutti sunnudagin javnaði til 2-2. Men nýggi venjarin, Milan Cimburovic, hevur álit á, at hansara menn fara at vísa góðan hugburð ímóti B36: – Tað er ein smeitur fyri okkum, at liðformaðurin Fróði Benjaminsen er leik­ bann­aður. Onkrir aðrir eru smá­skaddir. Hósdagin fáa vit at síggja, hvørjir verða tøkir. At spæla ímóti B36 er størsta avbjóðingin hjá okk­ um, og eg ivist onga løtu í, at spælararnir, sum fara á vøllin, vera so tendraðir, sum teir eiga at vera, sigur Milan Cimburovic, sum í tveimum dystum við HB hevur vunnið fýra stig. Eyðun Klakstein og hans­ ara menn ásanna, at tað sær heilt gott út. At úrtøkan hev­ur verið so góð, og at tað síðani summarsteðgin er bund­ið heilt fyri í verjuni – B36 hevur einki mál fingið ímóti sær í 500 minuttir – ber stórt sjálvsálit við sær: – Vit eru fokuseraðir á hesa avbjóðingina. Lokal­upp­ gerðirnar í høvuðsstaðnum eru nakað heilt serligt, og tað er so mangan komið fyri, at tann, sum á pappírinum tóktist at liggja undir, reisti seg, tá ið avbjóðingin ímóti grann­unum var á skránni, sigur B36 venjarin. Tað verður neyðugt at broyta liðið eitt sindur, tí mið­vallargeneralurin Róaldur Jakobsen er leik­ bann­aður. Ein møguleiki er, at lið­for­mað­urin Jákup á Borg, sum ímóti Víkingi sat á beink­inum frá dystarbyrjan, verð­ur millum teir fyrstu ellivu. HB - B36: Petur Reinert Europa er í eygsjón Felags fyri AB og KÍ er, at tey sunnudagin vunnu fulla úrtøku, og at tað harvið eru betri fyritreytir at røkka málinum. Hjá KÍ er tað næsta summar at sleppa upp í part í Europa, og hjá AB er tað at sleppa undan niðurflyting. – Lagið er gott, tí nú er tað so tætt við, at tað er upp til okkum sjálvar at gera av, um vit skulu vinna fjórða pláss­ið. Tað er avgerandi at vinna á heimavølli, og um tað eydnast ímóti AB, og HB ikki fær stig ímóti B36, so verður tað upp til okk­um í fýra teimum síðstu umfør­ unum at halda tørn um fjórða plássið, sigur Heðin Klak­stein. Hann hevur verið framúr nógvu tær sein­astu ferðir­nar, og hann er KÍ topp­skjútti við tíggju mál­ um. Sunnudagin lyfti AB seg sunnudagin við sannførandi 3-0 heimasigri á TB upp um niðurflytingarstrikuna. Karstin Højgaard varð skift­ ur inn, og fram ímóti dystar­ enda skoraði hann tvær ferðir. – Hetta var sera týdn­ ingarmikið. Vit trúgva fult og fast upp á, at tað skal eydnast at varðveita plássið í deildini, sigur Karstin Højgaard, sum saman við liðfeløgunum fer til Klaksvíkar fyri at vinna fulla úrtøku. KÍ - AB: Kári J. á Høvdanum joannes@sosialurin.fo B36 er stinnari enn meistarin Um tað gongur eftir vild hjá B36 og KÍ, so verður árstalsfelagið mest sum meistari eftir grannauppgerðina í morgin, og tá hava klaksvíkingar møguleika at vera á europeiskum plássi Upptakt til Effodeildina Effodeildin støðan nr. lið dystir vunni javnt tapt + mál - mál +/- stig 1 B36 22 15 6 1 50 18 +32 51 2 NSÍ 23 14 4 5 66 34 +32 46 3 Víkingur 23 12 8 3 59 30 +29 44 4 HB 22 9 9 4 32 26 +6 36 5 KÍ 22 9 7 6 39 31 +8 34 6 ÍF 22 5 9 8 37 44 -7 24 7 TB 22 4 11 7 30 38 -8 23 8 AB 22 2 10 10 25 35 -10 16 9 FC Suðuroy 22 4 4 14 27 56 -29 16 10 EB/Streymur 22 1 4 17 19 72 -53 7