hósdagur 3. september 2015síða 39

Fríggjadagur 4. september 2015 sosialurin 101 39 landsliðnum Aldur: 25 Pláss: Miðvallari, miðverji Felag: FC Fredericia (Danmark) Landsdystir: 19 Mál: 2 Gilli Sørensen Støðumeting í felagnum: Gjørdi fyri kortum nýggjan trý ára sáttmála við AaB. Hevur fingið partvís sítt gjøgnumbrot í ár, har hann hevur spælt onkrar dyst frá byrjan, men annars sum innskiftari. Hevur verið skaddur síðani sigurin á Grikkalandi, men er nú tøkur aftur. Støðumeting á landsliðnum: Byrjaði inni móti Grikkalandi á vinstra bakki. Nógv bendir á, at hann byrjar á vinstra bakki aftur hesaferð. Tað hava hvørtfall ábendingar verið um til venjingarnar. Aldur: 23 Pláss: Vongur og bakkur Felag: AaB (Danmark) Landsdystir: 6 Mál: 0 Fróði Benjaminsen Støðumeting í felagnum: Hevur havt sítt slakast ár í eitt mannaminni. Fekk ikki uppstartin við vegna útbúgving og arbeiði. Hevur spælt seg upp síðani summar feriuna og er nú aftur áleið har vit kenna hann. Støðumeting á landsliðnum: Er liðskipari og byrjar inni fríggjakvøldið. Tað sást ikki aftur móti Grikklandi seinast, at nærkast endanum á yrkisleiðini á landsliðnum. Hevur boðað frá, at hann gevst eftir hetta kappingarárið. Aldur: 37 Pláss: Miðvallari Felag: HB Landsdystir: 84 Mál: 6 Christian Lamhauge Holst Støðumeting í felagnum: Spælir í triðj bestu deildini í Danmark fyri Fremad Amager. Tykist hava fast pláss á liðnum og verða millum álitini. Triðj besta deildin er eitt stórt afturstig frá Silkeborg, men enn avrikar Holsturin væl. Støðumeting á landsliðnum: Hevur verið ein drúgvur tænari á landsliðnum. Tykist enn hava nógv at geva landsliðnum, men við Brandi H. Olsen á framrættaða miðvøllinum, so verður hann skumpaður á vongin. Her hevur hann ikki orkuna til meiri enn í mesta lagi ein tíma, men hevur so mikið góðar eginleikar á bóltinum, at hann í framtíðini eisini kann gera mun sum innskiftari. Tykist fram­ vegis verða tryggur startari á vinstra vongi. Aldur: 33 Pláss: Miðvallari og vongur Felag: Fremad Amager (Danmark) Landsdystir: 47 Mál: 6 Pól Jóhannus Justinussen Støðumeting í felagnum: Hevur í ár avrikað væl á NSÍ liðnum, sum hevur havt eitt gott kappingarár. Hevur bæði spælt á vinstra bakki og á miðvøllinum. Tykist spæla við sjálvsáliti og hevur avgerandi leiklut á liðnum. Støðumeting á landsliðnum: Tykist ikki verða upp á tal til vinstra bakki. Tí tykist mest sannlíka plássið at verða vinstri vongurin, har Christian L. Holst ikki heldur ein heilan dyst longur. Spældi ikki væl í Belfast, tá hann fekk møguleikan frá byrjan, men møguliga sum innskiftari á vonginum um vit hava brúk fyri kropsligari styrki. Aldur: 26 Pláss: Bakkur, miðv., vongur Felag: NSÍ Landsdystir: 21 Mál: 0 Hallur Hansson Støðumeting í felagnum: Hevur fingið sítt gjøgnumbrot í Vendsyssel, har hann spælir fast á miðvøllinum. Prógvaði í fjør, at hann er ov góður til føroysku Effo-deildina. Vendsyssel hevur eitt mál um at røkka Superliguni, so Hallur er í einum umhvørvi, sum hevur ambitiónir. Støðumeting á landsliðnum: Er sjálvskrivaður á miðvøllinum. Hevur ein ótrúligan motor og hevur tað við at skora á landsliðnum. Hann skoraði eisini móti Grikkalandi seinast. Aldur: 23 Pláss: Miðvallari Felag: Vendsyssel (Danmark) Landsdystir: 17 Mál: 3 Kaj Leo í Bartalsstovu Støðumeting í felagnum: Hevur vunnið seg á liðið hjá Levanger. Hevði tað trupult at byrja fyrr í ár, men hevur nú vunnið álit frá venjaranum. Støðumeting á landsliðnum: Hevur ikki fingið sítt gjøgnumbrot enn. Má helst prógvað, at hann kann arbeiða hart í verjustøðu. Hann er ein framrættaður vongur við góðum eginleikum á bóltinum. Aldur: 24 Pláss: Vongur Felag: Levanger (Noreg) Landsdystir: 4 Mál: 0 Brandur Hendriksson Olsen Støðumeting í felagnum: Hevur fingið sligið sítt navn fast við av­ ger­andi málinum í donsku steypa­ kappingini. Umframt, at hann hevur skotið fleiri onnur mál. Hevur enn ikki vunnið sær fast pláss enn, men sleppur oftani inn. Hevur havt tað trupult eftir summarsteðgin, tí FCK hevur keypt nógv inn. Støðumeting á landsliðnum: Hevur sum 19 ára gamal vunnið sær fast pláss á landsliðnum. Tykist eisini hava funnið seg til rættis á føroyska mið­vøllinum, og skoraði seinna málið móti Grikkalandi. Byrjar heilt víst leygarkvøldið á framrættaða mið­ vøllinum. Aldur: 19 Pláss: Miðvallari Felag: FC Keypmannahavn (Danmark) Landsdystir: 5 Mál: 1 Sølvi Vatnhamar Støðumeting í felagnum: Hevur fast pláss á miðvøllinum hjá Víkingi, har hann er ein av leiðandi spælarunum. Hevur spælt seg upp í Víkingi í ár, eftir at hann var nakað lítið eyðsýntur í fyrru hálvu. Støðumeting á landsliðnum: Kom burturúr ongum og hevur vunnið sær fast pláss á høgra vongi, har hann óræddur og ósmæðin bjóðar av við bóltinum. Torir at bæði dribbla og venda sær við bóltinum. Tykist ikki nakar ivi vera um, at hann byrjar á høgra vonginum fríggjakvøldið. Aldur: 29 Pláss: Miðvallari og vongur Felag: Víkingur Landsdytir: 5 Mál: 0 Róaldur Jakobsen Støðumeting í felagnum: Hevur aftur í ár verið sannførandi á miðvøllinum hjá B36, har hann er snúningspunktið við bóltinum. Hevur saman við B36 liðnum sett seg tungt á fyrsta plássið í føroyskum fótbólti. Støðumeting á landsliðnum: Hevur havt tað torført tveir teir fyrstu dystirnar á landsliðnum, men vísti í Rumenia, at hann er førur fyri at spæla á landsliðnum. Einki bendir á, at hann byrjar í kvøld, men er ein sannlíkur innskiftari. Aldur: 24 Pláss: Miðvallari Felag: B36 Landsdystir: 2 Mál: 0 Árni Frederiksberg Støðumeting í felagnum: Árni hevur í nøkur ár verið millum drúgvastu spælararnar hjá NSÍ. Evnini eru ikki at taka feil av, men tvey tey seinnu árini hevur hann veruliga umsett tað til mál og avgerandi avleveringar, ið vinna dystir. Kom tó illa frá steypafinaluni, har hann bleiv útvístur. Støðumeting á landsliðnum: Tykist sum hann er í hópinum fyri at læra umstøðurnar og mannagongdirnar at kenna. Kann koma upp á tal sum innskiftari. Aldur: 23 Pláss: vongur Felag: NSÍ Landsdystir: 0 Mál: 0 Jóan Símun Edmundsson Støðumeting í felagnum: Jóan Símun hevur umsíður fingið sítt gjøgnum­brot sum yrkisspælari. Spæir fast í álopinum hjá Vejle, har hann javnt er millum málskjúttarnar. Somu­leiðis verður hann róstur fyri avrikini. Støðumeting á landsliðnum: Hevur fast sum áleypari, og er í einum flokki fyri seg í framrættaða spælinum. Fekk ein minni skaða í landskappingardysti farna viku­ skiftið, men vandi við fullari ferð í gjár. Byrjar inni á fremsta plássinum. Aldur: 24 Pláss: Framherji Felag: Vejle (Danmark) Landsdystir: 32 Mál: 3 Klæmint Andrasson Olsen Støðumeting í felagnum: Er topp­ skjútti í føroyskum fótbólti. Tað hevur hann verið í hálvt triðja ár nú. Hóast hann skorar nógv mál, so er hann ikki bangin fyri at arbeiða hart og stríðast fyri liðnum. Støðumeting á landsliðnum: Hóast hann skorar nógv mál í føroyskum fótbólti, so er tað nakað heilt annað at skjóta mál á landsliðnum. Her hevur Klæmint ikki sannført, at hann kann gera tað á landsliðnum, men hann lýkur flestu krøvini. Stríðsviljin og málnøsina hevur hann. Byrjar á bonkinum, men kundi verið eitt gott boð upp á ein innskiftara móti dystarenda. Aldur: 25 Pláss: Framherji Felag: NSÍ Landsdystir: 5 Mál: 0 Finnur Justinussen Støðumeting í felagnum: Hevur spælt sín seinasta dyst í Effo- deildini á hesum sinni. Flytir niður í útbúgvingarørindum. Vónandi finn­ ur hann eitt felag á rímiligum stigi. Støðumeting á landsliðnum: Er við í staðin fyri Andreas Lava Olsen, sum ikki er tøkur í løtuni. Hevur prógvað seinastu dystirnar, at hann er væl fyri. Er eisini ein møguleiki sum inn­ skiftari. Aldur: 26 Pláss: Framherji og vongur Felag: Víkingur Landsdystir: 1 Mál: 0 trondur@sosialurin.fo Mynd: Álvur Haraldsen