týsdagur 8. september 2015síða 26

Mikudagur 9. september 2015 · Nr. 103 26 Sosialurin Hugskot og viðmerkingar – send sms til 225000 ítróttur landsliðið fótbóltur Tróndur Arge – Helsinki Føroyska landsliðið fekk einki stig við heim úr Helsinki. Tað iðra okkara menn seg um. Sum heild varð talan um ein javnan dyst, har okk­ara kundu havt stolið minst eitt stig, um vit vóru eitt vet betri og hepnari. Vit hava eftir hondini spælt fleiri av hesum dystunum, har vit kenna á okkum, at vit kundu havt fingið meiri burtur­úr. Kritikkurin heglaði oman­ yvir polska dómaran frá føroyskari síðu – rættvíst so – men eftir stendur tú við kensl­uni, at vit enn mangla nak­að at læra á altjóða stigi við hesum liðnum. Øði eftir dystarenda Sinnistøðan hjá okkara spælarum er ikki til at taka feil av. Jónnaes Jakobsen, hjálpar­venjari, og lands­liðs­ mál­verjin, Gunnar Nielsen royna sissa menn, tá polski dóm­arin hevur bríkslað fyri sein­astu ferð. Seinasta aktiónin í dyst­ inum var sigandi fyri okkara avrik. Vit fáa innkast nakað inni á hálvuni hjá Finnlandi. Dómarin hevur lagt tríggjar minuttir afturat. Tað er um reppi, at teir eru farnir. Jónas Tór Næs ger seg til reiðar at kasta, men má líka umráða seg, meðan okkara spælarar drøna fram móti finska mál­ inum. Tá hann skal til at kasta inn­kastið, og geva okkara monn­um ein seinasta møgu­ leika, velur dómarin at bríksla dystin av. Marcin Borski hevði longu givið føroyska liðnum fimm gul kort, og megnaði ikki at leiða dystin serliga væl. Hann fekk øðina at kenna, men ein partur av øðini var eis­ini, at okkara spælarar kendu á sær, at vit kundu havt fingið meiri burturúr á olympiska leikvøllinum í Helsinki. Lítil áhugi Áhugin fyri fótbólti í Finn­ landi er lutfaldsliga lítil í mun til lond sum Før­ oy­ar, Danmark og Ong­ land. Í Helsinki vóru tey flestu ikki klár yvir, at fótbóltslandsliðið skuldi spæla mánakvøldið. Tað hevur heldur ikki gingið so væl hjá finska lands­liðnum í hesi undan­ kapp­ingini. Teir høvdu sjey stig á fimta plássi, meðan vit høvdu seks stig á sætta plássi undan dystinum okk­ ara millum. Ein sigurin í Grikkalandi fríggjakvøldið økti ikki um áhugan. Heldur er tað millum ann­ að vetrar ítróttur, frælsur ítrótt­ur, íshokky og Formula 1, sum fangar áhugan hjá fólki her. Dagin fyri dystin var kapp­koyring í Formula 1 í Italia. Á Sports Academy mat­stov­uni sótu tey sum á nálum. Finski Kimi Raikkonen byrjaði á øðrum plássi, tá ljós­kurvan skifti til grønt. Tað fór at sus gjøgjn­ um allar gestirnar, tá tað gjørd­ist teimum greitt, at Kimi stóð fastur í startinum. Hann var síðstur um fyrsta sving­ið og mátti so innheinta allar hinar. Fyri hvørja yvir­ háling klappaðu og róptu fólk­ini á matstovuni. Jú, áhugin er fyri ítrótti í Helsinki, men her hevur fót­ bólt­urin ikki so stórt vald. Søguligur leikvøllur Spælt varð á olympiska leik­ vøllinum í Helsinki, sum hýsti summarleikinum í 1952. Leik­vøllurin stóð liðugur longu í 1938, tí ætlanin varð at hýsa olympisku summar­leik­unum í 1940, men seinni heimsbardagi gjørdi, at eingir olympiskir leikir vóru hildnir í 1940 og í 1944. Í 1948 vóru olympisku summar­leikirnir hildnir í London, og fýra ár seinni í Helsinki. Leikvøllurin varð nú­tímans­gjørdur, árini 1990-1994. Talan er um ein snøggan, klass­iskan leikvøll, men stóra olympiska renni­ breytin ger, at stemning­urin ikki nær somu hædd­um, sum á nýmótans fót­bólts­ leik­vallum. Almenna áskoðarar talið til dystin var áleið 9.500. Tað fylti ikki so nógv í myndini, men bæði teir føroysku og teir finsku áskoðararnir fingu fleiri ferður lív í kring vøllin. Føroysku feløgini við Tíðin, tá nógv føroysk við­ halds­fólk fylgdust við lands­ liðnum til útidystir, er eitt sindur farin. Tað verður ikki gjørt líka nógv burturúr longur. Tað eru fyri tað mesta útisetar, sum skipa fyri túrum úr Danmark, tá vit spæla í londum sum Svørki og Týslandi, har koyr­andi er aftur og fram. Millum annað kundu føroysku áskoð­arar­ nir teljast á einir hond, tá vit vunnu í Grikkalandi. Hesa ferð hevði Fót­bólts­ sam­bandið boðið leiðsl­unum í føroysku fót­bólts­feløg­ unum við. Tað ger teir av og á, fyri at fáa samansjóða føroyskan fótbólt. Hesi vóru óalmindiliga røsk at rópa og díkja á føroysku spælarar- nar. Túrurin hevur eisini verið merktur av, at nógv kjak hevur verið um framtíðina í før­oyskum fótbólti. Vónandi kem­ur okkurt gagnligt burtur­úr hesum kjakinum í fram­tíðini. Tómur leikvøllur og tóm kensla Tá illa lýddi dómarin bríksl­ aði fyri seinastu ferð, var klokkan um midnátt í Helsinki. Teir 9.500 áskoð­ arar­nir vóru skjótir av leik­ vøllinum. Føroysku spæl­ arar­nir mótmæltu eina løtu á vøllinum, og í øðini gloymdi fleiri teirra at takka áskoð­ arunum fyri stuðulin. Soleiðis stóðu øll eftir við eini tómari kenslu. Spæl­ arar­nir vita, at teir spældu sum heild væl, men fingu einki afturfyri. Áskoðararnir gjørdu sítt, men fingu heldur ikki tað teir mettu teir høvdu uppi­borið afturfyri. Løtu seinni varð ljósið á søguliga olympiska leik­vøll­ inum sløkt. Hetta tvíumfarið er av. Vit kundu havt fingið stig móti Norðurírlandi, og vit kundu havt fingið stig móti Finnlandi. Í báðum før­ um kunnu vit iðra okkum um, at døm­ingin ikki var til okk­ara fyrimun. Men niður­ støðan er eisini, at vit lata okkum porovokera og lumpa ov lætt. Hetta liðið er fyri tað mesta mannað við ungum og evnaríkum spælarunum, sum hava nakað eftir at læra. Viljin til at vinna er ikki til at taka feil av. Hann er so stórur, at tað onkuntíð kókar yvir. Heldur tað, enn at vit slett ikki koma upp í kók, men best hevði verið at funnið millum loysnina. Vit hava ikki longur møgu­leikan at vinna okkum víðari til EM endaspælið. Tað hevði heldur eingin droymt um fyri einum ári síðani, men sann­leikin er, at koppaði alt okkara veg, so vóru vit enn í stríð­num um triðja pláss. Tað er framgongd! trondur@sosialurin.fo Landsdysturin í Helsinki bleiv eitt tómt og frustrer­andi upp­livilsi, sum tó bjóðaði upp á gott spæl og fram­gongd, men enn eina ferð lótu vit okkum øsa so nógv, at tað kostaði Frustratión í Helsinki Myndir: Polfoto