týsdagur 8. september 2015síða 27

27 Mikudagur 12. februar 2014 · Nr. 18 Sosialurin Hugskot og viðmerkingar – send sms til 225000 Mikudagur 9. september 2015 · Nr. 103 ítróttur fótbóltur landsliðið Lars Olsen harmast um, at spælarar sóu gult fyri at brúka seg, tí dómarin helti ov nógv til heimaliðið Miðjan mannast av nýggjum Jóannes Hansen Atli Gregersen var í Finn­ landi aftur í miðverjuni eftir leik­bannið ímóti Norður­ írlandi fríggjakvøldið, og hann var eyðsýndur og stóð seg væl. Eisini eftir dystar­ lok var hann sjónskur, og ikki minst tá ið tað ráddi um pólverska dómaran og hans­ara avrik, var hann mar­ kantur: – Eg sigi enn einaferð, at føroysku dómararnir eru framúr góðir, tá ið sammett verð­ur við hann, sum dømdi í kvøld. Hann var ein grýla, og hann dømdi tilvitað heima­liðnum til fyrimunar. Vit fingu ikki fríspørkini, sum teir fingu, vit fingu ikki inn­køstini, sum vit áttu, og okk­ara sóu gult fyri støður, sum mótstøðumenninir ikki sóu gult fyri. Tað er ógvu­ liga harmuligt, men tað var kortini ikki dómarin, sum var orsøk til, at vit ikki vunnu eitt stig. Vit vóru heilt tætt við, og tí iðra vit okkum øgiligt, sigur Atli Gregersen. Gunnar Nielsen hevði síðstu løtuna fleiri framúr góðar bjarginar: – Eg tími ikki at siga so nógv um dómaran, men hann var typiskur heimadómari. Tíverri tóku vit ikki av, tí í kvøld lá eitt stig og bíðaði eftir okkum. Tað er uppgávan hjá málverjanum at bjarga, tá ið mótstøðumenninir eru leysir frammanfyri honum, og í kvøld eydnaðist tað hjá mær. Vit kundu verið hepn­ ari í hinum endanum, tí vit spældu okkum til onkran góðan møguleika, men talan var ikki um so gott spæl og um møguleikar av tí slag­ num, sum vit hava spælt okkum til onkra av undan­ farnu ferðunum. Kortini mugu vit ikki missa okkum burtur. Vit skulu minnast til, at vit megna at varðveita spenn­ingin alla tíðina, og tað er flott. Liðið er ungt, og tað býr meiri í tí, sigur føroyski mál­verjin Gunnar Nielsen. Nýggj manning Lars Olsen, landsliðsvenjarin, staðfesti, at avrikið í Helsing­ fors mánakvøldið var ikki eitt av teimum bestu í hesi EM undankappingini: – Serliga fyrra partin av 1. hálvleiki var fjáltur á, og tá var tað, at mótstøðuliðið skoraði málið, sum vísti seg at vera tað einasta og harvið sigurs­málið. Seinni fótaðu vit okkum betri, og fyrstu løt­una eftir steðgin spældu vit okk­um til tveir upplagdar mál­møguleikar. Hepnið var ikki við okkum. Tað skal tað vera, um vit skulu hugsa um at vinna stig og sigrar í sovorn­um dystum og serliga á úti­vølli. – Síðsta korterið sást væl, at okkara vóru troyttir eftir tveir strævnar dystir í fýra dagar, og tá kundi Finnland havt skorað fleiri mál, um Gunnar Nielsen ikki hevði vart so væl. Vit eru framvegis í menningarfasu. Eg eri ikki nøgdur við úrslitið, men eg fegnist um, at vit eru komin so langt, at tað er spenningur inntil síðsta bríksl. Tað er málið hjá okkum, sigur Lars Olsen. Og hann heldur fram: – Hetta var gott dømi um, at í altjóða fótbólti er tað torført at spæla á úti­vølli, tí dómarin gevur heima­ liðnum fyrimun. Allir teir tríggir á sentrala mið­vøll­ inum sóu gult, og tað kostar trý leikbann. Harvið skal sentrali miðvøllurin mann­ ast av nýggjum, tá ið vit í næsta mánað skulu spæla í Ungarn. At Fróði sær gult fyri fríspark í 1. hálv­leiki er tað, sum tað er. Men tað er harmiligt, at hini bæði kort­ ini verða givin, tí spæl­arar­nir vísa sína mis­nøgd við døm­ ingina. Tað er ov býttis­ligt. Hvussu ætlar tú at manna miðvøllin av nýggjum? – Tað skulu vit gera, og tíbetur hava vit fleiri møgu­ leikar við spælarum, sum eru í hópinum. Vit hava møgu­leika at seta spælarar, sum ímóti Finnlandi sótu á beink­inum, inn á sentrala mið­vøllin, og vit hava møgu­ leika at umskipa. Eitt nú hevur Sølvi Vatnhamar á lands­lið­num verið ytstur í høgru, meðan hann í Víkingi er sentralur miðvallari. Róaldur Jakobsen er sen­ tralur mið­vallari, og hann hevur roynt seg í hesum pláss­inum á landsliðnum. Rógvi Baldvinsson og Odmar Færø hava havt verju­kendan leiklut á mið­ vøll­inum á landsliðnum, og Pól Jóhannes Justinussen er sen­tralur mið­vallari í NSÍ, og so eru tað eisini aðrir møgu­ leik­ar, staðfestir lands­liðs­ venj­arin. joannes@sosialurin.fo Finnland - Føroyar 1-0 (1-0) 1-0: Joel Pohjanpalo 23. Dómarabólkur úr Póllandi: Marcin Borski, Rafal Rostkowski, Krzysztof Myrmus, Arkadiusz Wójcik, Bartosz Frankowski og Krzysztof Jakubik Finnland: Lukas Hradecky, Eintracht Frankfurt Týskland – Kari Arkivuo, BK Häcken Svøríki, Markus Halsti ■, D. C. United USA, Paulus Arajuuri, Lech Poznan Pólland, Jere Uronen, Helsingborg IF Svøríki – Thomas Lam ■, PECZwolle Holland (Sakari Mattila, Fulham England, 84.), Tim Sparv ■, FC Midtjylland Danmark – Alexander Ring, 1. FC Kaiserlautern Týskland, Riku Riski, IFK Göteborg Svøríki (Tim Väyrynen, Dynamo Dresden Týskland, 74.), Perparim Hetemaj, Chievo Italia – Joel Pohjanpalo, Fortuna Düsseldorf Týskland (Kasper Hämäläinen, Lech Poznan Pólland, 93.) Á beinkinum: Jesse Joronen, Stevenage England, Niki Mäenpää, Brighton & Hove Albion England, Ville Jalasto, Stabæk Noreg, Valtteri Moren, Waasland-Beveren Belgia, Jukka Raitala, AaB Danmark, Joona Toivio, Molde Noreg, Joni Kauko, FC Energie Cottbus Belgia, Petteri Forsell, IFK Mariehamn, Teemu Pukki, Brøndby IF Danmark Venjari: Markku Kanerva Føroyar: Gunnar Nielsen, Stjarnan Ísland, 29/0 – Jónas þór Næs ■, B36, 42/0, Atli Gregersen, Víkingur, 29/0, Sonni Ragnar Nattestad, 9/0, Gilli Sørensen, AaB Danmark, 7/0 – Fróði Benjaminsen ■, HB, 86/6 (Rógvi Baldvinsson, Fredericia Danmark, 84, 21/2.), Hallur Hansson ■, Vendsyssel Danmark, 19/3 – Sølvi Vatnhamar, Víkingur, 7/0, Brandur Hendriksson ■, FCK Danmark, 7/1,, Christian Lamhauge Holst, Fremad Amager Danmark, 49/4 (Kaj Leo í Bartalsstovu ■, Levanger FK Noreg, 58., 4/0) – Klæmint A. Olsen, NSÍ, 6/0 (Finnur Justinussen, Víkingur, 75., 2/0) Á beinkinum uttan at verða skiftir inn: Teitur Matras Gestsson, HB, 0/0, Tórður Thomsen, B36, 0/0, Erling Jacobsen, Víkingur, 5/0, Odmar Færø, B36, 8/0, Pól Jóhannes Justinussen, NSÍ, 21/0, Árni Frederiksberg, NSÍ, 0/0, Róaldur Jakobsen, B36, 2/0, René S. Joensen, Vendsyssel Danmark, 4/0 Venjari: Lars Olsen finnland vs føroyar Myndir: FSF