týsdagur 8. september 2015síða 28

Mikudagur 9. september 2015 · Nr. 103 28 Sosialurin Hugskot og viðmerkingar – send sms til 225000 ítróttur Tróndur Arge – Olympiski leikvøllurin, Helsinki Føroyska liðið hevði 300 rætt­ar avleveringar, 47 pro­ sent av spælfordeilingini og átta atsóknir at málinum hjá Finnlandi. Hóast okk­ ara spælarar vóru sera vón­brotnir. so vóru fleiri glott­ar at hóma í føroyska spæ­linum. Tíverri, so eru vit best millum brotsteigarnar og ikki í brotsteigunum. Tað er har dystirnir vinnast og tap­ast. Finnland skorar upp á ein retur, meðan vit hava upp til fýra ella fimm støður, har vit fáa bóltin í góðar støður í brotsteiginum, men eru ikki ágrýtnir nokk. Ágrýtni manglar ikki á mið­vøllinum, men aftur hesa ferð bleiv tað umsett til ov nógv gul kort. Helst vóru øll trý gulu kortini á mið­vøll­ inum óneyðug. Finnlendingar revsa Vit spældu ein undir miðal hálvleik í fyrra hálvleiki. Fyrsta korterið vóru vit væl við uttan at skapa nakrar møgu­leikar. Síðani kemur vána­ligasta løtan hjá okkum, har finska liðið fær yvirtakið á dystinum. Tíverri fyri okkum, so megna vertirnir at umseta yvir­takið til mál. Uppspælið er í okkara høgru síðu, har Sølvi Vatnhamar helst verður feldur, men dómarin bríkslar ikki. Í yvirtal kemur inn­leggur úr vinstru. Fyrst skjóta teir á tvørstongina, áðrenn Joel Pohjanpalo stútar returin í málið, um­ vegis tvør­stongina. Føroyska liðið svarar aftur móti endanum av seinna hálv­leiki, men tað er solt­ið við mál­møguleikum. Føroyskt trýst Í seinna hálvleiki høvdu vit okkara bestu løtu í dystinum. Yvir eitt tíðarskeið upp á ein hálvan tíma, eru vit spæl­ stýr­andi. Vit vinna eisini bóltin aftur skjótt og kom til nakrar góðar støður. Hesa løtuna er eyðsæð, at føroyska liðið er í framgongd á altjóða pallinum. Tað er langt síðani, at vit hava torað at trýst so langt frammi á vøll­inum. Samstundis spæla vit væl og koma til góðar støður. Fingu vit mál hesa løtuna hevði tað óvia broytt dystin nógv. Tað hevði heldur ikki óuppiborið. Hugaligt at vera vitni til slíkan fótbólt frá landsliðnum – á útivølli enntá. Troyttir menn Seinastu løtuna mistu okk­ ara takið á dystinum aftur. Orkan gekk undan og nú komu finnlendingar til tveirt stórar møguleikar, men í báð­um førinum stórbjargaði Gunnar Nielsen. Tað er hart at spæla tveir so krevjandi dystir upp á tríggjar dagar. Tað mugu fleiri av okkara ásanna eftir dystin mánakvøldið. Vit brúku eisini nógva orku at trýsta Finnland í seinna hálv­leiki. Tí var tað heldur ikki so løgið, at vit blivu troytt­ir móti endanum. Stríðs­vilj­anum bilti einki. Barnasjúkur, gáloysni og vantandi neyvleiki Vit gera enn nakrar barna­ sjúkur. Hesa ferð fingu bæði Hallur Hansson og Brandur H. Olsen óneyðug gul kort, sum merkja at teir hava leik­ bann til komandi dyst. Vit lata okkum enn provokera og lumpa ov illa. Vit gera eisini ov nógv óneyð­ug fríspørk. Millum ann­að gula kortið hjá Fróða Benjamin­sen var ein takling, har tað var óneyðugt at tveita seg í taklingina. Vantandi neyvleikin í álops­støðum gjørdi, at vit ikki fingu seinastu avlever­ ing­ina at sita. Serliga er tað støðan, har vit eru trígg­ir móti einum, tá Sølvi Vatn­ hamar leggur innfyri. Tá mugu renningarnar og av­ lever­ing­ina rigga saman. Tað var í fleiri førum, at bara tað sein­asta restaði í. Góðkent Sum heild var talan um eitt góð­kent avrik. Serliga er tað eginleikin at flyta bóltin runt og fáa okkara fremstu í spæl, sum er í framgongd. Tað eydnaðist væl. Hesa ferð komu deyðbóltarnir fram til Sonna Ragnar, men vit mangla ágrýtin at prika næsta bóltin í málið. trondur@sosialurin.fo landsliðið fótbóltur Stigið lá eftir Føroyska avrikið var gott nokk til at fáa minst eitt stig á olympiska leikvøllin í Helsinki, men barnasjúkur, gáleoysni og vantandi neyvleiki í avgerandi støðunum gjørdi, at stigið lá eftir í Finnlandi Mynd: FSF Tølini tala: Finnland - Føroyar Mál: 1 - 0 Spælfordeiling: 53% - 47% Skot: 9 - 8 Skot á mál: 6 - 1 Horna: 3 - 2 Gul kort: 3 - 5 Reyð kort: 0 - 0 Gjørd fríspørk: 16 - 16 Avleveringar: 422 - 343 Rættar avleveringar: 366 - 300 (UEFA.com)