hósdagur 10. september 2015síða 28

FRÍGGJADAGUR 11. SEPTEMBER 2015 SOSIALURIN 104 28 Kendi undirvísingarserfrøðingurin Sir Ken Robinson byrjar bók sína “Finding your element” við hesi lítlu søguni: Tveir smáfiskar svimja oman eftir ánni, tá ein eldri fiskur kemur framvið teimum. “Góðan morgun, dreingir, hvussu er vatnið?” spyr tann eldri teir. Teir ungu brosa og halda leiðina fram. Tá teir eru komnir nakað oman eftir ánni, sigur tann eini smáfiskurin við hin: “Hvat er vatn?” Hann heldur frumevni sítt vera so sjálvsagt, at hann ikki hevur ánilsi av, at hann er í tí. Ert tú í tínum rætta frumevni kenst tað soleiðis. Tað snýr seg um at fáast við tað, sum kenst púra náttúrligt fyri teg, sum kenst so rætt, at tú veitst, at hetta er tað, tú veruliga ert. Síðani ungdómslistastevnan Ung í Føroyum var sett á stovn í 2001 hava um 600 ung tikið lut á henni. Fleiri teirra eru í dag antin kend listafólk ella undir útbúgving innan ymsar listagreinar og nógv onnur hava fingið upplivingar, vitan og vinfólk fyri lívið. Nógv teirra hava viðmerkingar til stevnuna, sum líkjast upplivingunum, sum Sir Ken Robinson tosar um í bókini: at tey vóru í sínum rætta frumevni: Diana J. Hansen sigur t.d.: “Tað var tá, aftaná ein langan dag av dansivenjing, at eg fann útav, at hetta var tað eg skuldi, dansur var mín framtíð.” Renata Jensen: “Ung í Føroyum er eitt av teimum tiltøkunum, ið hava havt størstu ávirkan á meg í mínum tannárum. Har slapp eg at nema nógvar ymiskar kreativar leiðir, sum heilt sikkurt hava havt ein leiklut í, at eg nú lesi Art & technology á Aalborg Universitet.” Birna Heinesen: “Hetta var ein ótrúliga stór uppliving, sum síðani hevur givið mær nógvar møguleikar innan mentunarheimin. Eg fari nokk ikki heilt skeiv, um eg sigi, at Ung í Føroyum hevur verið við til at lagt lunnar undir mína karrieru innan sjónleik, film, projektleiðslu.” Eivør Pálsdóttir: “Tað var ein heilt serlig kensla at vera har saman við kreativum javnaldrum. Tað kendist sum at vera “heima” og tað gav mær nógvan íblástur.” Ung í Føroyum er bygt upp av verkstovum, har ung millum 13 og 19 ár sleppa at royna seg saman við dugnaligum yrkislistafólkum. Stevnan er fyri øll ung, bæði tey, sum eru listarliga virkin og tey, sum bara eru listarliga áhugað. Hon arbeiðir fram móti stórari almennari framførslu, har allir luttakarar á stevnuni fáa sín leiklut. Tað er Norðurlandahúsið sum skipar fyri stevnuni, ið er skipað sum ein lega. Í tríggjar heilar dagar eiga tey ungu Norðurlandahúsið og sleppa at skapa frá morgni til kvølds. Í ár verða verksmiðjuleiðararnir hesi: Jens L. Thomsen (tónleikur), Sámal Blak (myndlist), Mariann Hansen og Heiki Riipinen (sjónleik), Anna Kristin Bæk (sniðgeving/búnar), Eiríkur Örn Norðdahl (bókmentir) og Signhild Wærsted (dansur). Øll eru viðurkend og kend listafólk og Sámal er enntá sjálvur fyrrverandi luttakari á Ung í Føroyum. Hesi fara saman við Vígdis Hentze, dansara, sum framleiðir felagssýninga, at fáa tað besta fram í ungu luttakarunum og flyta tey eitt fet fram móti at vera í sínum egna frumevni. Teknað teg til Ung í Føroy­um á heimasíðuni hjá Norður­landa­ húsinum í seinasta lagi tann 13. september og kanska fert tú seinni at kunna siga sum Charlotta Rasmu­ ssen: “Eg møtti nakrar av mínum bestu vinum har, sum eg enn haldi saman við.” Ella sum Sasho: “Her havi eg fingið vitan og vinir fyri lívið.” NØVN Føðingar Tann 21. august bleiv Jónhild stolt stórasystir til hendan beiggjan. Hann varð føddur á Hvidovre Hospital og vigaði 4700 g og var 56 cm langur. Foreldrini eru Andrias Samuelsen og Durita Waag Høgnesen. 29.juni fingu Anja Petersen og Jóhannis Jensen, Argir, eina dóttir. Hon vigaði 3500 gr og var 52 cm long. 25 septembur vóru Elly og Suni Justinussen, Leirvík, ríkað við einari fittari prinsessu. Hon vigaði tá 4225 gr og var 55 cm long. Stórubeiggjarnir Jónas og Levi eru so sera stoltir :) 23. august fingu Ása Waag Poulsen og Jákup Slættalíð Kbh. ein son. Hann vigaði 3660 gr. og var 53 cm langur. Á myndini er hann 6 dagar gamal. Ung í Føroyum í Norðurlandahúsinum Tekningarfreist sunnudagin! 85 ára føðingardagur Leygardagin tann 12. september verður Petur Danielsen í Hósvík 85 ár. Dagurin verður hildin frá kl. 13.00 heima hjá dóttrini á Giljavegi 40 í Hósvík. Øll eru hjartaliga væl­komin. 80 ára føðingardagur Sunnudagin 13. september fyllir Signy Axelsdóttur 80 ár. Dagurin verður hildin leygardagin 12. september í húsunum hjá Vágs Matmøðrafelag, Toftavegur 67, frá kl. 14. Øll eru vælkomin. 70 ára føðingardagur Tað er við gleði, at eg bjóði familju, vinum og kenningum í mín 70-ára føðingardag mikudagin 23.09.2015. Dagurin verður hildin heima á Heyga­vegi 15 frá kl 10.00. Øll eru hjartaliga vælkomin. Andras Joensen, Klaskvík Merkisdagar