hósdagur 10. september 2015síða 33

FRÍGGJADAGUR 11. SEPTEMBER 2015 SOSIALURIN 104 33 Tíðaravmarkaða starvið sum verkætlanarleiðari fyri undirstøðu­ kervispartin av verkætlanini Fargen – genom føroyinga – verður lýst leyst at søkja. Verkætlanarleiðarin skal standa fyri at fremja arbeiðið at menna ein infrastruktur fyri genomanalysu í Føroyum. Tíðaravmarkaða hálvtíðarstarvið sum samskipari til verkætlanina Fargen – genom føroyinga – verður við hesum lýst leyst at søkja. Samskiparin skal standa fyri arbeiðinum at kunna um Fargen verkætlanina, og at útvega fólk at luttaka í verkætlanini. Verkætlanin byrjar sum skjótast og heldur áfram til juli 2017. Bakgrund og endamál Til at menna granskingarundirstøðukervið hjá Ílegusavninum, soleiðis at nýggir møguleikar fyri nútíðar genom­gransking av føroyska fólkinum kunna fremjast í framtíðini, er ætlanin við hesi verkætlan at gera eitt savn í vevnaðarskránni við talgildum DNA, tvs. lisnum, ikki hagfrøðisliga greinaðum, genomun hjá 1500 føroyingum. Í fyrsta umfari verður bert kemiska analysan av arva­ stronginum gjørd, men kannað verður ikki, hvat kemisku úrslitini siga um sjúkur og eginleikar. Arvastrongurin er samansettur av fleiri milliónum basupørum, sum seinni skulu greinast fyri at geva meining. Tey kemisku úrslitini verða goymd í Ílegusavninum sum ikki hagfrøðisliga greinaðar fílur á harðdiskum. Upplýsingarnar í hesi skrá eru vardar soleiðis, sum lógin ásetur, at ílegur eiga at verða vardar. Fyri tey, sum játta at verða við í verkætlanini, merkir tað, at tey skulu lata eina blóðroynd. Tey fáa onga vitan aftur um kemisku analysurnar, fyrr enn tey møguliga verða boðin at luttaka í eini granskingarverkætlan. Tað merkir, at tey, sum játta, kunnu fáa fleiri fyrispurningar um at luttaka í granskingarverkætlanum, og avgerða tey sjálvi, um tey vilja at luttaka. Um starvið sum verkætlanarleiðari Hevur tú førleika, áhuga og hegni at átaka tær starvið sum verkætlanarleiðari og virka fyri at menna verkætlanina, so hevur tú møguleika at søkja starvið sum verkætlanarleiðari fyri Fargen verkætlanina. Starvið verður sett skjótast gjørligt. Verkætlanarleiðarin hevur ábyrgdina av: • at genom sekventeringin verður framd, • at verkætlanin verður gjøgnumførd á høgum fakligum stigi, • leiðsluni av analysuarbeiðinum, • at luttaka í sjálvum analysuarbeiðinum. Verkætlanarleiðarin vísir til vísindaliga leiðaran, sum vísir til stjóran á Ílegusavninum. Førleikakrøv Umsøkjarar skulu hava hóskandi kandidatútbúgving innan náttúru vísind ella heilsuvísind, við serfrøði í molekylær biologi og haraftrat helst hava eina PhD. útbúgving. Starvsroyndir innan ílegu­ og genomkanningar eru ein fyrimunur. Um starvið sum kunningarsamskipari Hevur tú førleika, áhuga og hegni at átaka tær starvið sum kunningarsamskipari og virka fyri at menna verkætlanina, so hevur tú møguleika at søkja starvið sum samskipari fyri Fargen verk ætlanina. Starvið verður sett skjótast gjørligt. Samskiparin hevur ábyrgdina av: • kunning og samskifti við einstaklingar, sum umhugsa at luttaka í verkætlanini, soleiðis at luttakarar verða førir fyri at kunna geva “kunnað samtykki”., • tað at útvega fólk til at luttaka í verkætlanina • at gera kunnandi tilfar til heimasíðuna, serliga ætlað luttakarum, • at menna vitan og kunning innan etisku, løgfrøðiligu og sosialu viðurskiftini knýtt at arbeiðinum at menna ein infrastruktur fyri genomanalysu í Føroyum. Førleikakrøv Umsøkjarar skulu helst hava eina hóskandi hægri útbúgving. Góður kunnleiki til skrivligt og munnligt føroyskt og enskt er týdningarmikið. Starvsroyndir innan samskifti við og kunning av sjúklingum og viðskiftafólkum eru ein fyrimunur. Setanarviðurskifti Setanarøkið er Ílegusavnið. Tann, ið settur verður, eigur at tola broytingar í starvinum. Starvið verður lønt sambært avtalu millum Fíggjarmálaráðið og avvarðandi fakfelag. Umsóknir Umsókn saman við avriti av prógvi, C.V. og møguligum við­ mælum skal verða Ílegusavninum í hendi í seinasta lagi mánadagin 14. september 2015. Umsóknin verður stílað til: Ílegusavnið, J.C. Svabosgøta 43, 100 Tórshavn ella við t­posti: director@biobank.gov.fo Tey, ið ynskja fleiri upplýsingar um starvið, kunnu ringja til Guðrið Andorsdóttir, stjóra, tlf. 591020 ella Pál Weihe, yvirlækna, tlf. 216696. Tíðaravmarkað starv sum verkætlanarleiðari til Fargen verkætlanina Tíðaravmarkað hálvtíðarstarv sum samskipari til Fargen verkætlanina Verkætlanarbygnaður Heilsumálaráðið hevur gjørt avtalu við Ílegusavnið um at hýsa og fremja Fargen verkætlanini. Stjórin á Ílegusavninum (Guðrið Andorsdóttir) hevur ábyrgdina av verkætlanini. Hini í verkætlarnarstjórnini eru kliniski ábyrgdarhavin (Bjarni á Steig, yvirlækni) og vísindaligi leiðarin (Professor Pál Weihe, yvirlækni). Verkætlanin verður stýrd og fylgd av einum stýrisbólki, sum skal tryggja, at virksemi í verkætlanini er í tráð við føroyska lóggávu, at virksemi verður framt á høgum fakligum stigi, og at støða verður tikin til etisk viðurskifti. Haraftrat skal stýrisbólkurin tryggja, at verkætlanin er grundfest í føroyska granskingar­ umhvørvinum við tí endamáli at avkastið av verkætlanini verður so stórt sum gjørligt fyri Føroyar. J. C. Svabos gøta 14 • Postrúm 272 110 Tórshavn • www.setur.fo Vísindastarvsfólk á Fróðskaparsetri Føroya Á Megindeildini fyri hugvísindi, samfelagsvísindi og námsvísindi er adjunkt- ella lektarastarv leyst at søkja. Starvið fevnir um gransking og undirvísing innan føroyska lóg. Undirvísingin er í stakskeiðum á bachelorstigi og á masternámi í løgfrøði. Sí nærri lýsing á www.setur.fo. Eysturoyar apotEk søkir eftir tveimum farmakonomum fyri starvsfólk í barnsburðarfarloyvi 40 tímar um vikuna ( ella eftir avtalu ) til 31. januar 2016 við byrjan skjótast til ber. Vit vænta: at tú ert fakliga væl fyri at tær dámar at avgreiða viðskiftafólki at tú hevur góð samarbeiðsevnir at tú ert jalig/ur og ein góð/ur starvsfelagi at tú ert álítandi og arbeiðssom/arbeiðssamur at tú møtir væl upp Arbeiðsøkið er skranki/reseptur Løn eftir sáttmála millum Fíggjarmálaráðið og farmakonomfelagið. Meira fæst at vita við at venda sær til apotekið á tlf. 473400 og spyrja eftir Petsy Midjord, leiðandi farmakonomi, ella senda teldupost til petsy. midjord@apotek.fo Skrivlig umsókn, saman við famakonomprógvi, CV og møguligum ummælum, skulu sendast til: Eysturoyar Apotek Mýravegur 6 FO – 620 Runavík Teldupostadr. eysturoyar@apotek.fo Formula | Stiðjagøta 11 | Postboks 1078 | 110 Tórshavn | Tel 344000 | www.formula.fo Starvsfólk til kantinuna hjá Formula Søkt verður eftir starvsfólki at byrja beinan vegin til at taka sær av kantinu okkara. Starvið er 30 tímar um vikuna og er tíðaravmarkað til 1. apríl 2016. Starvið umfatar: Innkeyp, lættari matgerð av sunnum kosti, seta fram, rudda av og líknandi. Royndir og møgulig útbúgving innan økið er ein fyrimunur, men ikki ein treyt. Meira fæst at vita við at venda sær til Árna Arge á telefon 344 000. Umsóknarfreistin er 21. september 2015. Umsóknin skal sendast til teldupost aa@formula.fo