hósdagur 10. september 2015síða 36

Fríggjadagur 11. september 2015 sosialurin 104 36 Ikki við: Hørður Askham (lærkrikin, restina av árinum) Viðaftur: Trygvi Askham (leikbann), Róaldur Jakobsen (leikbann) og Philip Lund (baklær) Ikki við: Pál M. Joensen (knæið, langtíðar skaddur), Arnbjørn T. Hansen (knæið, langtíðarskaddur) og Andrew av Fløtum (hælsinan, óvist) Ivasamir: Jóhan Troest Davidsen (brok) og Poul Ingason (fóturin) Ikki við: Hans Jørgen Djurhuus (Økslin, úti restina av árinum), Hanus Jacobsen (Knæskaði, úti restina av árinum), Bárður J. Hansen (Knæskaði, úti restina av árinum) og Filip Djordjevic (Knæskaði, úti restina av árinum) Ikki við: Andras Frederiksberg (lærkrikin, restin av árinum) og Árni Frederiksberg (leikbann) - Jóannes Hansen S unnudagin verður av álvara farið undir endaspurtin í heimligu landskappingini. Seinastu dagarnar hevur fokus verið á landsdystunum. Mána­ kvøldið tapti A-landsliðið 1-0 í Finn­ landi, og týskvøldið tapti U21-lands­ liðið 3-0 í Finnlandi. Næstsíðsta vikuskifti vóru fýra dystir í landskappingini. Tá mundi mest fokus vera á steypafinaluni, tá ið Víkingur fjórða árið á rað vann steypa­finaluna. Tað vikuskiftið var tað annars merkisvert, at B36 styrkti um sína støðu sum FM favorittur, og at tað nú eru átta stig aftur til NSÍ, sum er næsti avbjóðarin, um tað nú er rími­ligt at tosa um avbjóðara. Tað er eis­ini merkisvert, at bæði AB og FC Suðuroy vunnu á útivølli. Hesi bæði liðini kappast um at sleppa undan niður­flyting, og sunnudagin hittast tey á Argjum. EB/Streymur er ástøðiliga ikki flutt niður, men í veruleikanum slepst ikki undan niðurflyting. Nú tað resta fýra umfør er EB/Streymur tólv stig aftanfyri AB og FC Suðuroy, og mál­munurin er -47 verri enn tann hjá FC Suðuroy og -19 sammett við tann hjá AB. Altjóða avbjóðingarnar At bæði A og U21 landsliðini vóru í eldinum í Finnlandi mánakvøldið og týskvøldið ber við sær, at fyri­reik­ ingarnar í feløgunum undan 24. um­ fari hava ikki verið optimalar, tí fleiri av bestu spælarunum ikki vóru við í venj­ingunum fram til í gjárkvøldið. Í blaðnum mikudagin varð lands­ dyst­urin og 1-0 tapið í Finnlandi mána­ kvøldið viðgjørdur. U-21 landsliðið tapti týskvøldið so ruddiliga 3-0. Øll málini vórðu skorað innanfyri eitt korter seinnapartin av 1. hálvleiki. Eli Hentze, sum saman við Bill McLeod Jacobsen hevur ábyrgdina av U-21 landsliðnum, segði m. a. hetta eftir dystarlok týskvøldið: – Finnlendingarnir vóru góðir undan steðginum, og vit vóru ikki góðir í 1. hálvleiki, tá ið vit høvdu stór­ar trupulleikar av, at tað gekk so skjótt fyri seg. Vit vóru ikki ovfarnir, tí vit høvdu fyrireikað okkum væl. Eftir steðgin sá tað betri út, og vit fara við góðum treysti undir næstu upp­gávuna út frá tí, sum vit sóu eftir steðgin. Veruleikin er, at mót­støðu­ menn­inir eru føddir í 1994 og 1995, meðan onkrir av okkara eru føddir í 1997. Vit skulu vera likamliga betri fyri, og so skulu vit – soleiðis sum tað seinastu tíðina hevur verið fokuserað á besta landsliðnum hjá okkum – vera betri at hava bóltin og ikki missa hann so skjótt, tí vit gera óneyðug mis­tøk, sigur Eli Hentze. Hann heldur, at tað sást, at finska liðið hevur spælt saman í umleið tíggju dystum, meðan hetta var annar dysturin hjá nýggja føroyska lið­num. Eli Hentze vísir eisini á, at før­oyska liðið kundi verið betri fyri. At tað er lítið at taka av ber við sær, at eitt nú Brandur Hendriksson og Sonni Ragnar Nattestad, sum hava ald­ur at spæla á U-21 landsliðnum, longu eru á besta landsliðnum. Næsta avbjóðingin hjá U-21 lands­ liðnum verður stór. Mánadagin 12. oktober verður tað á heimavølli ímóti Týsklandi. EFFO plássið stendur upp á spæl AB - FC Suðuroy Petur Reinert Sunnudagin klokkan 15.00 Verður steðgurin hjá FC Suðuroy í bestu deildini bara eitt ár, ella verður tað AB,sum eftir í hesum umfarinum at hava verið í fremstu røð í trý ár, skal niður aftur í næstbestu deildina at venda. Sunnudagin hittast hesi bæði liðini á Argjum, og úrslitið verður avgerandi fyri, um annað ella hitt liðið skal flyta niður. Undan 24. umfari hava bæði liðini 19 stig. Málmunurin hjá AB er -8, og málmunurin hjá FC Suðuroy er -27. Tískil er tað trýst á FC Suðuroy at vinna fulla úrtøku í úti­ dyst­inum á Argjum. Felags fyri bæði liðini er, at tey vunnu í 23. umfari. FC Suðuroy vísti fínan hugburð við Margáir, tá ið tað eydnaðist at vinna 5-3 ímóti EB/ Streymi, sum tríggjar ferðir var á odda. AB avrikið var ikki minni merkis­ vert, tá ið tað eydnaðist at vinna sann­førandi 3-1 sigur á KÍ í Klaksvík. – Talan verður um avgerandi upp­gerð. Hugburðurin hjá okkum er góður, og vit hava framvegis mót um, at tað skal eydnast at varðveita pláss­ið í bestu deildini. Tað er ein bági fyri okkum, at fleiri av spælarunum ikki venja saman við okkum í Vági. Tað kemst av, at teir eru í Havnini. Tað er gott fyri okkum, at teir fáa loyvi at venja saman við teimum næstbestu hjá B36 og saman við Giza/Hoyvík, men tað er ikki optimalt, at vit ikki allir hava møguleika at venja saman, sigur venjarin hjá FC Suðuroy Jón Pauli Olsen. Tað sigur seg sjálvt, at lagið er gott í AB. Eftir tveir sigrar á rað – ímóti TB á Argjum og so í Klaksvík – er sjálv­ sálitið størri, og tað sæst á undir­ tøkuni millum áskoðararnar, sum vóru nógvir og mælskir í Klaksvík, har spælið var gott í 2. hálvleiki. – Nú er støðan soleiðis, at tað er upp til okkum sjálvar at gera av, um vit skulu varðveita plássið í bestu deildini. Eftir katastrofalt vánaligt avrik í Gundadali ímóti HB hava spæl­ararnir tvær tær síðstu ferðirnar víst framúr hugburð, og spælið er batn­að. Eg eri fullvísur í, at teir ímóti FC Suðuroy fara at leggja so nógv í, at teir við góðari samvitsku kunnu hyggja hvønn annan og áskoðararnar í eyg­uni, tá ið dómarin hevur bríkslað fyri síðstu ferð. So fáa vit at síggja, hvussu langt tað røkkur, men vit ætla okkum at vinna, sigur AB venjarin Sámal Erik Hentze. Orsaka av knæskaða er Bárður Olsen givin. Fýra spælarar – Beinir Ellefsen, Rógvi Poulsen, Dion Splidt og Hørður Askham – eru farnir av land­inum í lestrarørindum: – Talan er um finalu sunnudagin. Rógvi Poulsen og Dion Splidt koma heim, og teir steðga, inntil næsta vikuskifti, tá ið vit skulu spæla ímóti ÍF, sigur Sámal Erik Hentze. NSÍ hyggur eftir gullinum NSÍ - HB Lars Müller Sunnudagin klokkan 15.00 Undan kappingarbyrjan varð HB roknað at vera FM favorittur. Undan summar­steðginum var NSÍ topplið og harvið fremsta boðið upp á at vinna meistaraheitið. Nú snýr kappingin hjá NSÍ seg um at varðveita silvurplássið og at taka við møguleikanum at spæla um FM, um tað skuldi víst seg, at B36 kiksar. Hjá HB snýr kappingin seg um at varð­veita fjórða plássið og harvið møgu­leikan næsta summar at lut­ taka í europeisku kappingini. – Tað eru átta stig fram til B36, og tað eru tólv stig eftir at spæla um. Vit fokusera á okkara avbjóðingar, og sjálvandi fylgja vit við í, hvussu tað gongur hjá B36. Nú fáa vit vitjan av HB, og tað verður stór avbjóðing, sigur lið­formaðurin á U-21 landsliðnum, Haraldur R. Højgaard, sum saman við fleiri liðfeløgum hevur verið burtur frá venjingum. LIÐ TÍÐINDI B36 HB Víkingur NSÍ EB/Streymur Fótbóltur Møguleiki er fyri, at tað longu sunnudagin verður avgjørt, at B36 vinnur FM, og at FC Suðuroy ella AB fer at flyta niður saman við EB/Streymi Upptakt til Effodeildina ítróttur FM og niður­flyting avloysa altjóða avbjóðingar B36 kann gerast FM vinnari longu sunnudagin, við sigri á TB, samstundis sum NSÍ ikki fær fult móti HB.