hósdagur 10. september 2015síða 39

Fríggjadagur 11. september 2015 sosialurin 104 39 ítróttur spælarametingar Elias Rasmussen: 3 Hevði einar tvær góðar bjargingar í seinn hálvleiki og kom út til okkurt innlegg. Kann ikki lastast fyri finsku málini, men eitt yvir miðal avrik, so hevði hann verið nærri onkrum av teimum. Týdningarmkið, at Elias frá komandi ári spælir fast í Effo- deildini. Ella steðgar menningin hjá honum upp. Leivur Joensen: 2 Gjørdi brotsspark í fyrra hálvleiki og var heppin ikki at blíva útvístur. Er sterkur á bóltinum, men hevur sínar veikleikar í verjuspælinum. Tað kostar í einum slíkum dysti, men var eisini um reppi at leggja upp til mál fyri okkum. Teitur Olsen: 4 Stóð seg væl í miðverjuni. Er sterkur í tvídystinum og megnaði upp til fleiri ferðir halda finska álopsspælarunum vekk, tá teir skuldu framvið TB verjuspælarunum. Spælir fast í TB og tað hevur styrkt ungan miðverjan, sum tykist hava eina bjarta framtíð. Poul N. Mikkelsen: 4 Stóð seg væl í miðverjuni saman við Teiti Olsen. Stóð ikki eins væl í tvídystunum, men sum heild var talan um eitt góðkent avrik í miðverjuni, sjálvt um teir helst vóru feilplaseraðir í 2-0 málinum. Benjamin Heinesen: 2 Hevði úr at gera við at renna aftaná Pyry Soiri, sum gav B36 spælarunum høvuðbrýggj. Samansetingin við Meinhardi á vinstra vongi riggaði ikki, og tí kom Benjamin kanast í størri trupulleikar enn avrikið boðar frá. Sleppur illa upp í part í B36, og tað sæst aftur á menningini hjá annars evnaríka B36 spælarunum. Betuel Hansen: 3 Er 97’ari, men fekk ein týdningar­ miklan leiklut á U21 landsliðnum. Spældi mitt á miðjuni við misjavnari úrtøku. Var ov veikur í mun til full­ vaksna miðvøllin hjá Finnlandi. Vísti í løtum, at hann spælir á hægri stigi enn flestu av liðfeløgunum. Ein spennandi spælari, sum hevur evn­ ini at mennast til ein profil á U21 í fram­tíðni. Hákun Edmundsson: 3 Í besta føri eitt miðal avrik. Vil nógv á vøllinum og hevur verið ein profilur á NSÍ liðnum fyrr í ár, men enn restar nógv í. Megnaði ikki at seta seg í gjøgnum á miðvøllinum, men hevur evnini at blíva ein profilur á liðnum til komandi ár - fyri ikki at tosa um komandi undankapping. Haraldur R. Højgaard: 2 Liðskiparin er ein buldribassi, sum tað eisini er brúk fyri á liðnum. Stóð sum so ikki veikari í myndini enn hinir í fyrra hálvleiki, men gjørdi eitt ógvisligt fríspark, sum í ringasta føri kundi verið eitt reytt kort. Tí mátti hann eisini skiftast út tíðliga í seinna hálvleiki. Jóannes Bjartalíð: 2 Fekk ikki nógv at arbeiða við, men royndi í løtum at bjóða av. Onkuntíð eydnaðist tað betri enn aðrar ferðir. Er ein spennandi spælari, sum er deiliga ótraditionellur eftir føroyskum mátistokki. Torir at gera tey óvæntaði tingini, men enn restar nakað í, at hann klárar at gera mun móti so sterkum U21 landsliðnum. Meinhard E. Olsen: 2 Misti bóltin nakað lætt og tað kostaði. Er væl fyri kropsliga. Tað megnaði hann onkrar ferðir at brúka til sín fyrimun í álopsstøðu. Er enn ov ungur at byrja inni á U21 landsliðnum – føddur í apríl í 1997 – so ungi runavíkingur skal bara hava tíð, nú hann er farin til Vendsyssel at spæla. Jákup L. Thomsen: 4 Aftur ein 97’ari, sum enn hevur U19 aldur,. Men her er talan um ein spælara, sum longu hevur evnini at gera mun á U21 landsliðnum. Góðan bóltførleika, góða fyrstu nerting og tykist hava ferðina, sum skal til at spæla sum áleypari. Spældi væl í torførum umstøðum móti Finnlandi. Spennandi spælari, sum hevur sáttmála í FC Midtjylland. Gestur B. Dam: 3 Kom inn á vinstra vong, so hann og liðfelagin í B36, Benjamin Heinesen, dekkaðu alla vinstru síðu. Hetta fekk javnvág í, og Pyry Soiri fekk nógv minni burtur úr í seinna hálvleiki. Bartal Wardum: 5 Framúr innhopp frá HB spælarinum, sum setti alt tað finska liðið upp á pláss í luftspælinum. Gjørdi alt tað, sum ein venjari kann forlanga av eini innskifting. Stríddist fyri hvørjum bólti, vann sínar tvídystir og tordi at hava bóltin. Karstin Højgaard: 4 Gjørdi tað eisini væl sum innskiftari. Hetta er ein leiklutur hann eisini rekur væl á Argjum. Kom inn við nógvari orku og vann eisini fleiri av sínum tvíystum. Fríkslig innhopp. Bill M. Jacobsen: 3 Hevur truplar umstøður á U21 landsliðnum í løtuni, tí at kalla ongin av hesum spælarum eru profilar í Effo-deildini. Spælarar sum Poul N. Mikkelsen(ÍF), Teitur Olsen(TB), Hákun Edmundsson(NSÍ), Haraldur R. Højgaard(NSÍ) og Jóannes Bjartalíð (KÍ) spæla allar nógv, men ongin er ein beinleiðis profilur í Effo-deild­ ini. Spurningurin er um liðið í aðrari samanseting hevði staðið seg betri, men tað fáa vit so ikki at vita. Hetta U21 landsliðið í løtuni er eitt menn­ ingar landslið, sum ikki tykist hava møguleikar at spæla fult upp í móti sterkaru U21 liðunum. Dómarin: Alexandru Tean (Moldova) 4 Var góður við føroyska liðið í fleiri før­ um. Bæði Leivur Joensen og Haraldur R. Højgaard kundi báðir verið útvístir. Hevði annars ikki trupult við at leiða dystin. trondur@sosialurin.fo Tølini tala: Finnland – Føroyar Mál: 3 – 0 Skot: 14 – 2 Skot á mál: 6 – 1 Horna: 15 – 3 Rangstøða: 3 – 1 Gul kort: 2 – 2 Gjørd fríspørk: 21 – 14 Mynd: FSF