hósdagur 10. september 2015síða 38

Fríggjadagur 11. september 2015 sosialurin 104 38 ítróttur Tróndur Arge – Vantaa, Finnland F øroysku U21 lands­liðs­spæl­ ararnir fingu av álvara oyrini í maskinuna, tá teir týsdagin spældu móti finska U21 landsliðnum í EM undankappingini. Longu í hálvleikinum var greitt, at Finnland fór at vinna dystin. Spurn­ ingurin var bara, um okkara kundu bjarga æruni. Tað gjørdu teir í seinna hálvleiki. Finnland vann dystin 3-0. Sterkir finnlendingar Mótstøðuliðið hevði bara ein spælara í hópinum, sum ikki var av elsta árgang­inum, sum í hesum førinum er 1994 og 1995. Hinvegin, so hevur før­oyska liðið fleiri spælarar, sum eru føddir í 1996 og 1997. Tað sást eisini aftur á vøllinum, tí vertirnir vóru sterkari og betri fyri enn okkara á felstu økjum. Mið­ vøll­urin tóktist sterkur á bóltinum, meðan vengirnir vóru óvanliga skjót­ ir eftir føroyskum mátistokki. Tað merkir ikki, at hesin U21 ár­gangurin ikki stendur mát við evnini á øðrum árgangum, men í løtuni eri teir bara ov ungir. Neyvi vertir Føroyska liðið kom til einar tveir rímiligar møguleikar í fyrra hálvleiki, men tað bleiv ikki umsett mál. Í hinum endanum vóru finn­len­ dingar neyvir. Fyrst gjørdu okkara eitt býtt brotspark, sum finski lið­ skiparin, Moshtagh Yaghoubi, um­ setti til mál. Moshtagh Yaghoubi, sum er føddur í Kabul í Afganistan, var millum eyðsýntu spælararnar á vøll­inum. Løtu seinni er verjan ikki upp á pláss, tá finnlendingar fyrst stúta á tvørtræið, og síðani senda returin í mál. Hesa løtuna var føroyska liðið um ein háls. Serliga kviki høgri vongurin, Pyry Soiri, var ringur at temja. Fimm minuttir fyri hálvleik fer hann tví­ spor­andi til baklinjuna í høgru, og leggur innfyri til Moshtagh Yaghoubi, sum lættliga kundi avgera dystin. Reistu seg í seinna hálvleiki Føroyska liðið reisti seg nakað í seinna hálvleiki. Javnvág kom á liðið og til tíðir sá gott út. Vit tordu nú at taka tvídystirnar og bjóða av. Í spælinum tordu vit at flyta bóltin okk­ara millum. Tað sá betri út og út­skiftingarnar gjørdu eisini mun. Ser­liga Bartal Wardum og Karstin Højgaard vunnu nógvar av sínum tví­dystum, eftir at teir komu inn. Tá dómarin bríkslaði fyri seinastu ferð stóð framvegis 3-0, men føroyska liðið hevði fingið eitt sindur av upp­ reisn. Tað hevur hetta unga liðið brúk fyri, tí komandi dystirnir eru móti londum sum Týsklandi, Russ­landi og Eysturríki. trondur@sosialurin.fo Fótbóltur Føroyska U21 landsliðið megnaði sjáldan at geva Finnlandi mótstøðu. Finsku vertirnir skoraðu trý mál upp á eitt korter í fyrra hálvleiki. Okkara lið er evnaríkt, men ikki til reiðar at hála stór úrslit heim Fullu upp á eitt korter Finnland – Føroyar 3-0 (3-0) Leikvøllur: ISS-Vantaa, Finnland 1-0 Moshtagh Yaghoubi, 24 2-0 Simon Skrabb, 31 3-0 Moshtagh Yaghoubi, 39 Dómari: Alexandru Tean (Moldova) Føroyar: 4-2-3-1: Elias Rasmussen – Leivur Joensen, Teitur Olsen, Poul Nolsøe Mikkelsen, Benjamin Heinesen – Bethuel Hansen, Haraldur R. Højgaard(liðsk)(Bartal Wardum, 62.min) - Meinhard E. Olsen(Gestur Bogason Dam, 46.min), Hákun Edmundsson, Jóannes Bjartalíð – Jákup Thomsen(Karstin Højgaard, 70.min) Á beinkinum: Niklas Thomsen, Johan Gejel Hansen, Gunnar Vatnhamar, Tórur Justesen. Venjari: Bill M. Jacobsen Gul kort: Leivur Joensen, Haraldur R. Højgaard Finnland: 4-4-2: Otso Virtanen - Dani Hatakka, Joel Mero, Daniel O’Shaughnessy, Felipe Aspegren - Pyry Soiri, Moshtagh Yaghoubi (liðsk), Glen Kamara(Armend Kabashi, 88.min), Fredrik Lassas(Matti Klinga, 80.min) - Simon Skrabb, Youness Rahimi(Eero Tamminen, 68.min) Á beinkinum: Frédéric Gotte, Nnaemeka Anyamele, Richard Jensen, Jerry Voutilainen. Venjari: Tommi Kautonen Gul kort: Simon Skrabb, Dani Hatakka finnland vs føroyar U21 Mynd: FSF