mánadagur 14. september 2015síða 21

21 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 14. september 2015 · Nr. 105 ítróttur fótbóltur Sjey føroysk útiseta mál Føroysku útisetarnir í donskum fótbólti gjørdu av álvara um seg hetta vikuskfitið. Christian L. Holst skoraði hattrik, meðan Jóan Símun Edmundsson og René S. Joensen skoraðu tvey mál í part Tróndur Arge Tað var hugnaligur lesnaður á fráboðanar síðunum, sum fyrlgja við donksum fótbólti farna vikuskiftið. Føroysku spælararnir eru av álvara farnir at gera um seg. Jóan Símun Edmundsson var tvífaldur málskjútti, tá ið lið hansara, Vejle BK, á heima­vølli vann 3-1 móti Skive í gjár. Jóan Símun skor­aði til 2-0 og til 3-1. Øll málini komu fyri steðgin. René tvímálsskjútti Vendsyssel hevur tríggjar føroyingar í hópinum, nevn­ liga Hall Hansson, Rene Shaki Joensen og Meinhard Olsen. Hallur Hansson er toppskjútti hjá liðnum í løtuni, men í gjár, tá ið Vend­syssel var á vitjan hjá Helsingør, var tað René Shaki Joensen, sum var stóri spæl­arin hjá Vendsyssel. Helsingør var á odda 1-0, men so javnaði Shaki til 1-1 stutt fyri steðgin. Helsingør legði seg tó aftur á odda í seinasta minuttinum fyri steðgin. Henda støða helt sær til eini 20 minuttir vóru eftir at spæla, tá ið René Shaki Joensen aftur var á rætta staðnum og syrgdi fyri einum 2-2 javnleiki til Vend­ syssel. Holst skeyt hattrik ímóti Svendborg Í triðbestu donsku fótbólts­ deildini, var Fremad Amager á vitjan á suðurfjóni, har liði­ð, sum Julian Johnsson venur, Svendborg var mót­ støðuliðið. Dysturin endaði við ein­ um lemjandi 5-0 stórsigri til Fremad Amager. Føroyski landsliðsspælarin, Christian Lamhauge Holst skeyt reint hattrik í fyrra hálvleiki. Málini hjá Christiani fullu í 6. , 21. og í 39. minutti. Í seinna hálvleiki økti Nicolas Mortensen við tveimum málum. Úrslitið merkir, at Fremad Amager er fyribils oddalið í triðbestu deildini, bólki 2 við 11 stigum. Heini Vatnsdal var ikki millum teir 11, sum byrjaðu dystin. Kaj Leo undir niður­ flytingarstrikuni Kaj Leo í Bartalsstovu og liðfelagarnir í Levanger í næstbestu fótbóltsdeildini í Noreg, áttu í gjár heimadyst ímóti Strømmen. Neyðugt var hjá Levanger við stig­ um, fyri at kunna halda sær røttu megin niður­flytingar­ strikuna. Men tað gekk ikki eftir vild hjá Levanger, sum tapti 0-1 ímóti Strømmen. Eirik Schulze skeyt sigursmálið, tá ein hálvur tími var farin av dystinum. Kaj Leo fekk 62 minuttir á vøllinum, áðrenn hann var skiftur út. Levanger liggur nú, sum nummar 13 av teimum 16 liðunum í næstbestu norsku fótbóltsdeildini við 23 stigum. Tó eru bert tvey stig upp til bjargingina, og enn eru sjey umfør eftir at spæla. Gunnar spælir í kvøld Gunnar Nielsen skal í kvøld spæla móti Fylkir í bestu deildini í Íslandi. Har hevur Stjarnan trupult við at liva upp til meistaraheitið í fjør. Stjarnan liggur á áttanda plássi við 21 stigum. FH hevur 45 stig á fyrsta plássi. Leiknir er á 11. plássi og undir niðurflytingarstrikuni við 15 stigum. B68 venjarin Súni Fríði Barbá er væl nøgdur við, at tað – hóast vánaligt út­ gangs­støði – eydnaðist at røkka málinum, sum var næst­fremsta plássið. So er tað avgjørt, at tað verður B68, sum saman við Skála flytur upp í bestu deildina. Skála vann leygar­ dagin trivaligan 5-0 sigur á Sandi. Skála hevur vunn­ið 64 stig og er fjúrtan stig frammanfyri B68, sum leygardagin vann 2-0 á Svangaskarði ímóti teimum næstbestu hjá Víkingi. Skálamenn hava í ár spælt við so at siga sama liðnum, sum í fjør royndi seg í bestu deildini. Tólv spælarar hava spælt átjan dystir ella fleiri, og Skála hevur bara tapt ein dyst. Nú tað resta tvey umfør, er málmunurin 81-15, og liðið eigur báðar teir bestu mál­skjúttarnar. Brian Jacobsen hevur skorað 28 mál, og Jákup Johansen hevur skorað 16 mál. B68 venjarin, Súni Fríði Barbá, roknaði und­ an kappingarbyrjan við, at Skála fór at vinna 1. deild. Tað gjørdi hann, tí Skála spælir við mest sum sama liði sum í fjør. Málið hjá B68 og venjaranum var at vinna næstovasta plássið. Leygardagin var tað greitt, at B68 hevur rokkið málinum og harvið eftir eitt ára fráveru aftur næsta ár fer at spæla í bestu deildini. B68 venjarin er væl nøgdur: – summarsteðginum vandu vit nógv og hart og væl, og tað bar úrslit við sær. Eg eri fegin og eyð­mjúkur um, at tað hev­ur riggað so væl. Tað sá ikki so væl út, tá ið vit um ársskiftið fóru undir fyrireikingarnar til hetta kappingarárið. Fleiri spælarar vóru farnir av landinum, og nakrir av teimum bestu vóru fluttir í onnur feløg, um­ framt at toppskorarin hjá okkum í fjør, Óli H. Olsen, fór til skips, tá ið tvey umfør vóru farin. Hann hevur verið burt­ur tveir triðingar av kapp­ingar­ árinum, sigur Súni Fríði Barbá, og hann heldur fram: – Vit hava havt nakrar royndar spælarar. Aftrat teimum hava fleiri ungir spælarar roynt seg. Viðhvørt hevur tað ikki gingið so væl, tí vit hava verið óstøðugir á útivølli, og tá hevur tað sæð tað út til, at 07Vestur, sum hevur samanspælt lið, skuldi fara avstað við upp­ flytingarplássinum, men so hava vit reist okkum aftur. Serliga á heimavølli hevur gingið væl. Í trettan heimadystum hava vit vunnið ellivu sigrar, og tvær ferðir er tað endað javnt. Tað er greitt, at MB flytur niður úr 1. deild. B36 er eisini flutt niður. Holið, sum B36 kann sneiða seg frá niðurflytingini er, at AB flytur niður úr bestu deildini. Harvið flytur AB liðið í næstbestu deildini, sum er á bronsuplássi eftir 3-1 heimasigur á 07Vestur, niður í 2. deild. Í gjár minkaði møguleikin hjá B36 at sleppa undan niðurflyting heilt nógv, tá besta AB liðið við heimasigri á FC Suðuroy styrkti um sína støðu í kappingini um at sleppa undan niðurflyting úr bestu deildini. joannes@sosialurin.fo Toftir aftur í fremstu røð 1. deild