hósdagur 17. september 2015síða 36

Fríggjadagur 18. september 2015 sosialurin 107 36 ítróttur Ambitiónirnar tiltala meg Fótbóltur Sámal Erik Hentze er tiltalaður av ambitióninum í Sarpugerði, men vil ikki tosa um FM. Felagið skal gjarna blíva betri enn tað er í dag, men tað er a vøllinum – og ikki í miðlunum – at felagið skal vinna sínar dystir Tróndur Arge Í nøkur ár hevur Víkingur meld­ að greitt út, at felagið hevur sum mál at vinna FM. Hetta eru tað summi, sum haldi er púra beint at gera. Onnur halda, at hetta kann skapa eitt óneyðugt trýst á spælararnar og felagið. Mikukvøldið bleiv Sámal Erik Hentze settur sum venjari hjá Víkingi. Hann vil ikki tosa um FM, men ynskir heldur at hava fokus á tí einstaka dyst­inum. Síðani verður hugt eftir hvussu langt tað røkkur. Einki krav um FM Sámal Erik Hentze og Sorin Anghel eru nýggja venjaraparið hjá Víkingi. Tað bleiv greitt mikukvøldið. Sámal Erik, sum hevur vunnið FM við HB og B36, er ikki settur til at vinna meistara­heitið – men tað er málið. – Felagið hevur einki krav sett fram um at vinna FM. Vit hava eitt mál um at blíva betri, og tað eru bara tvey ella trý pláss eftir at blíva betri í, sigur Sámal Erik Hentze. Farnu árini hevur Víkingur ikki fjalt, at felagið ynskir at vinna FM. Tað verður tó ongin so greið út­meld­ ing í ár. – Vit skulu ikki vinna FM í miðl­ unum í januar, men vit skulu vinna stóru dystirnir á vøllinum. Vit taka ein dyst í senn. So telja vit saman, tá árið er liðugt, sigur Sámal Erik Hentze. Sámal Erik ásannar tó, at tað er ein motivatión, at vinna FM við Víkingi. – Tað er sjálvandi eitt mál og ein av orsøkunum til, at eg valdi Víkingi, sigur nýggi venjarin hjá Víknigi. Í staðin fyri at skula vinna FM, so hevur felagið hesa ferð eitt ynski um at verða í FM stríðnum. Ov oftani hevur Víkingur ikki megnað at fylt við oddaliðunum, tá FM skal avgerast. – Fyrsta stig verður, at blíva ein partur av oddinum, tá avgerandi umførini verða spælt. So vit ikki spæla okkum av møguleikan tíðliga í kappingarárinum, vísir Sámal Erik á. Tiltalaður av ambitiónum Sámal Erik Hentze er tiltalaður av Víkingi sum felag. Tí hevur hann valt at taka uppgávuna sum venjari á seg. – Eg haldi, at Víkingur, sæð útifrá, sær út sum eitt sunt og vælskipað felag. Spælararnir hava verið har í fleiri ár. Tað er ikki neyðugt at byrja av nýggjum hvørt ár, greiðir Sámal Erik Hentze frá. Hann og nevndin í felagnum eru á einum máli um, at nýggjur íblástur skal í hópin. Tí verður talan um onkra tilgongd, men tað verður við skili. – Nevndin hevur játtað, at ganga nøkrum ynskjum á møti, men Víkingur hevur eisini nakrar grund­ steinar, ið felagið er bygt á. Teir má eg eis­ini laga meg eftir, sigur Sámal Erik Hentze og leggur afturat: – Tað er brúk fyri nýggjum íblásti í hópinum, so tað betri ber til at skifta út, sigur nýggi venjarin hjá Víkingi. Hann leggur afturat, at tað er hugaligt at stjórna einum liði, har tað ikki skal byjast á nýggjum hvørt ár. Her hevur Víkingur í fleiri ár havt somu stammu við spælarum sum Bárði Hansen, Atla Gregersen, Erlingi Jacobsen, Hanusi Jacobsen, Hans Jørgen Djurhuus, Sølva Vatnhamar og Heðini Hansen. Tíð at vera venjari Tá Sámal Erik Hentze gavst sum venjari í B36 í fjør, segði hann, at hann ikki hevði tíð at vera venjari. Hann sigur, at tað verður ikki ein trupul­ leiki. – Støðan hjá mær broytt, so eg nú havi tíð at hugsavna meg um at verða venjari aftur, sigur Sámal Erik Hentze at enda. trondur@sosialurin.fo