hósdagur 17. september 2015síða 37

Fríggjadagur 18. september 2015 sosialurin 107 37 Nógvar broytingar til komandi kappingarár Fótbóltur Longu áðrenn kappingarenda er greitt, talan verður um fleiri broytingar til komandi kappingarár í føroyskum fótbólti. Hesa vikuna er tað serliga Víkingur, sum snúningspunktið Tróndur Arge S ámal Erik Hentze er nýggjur venjari hjá Víkingi. Søgurnar siga, at felagið skal hava nýggjar profilar, sum spæla við feløgum sum B36, Víkingi og HB. Tú kundi eisini sagt, at “Silly Season” er byrjað í Føroyum. Víkingur vil hava profilar Víkingur skal komandi ár spæla uttan Finn Justinussen, sum er fluttur av landinum í útbúgvingarørindum. Til hetta kappingarárið fór Hallur Hansson eisini av landinum, men Víkingur valdi ikki at fáa nakran í hansara stað. Nú er líkt til, at Víkingur ynskir at fáa tveir profilar til felagið til kom­andi kappingarár. Hans Pauli Samuelsen er í samráðingum við Víking, og hevur ikki longt sátt­málan við B36. Hann váttaði fyri Norð­ lýsinum, at hann møguliga er á veg til Víking. Eitt annað pláss, sum skal fyllast er álopið. Her ljóðar, at Páll A. Klett­ skarð og Arnbjørn Hansen eru bestu boðini. – Eg kann siga so mikið, at teir hava víst áhuga, men at eg havi ikki tikið nakra avgerð um komandi kappingarár enn. Sum nú er, so spæli eg við KÍ og havi tað øgiliga gott her norði. Vit hava eitt lið í menning og eitt gott venjaratoymi. Eg havi verið sátt­málambundin síðani 2012. Nú verður arbeitt uppá hvat skal henda til komandi ár. So tað má tíðin bara vísa, sigur Páll A. Klettskarð. Eisini Arnbjørn Hansen hevur áhuga úr Víkingi. HB hevur ikki gjørt sáttmálar fyri komandi ár, og tí er framvegis ikki greitt um Arnbjørn spælir har komandi ár. – Eg havi onga avgerð tikið um komandi ár. Eg hugsi mest um at fáa knæið í ordan, so eg sleppi at spæla fótbólt aftur, sigur Arnbjørn Hansen, sum hevur sitið uttanfyri við skaða síðani ólavsøkudystin móti FC Suðuroy. Bæði Páll A. Klettskarð og Arnbjørn Hansen hava havt skaðar at dragast við hetta kappingarárið. Símun Rógvi til NSÍ Símun Rógvi Hansen hevur eftir øllum at døma gjørt sáttmála við NSÍ. Símun Rógvi hevur í ár spælt við B71, men hevur árini frammanundan spælt í bestu deildini við góðum úrslitum. Sum skilst, so leitar NSÍ eftir at styrkja sær um málmanspostin og møguliga verjuna. Hóast Tórður Thomsen og Kristian Joensen báðir hava sín uppruna í NSÍ, so verður tað helst heimasandsmaðurin Símun Rógvi Hansen, sum kemur at verja málið hjá NSÍ. Símun Rógvi vil ikki vátta, at hann skiftir til NSÍ, men váttar at hann ikki heldur fram í B71. Hann er 28 ára gamal og hevur umframt B71, eisini spælt við HB og AB. Í 2013 stóð hann seg so væl í AB, at hann bleiv úttikin til landsliðið á fyrsta sinni. Í 2014 fór hann niður í lestrarørindum, men kom í ár aftur til føroyskan fótbólt. B36 boðaði í dag frá, at Tórður Thomsen ikki heldur fram í felagnum, so hann endar eftir øllum at døma í KÍ. Kristian Joensen hevur í ár spælt við 07 Vestur, men eitt skifti til NSÍ hevur ikki veið upp á tal. NSÍ liggur í løtuni á øðrum plássi í Effo-deildini. Tórður Thomsen gevst í B36 – Tað hevur ikki eydnast okkum at leingja sáttmálan við Tórð Thomsen, sum nú fer at roynaseg aðrastaðni Tað eru greiðu boðini frá B36, nú tað er vist, at málmaðurin, Tórður Thomsen, ikki heldur fram hjá B36. Tað er tó ikki við einum góðum vilja, at B36 nú letur málmannin fara. – Vit vilja tó sláa fast, at hetta verður ikki gjørt fyri ein og hvønn prís. Vit hava roynt at funnið eina semju við Tórð um nýggjan sáttmála, men hetta hevur ikki eydnast, skrivar B36 á teirra heimasíðu og leggja aftrat. – Takk fyri trý framúr ár, Tórður, og framhaldandi góða eydnu, skrivar felagið at enda. Tórður Thomsen hevur vart málið hjá B36 síðani 2013. Áðrenn hann skrivaði sáttmála við B36, hevði hann umboðað eina langa røð av feløgum, harímillum AB, ÍF, B68, HB og NSÍ. In.fo skrivaði fyrr í vikuni, at tað vóru, umframt B36, tvey onnur feløg, ið kappast um undirskriftina hjá Tórða Thomsen, nevniliga KÍ og NSÍ. Nú tá Símun Rógvi Hansen helst hevur skift til NSÍ, so er bara KÍ eftir fyri Tórð Thomsen. Skiftur hann til KÍ, so verður KÍ tað sjeynda liðið í føroyskum fótbólti, ið hann umboðar. HB í bíðistøðu Í løtuni hevur HB ikki sett venjaran fyri komandi kappingarár. At kalla allir spælararnir hava sáttmála, ið endar við kappingarlok í ár. Arbeitt verður við málinum, men tað er avgerandi um HB røkkur evropa luttøku. – Vit hava boðað spælarunum frá, at vit eru sinnaðir at fara til sam­ráðingar. Men tað ber ikki til hjá okkum, at binda felagið til meiri enn tað klárar at svara fyri. Tí er um­ráð­ andi at vita, um vit koma í Evropa ella ikki, sigur Finnbogi Arge, formaður í HB. Í vikuni hevur ljóðað, at felagið hevur verið í samband við Sámal Erik Hentze um at taka við venjara­ starvinum. Tað kennir formaðurin einki til, men vísir á, at teir eru sera væl nøgdir við Milan Cimburovic og Jan Dam. – Tað kenni eg einki til. Eg kann siga, at vit hava verið sera fegnir um arbeiði hjá Milan og Jan. Vit trúgva upp á okkara egnu venjarar. Nú taka vit hetta árið fyrst, so taka vit tað harfrá, sigur formaðurin í HB. Fyrstur av spælarunum at gera sáttmála fyri komandi kappingarár, er U21 landsliðsspælarin Bartal Wardum. Hann uppvaksin í felagnum, og hevur í ár spælt ikki færri enn 20 dystir fyri besta liðið hjá HB. HB er í løtuni í harðari kapping við KÍ um fjórða plássið, ið gevur atgongd til Evropa – og ein kekk upp á næstan tvær milliónir krónur. Koyringin ov nógv fyri Markovic ÍF boðaði mikudagin frá, at serbiski málverjin, Predrag Markovic, er givin í felagnum. Felagið skrivar soleiðis um avgerðina hjá Perdrag Markovic: – Sum slaturin hevur ljóðað, so skal tað hervið verða váttað, at Predrag Markovic er givin í felagnum. Predrag, sum hevur spælt 20 dystir fyri okkum í ár, valdi eftir dystin móti TB at takka fyri seg. Høvuðsorsøkin var hon, at koyringin millum Havnar og Fuglafjørð fór við ov nógvari tíð. Vit skulu nýta høvið at takka Predrag fyri tíðina í Fuglafirði, og ynskja honum alt tað besta framyvir, skrivar felagið á heimasíðuni. Til dystin móti KÍ, sum endaði 1-1, stóð 19 ára gamli Tóri T. Traðará í mál. Hann hevur fyri tað mesta hevur spælt við 2. deildar liðnum. Hann hevur í kvøld skrivað undir sáttmála, sum er galdandi fyri restina av kappingarárinum. – Tóri er úr Fuglafirði. Tað sostatt ein av okkara egnu leikarum, ið vit seta við nú. Tað skal hervið verða ynkst Tóra hjartaliga tillukku við sátt­málanum, og somuleiðis verður hon ynskt góða eydnu, skrivar felagið á heimsíðuna. ÍF spælir sunnudagin móti AB í Effo-deildini. Ein dystur, sum Rás2 sigur frá. trondur@sosialurin.fo