mánadagur 21. september 2015síða 25

25 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 21. september 2015 · Nr. 108 ítróttur fótbóltur Giza/Hoyvík er nú í 1. deild Vilja í Effodeildina Leygardagin vann Giza/Hoyvík lykladyst ímóti TB í triðbestu deildini, og nú eru teir so gott sum fluttir upp í 1. deild. Við nýggjum vølli klárum næsta kappingarár kunnu teir stíla eftir bestu deildini Pætur Albinus Giza/Hoyvík skal spæla í næstbestu deildini. Tað er at kalla púra greitt, nú teir leygardagin vunnu lykla­ dystin í triðbestu deildini ímóti TB. 3-1 til Giza/Hoyvík gjørdist úrslitið eftir at hálv­ leiks­støðan annars var 0-0. Tað vóru nakrir kendir menn, sum eftir bert fáum min­uttum miðskeiðis í seinna hálvleiki avgjørdu dystin. Ahmed Keita, Evrard Blé og Bogi Hermansen skutu nevniliga málini hjá Giza/Hoyvík, sum ímóti kapp­ingarenda hava notið væl av roynda miðvallar­ anum, Evrard Blé, sum av álvara hevur bundið um og somu­leiðis verið dystar­av­ ger­andi í fleiri atløgum. Jón Tórður Holm pyntaði um í yvirtíðini, soleiðis at endaliga úrslitið gjørdist 3-1 til Giza/Hoyvík. Avgjørt Næstbesta liðið hjá HB hevur tryggjað sær uppflyting til næstbestu deildina, og nú er Giza/Hoyvík ávegis upp við teimum. Teoretiskt er tað framvegis ein møguleiki fyri, at TB tekur seinna upp­ flytingarplássið frá Giza/ Hoyvík, men tað er ógvu­liga ósannlíkt. Støðan er nevn­ iliga tann, at Giza/Hoyvík á øðrum plássi er trý stig framman­fyri TB. Tískil skal Giza/Hoyvík tapa heima ímóti KÍ komandi leygardag, sam­stundis sum TB vinnur í Fuglafirði. Tað er tó neyvan heldur ikki nóg mikið, tí í løtuni hevur Giza/Hoyvík 26 mál betri málmun enn TB. Í Giza/Hoyvík hava teir verið somikið vísir í upp­ flyt­ingini, at tað var veitslu­ rómur eftir sigurin leygar­ dagin. Hetta er fyrstu ferð, at Giza/Hoyvík sum samanlagt felag er í næstbestu deildini. Seinast fyrrverandi FC Hoyvík var í næstbestu deildini, var í 2011. Ávegis Giza/Hoyvík hevur í seinnu hálvu fingið styrk av fyrr­ ver­andi Effo-leikarum í Evrard Blé og málverjanum Petur Meinhard Magnussen. Framman­undan er eisini Ahmed Keita í felagnum, og hann hevur í ár gjørt bart við 19 málum í 15 dystum. Støðan sær út til at gerast tann, at AB framhaldandi fer at spæla í Effodeildini, og tískil skuldi møguleiki hjá Giza/Hoyví verið fyri at útvegað leikarar í høvuðs­ staðar­økinum, sum annað­ kvørt ikki sleppa upp í part ella ikki vilja vera við á allar­ hægsta stigi. Hetta hevur áður verið at sæð í eitt nú AB, sum hevur havt nógvar avlopsleikarar úr HB og B36 ávegis upp í bestu deild- ina. Í so fall, at tað eydnast teim­um, skuldu sannlíkindi verið fyri at verið ávegis bestu deildini. albinus@sosialurin.fo – Tað skal ikki vera nøkur loyna, at málið er at koma upp og verða tað fjórða liðið í Havnini, sigur Frankie Jensen vísandi til framtíðina, har málsetningurin er at koma í Effodeildina Pætur Albinus Eftir dystin ímóti TB leygar­ dagin fegnaðist venj­arin, Frankie Jensen, sum vera man um sigurin í lykla­dyst­ inum ímóti TB. Teir úr Giza/ Hoyvík fóru suður fríggja­ kvøldið fyri at fáa bestu umstøðurnar upp undir dystin, og Frankie sigur eisini, at teir løgdu nógv fyri til at nú skuldi tað verða, tí – sum hann sjálvur sigur – so hevur uppflytingin kiksað í trý ár á rað. Frankie er samdur í, at hópurin hjá teimum er sterkur, men uppflytingin er tó ikki løtt. – Vit høvdu eisini sterk­ an hóp, men vit eru eina tonn betri í ár, og tí eydn­ aðist tað. 2. deild sær ikki út til at vera so løtt at vinna hóast alt. Tað eru einans 18 um­før, og ein vánalig perioda, sum vit høvdu í ár og eisini í fjør, kostar so­ mikið nógv, at hon er trupul at vinna inn aftur, sigur Frankie og peikar á, at teir í ár, tá ið seks umfør vóru eftir, vóru nummar fimm. Stíla uppeftir Við Karlamagnusarbreyt í Hoyvík verður nýggjur fót­ bólts­vøllur bygdur, og eftir ætlan skal hann verða klár­ ur hjá Giza/Hoyvík at spæla á næsta kappingarár. – Tær umstøðurnar verða alt avgerandi fyri, at tað skal eydnast. Tað, at vit flyta upp nú, hevur nógv at siga, tí at tað er nokk av leik­arum í Havnini, so eg vænti at hetta fer at skapa eitt sindur av tilgongd, sigur Frankie og leggur afturat, at leik­ararnir kanska ikki leggja so nógv fyri í 2. deild. – Vit skulu til at venja meir við teimum monnum, sum vit hava, og so fáa nak­ að av tilgongd afturat. So fáa vit fyri fyrst stabiliserað okk­um í 1. deild, og tað skal ikki vera nøkur loyna, at mál­ið er at koma upp og verða tað fjórða liðið í Havn­ini, sigur hann. Giza/Hoyvík er eitt felag í menning og vøkstri. Til dømis kann nevnast, at felagið í fjør hevði tvey lið í ungdómsdeildini, meðan tað í ár vóru fýra. Frankie, sum eisini er næstformaður í felag­num, dúvar upp á, at enn fleiri lið verða við í ung­ dóms­deildini næsta ár. albinus@sosialurin.fo Mynd: Giza/Hoyvík