mánadagur 21. september 2015síða 26

Mánadagur 21. september 2015 · Nr. 108 26 Sosialurin Hugskot og viðmerkingar – send sms til 225000 ítróttur fótbóltur Jóannes Hansen Verður tað NSÍ ella Víkingur, sum annan leygardag fer at fáa silvurkrónurnar hand­ aðar. Verður tað HB ella KÍ, sum fer at vinna fjórða og sein­asta atgongumerkið til euro­peisku kappingina næsta summar. Og verður tað FC Suðuroy ella AB, sum fer at flyta niður í næstbestu deildina. Hesir spurningarnir vóru ósvaraðir undan viku­skift­ inum, og svarini fuku fram­ vegis í heystarlotinum, sum argaði ikki sørt, tá ið dóm­ ararnir bríkslaðu fyri síðstu ferð kring landið seinna­ partin í gjár. Tað er ikki avgjørt, um tað verður AB ella FC Suðuroy, sum skal niður í næstbestu deildina, men fyritreytirnar hjá FC Suðuroy eru uppaftur tor­førari nú, enn tær vóru undan 25. umfari. FC Suðuroy tapti í Sarpugerði, með­an AB greiddi javnleik á heimavølli ímóti ÍF. Harvið er AB nú fýra stig og væl betri málmun omanfyri FC Suðuroy. Um tað skal eydnast FC Suðuroy at taka plássið í bestu deildini frá AB, so skal FC Suðuroy vinna á heima­ vølli ímóti ÍF og á útivølli ímóti HB, samstundis sum at AB tilsaman ikki skal fáa meiri enn eitt stig burturúr ímóti B36 í Gundadali og á heimavølli ímóti NSÍ. At NSÍ í síðstu løtu misti sigurin á útivølli ímóti TB, meðan Víkingur vann trygg­ an heimasigur á FC Suðuroy ber við sær, at spenningurin um næst­fremsta plássið nú er størri. NSÍ er eitt stig og +2 í málmuni undan Víkingi. Spurningurin, um tað verður NSÍ ella HB, sum fer avstað við silvurmerkjunum, verð­ur ivaleyst svaraður sunnu­dagin, tá ið triði spurn­ing­urin – um tað verð­ ur HB ella KÍ sum næsta summ­ar skal spæla í altjóða kapp­ing – eisini fer at verða svaraður. HB er tvey stig og +4 í málmuni frammanfyr KÍ. Sunnudagin fær NSÍ vitjan av KÍ, meðan Víkingur fær vitjan av HB. Meiri stiril í klaksvíkingum Eftir tvey kiks – ímóti AB á heima­vølli og ÍF á útivølli – eydnaðist tað aftur KÍ at vinna fulla úrtøku. Tað var ímóti nýklæktu meistar­ unum í B36, sum noyddust suð­ur aftur við 2-1 tapi. Hóast væl upplagdi Philip Lund sera hegnisliga og eftir óskettið KÍ verjuspæl úr vinstru lyfti bóltin upp um KÍ málverjan og í mál­ið, so reisti heimaliðið seg og skor­ aði undan steðg­inum tvær ferðir eftir deyð­bólts­støður: Kenan Hajdarevic stút­ aði í málið eftir horna, og Ndende drøn­stútaði úr stór­ ari fjar­støðu sigurs­málið eftir diagonala frísparks­ send­ing úr høgru. Eftir steðg­in kom einki mál. – Vit vístu ikki tann viljan, sum hevur eyðkent okkum higartil í ár, tá ið tættu upp­ gerðirnar hava koppað okk­ um til fyrimunar. Vit tóku ikki av, tá ið vit spældu okk­ um til málmøguleikar, og vit vóru als ikki so avgjørdir í verju­partinum, sum vit plaga at vera. Tað var annar part­urin av frágreiðingini, men KÍ skal hava rós fyri fínan hugburð, sigur B36 venj­arin Eyðun Klakstein. Hann vil ikki hava, at meistararnir tapa nakran dyst aftrat: – Undan tapinum í gjár vóru vit bara einaferð farnir av vøllinum uttan úrtøku. Meistaraliðið skal ikki tapa tríggjar ferðir á rað. Vit fara at stríðast fyri fullari úrtøku í tveimum teimum seinastu umførunum. Ímóti KÍ var okkara lið eitt sindur broytt, men talan var ikki um stóra broyting. Trygvi Askham, Gestur B. Dam og Philip Lund, sum skoraði, fingu møgu­leikan, og tað var ikki teirra avrik, ið var orsøk til, at vit ikki vunnu. Í KÍ leguni vóru teir stak væl nøgdir. Fulla úrtøkan ímóti meistaraliðnum ber við sær, at tað framvegis er møgu­leiki fyri, at klaks­ víking­ar skulu vinna sær pláss í Europa: – Tað er hugaligt, at vit reistu okkum, eftir at B36 hevði lagt seg framum. Stutta frá­greið­ingin uppá, at vit vunnu, man vera, at vit vóru raskari og arbeiddu meiri enn teir. Ivaleyst var tað veru­leikin, at teir longu hava tryggjað sær FM heitið, meðan vit framvegis hava nógv at spæla um, sum man vera orsøk til úrslitið, heldur KÍ málverjin Meinhardt Joensen. – B36 er besta liðið at spæla seg ígjøgnum mót­ støðu­verj­una. Tí var tað týdn­ingar­mikið hjá okkum eftir steðgin at leypa á og har­við at halda teimum burt­ur frá okkara verju og máli. Síðstu løtuna vóru teir vanda­miklir onkra ferðina, men tíbetur hildu vit tørn, sigur KÍ málverjin. HB borðreiddi væl fyri sær Tríggjar ferðir á rað var saml­aða úrtøkan hjá HB tvey stig. Í gjár var eingin ivi. Í Gunda­dali vann HB 6-0 á EB/Streymi. Sum fleiri ferðir síðani summarsteðgin helt EB/Streymur tørn størsta partin av 1. hálvleiki. Fimm min­uttir undan, at tað var hálvleikt, setti 17 ára gamli Teit Jacobsen hol á. Hann skoraði fyri fyrstu ferð í bestu deildini – bæði til 1-0 og 6-0. Ein annar av ungu monn­ unum, Adrian Justinussen, økti til 2-0 lítla løtu undan steðginum. Í HB hava teir lagt seg eftir at seta við millum teir, sum eru uppvaksnir í felag­ num. Tað sást aftur í, at fimm blaðungir menn vóru á lið­num. Umframt Teit Jacobsen vóru tað Adrian Justinussen, Bartal Wardum, sum nógvu tær seinastu ferðirnar hevur verið mill­um teir fyrstu ellivu, og Daniel Johansen og Heri H. Mohr, sum vórðu skiftir inn seinna­ partin av 2. hálvleiki. Tá ið 2. hálvleikur var tjúgu minuttir gamal, var støðan 5-0. EB/Streymur kundi havt lagt seg framum beinan­vegin, men Teitur Matras Gestsson var árvak­ in, og HB kundi havt skorað upp­aftur fleiri mál, men undan steðginum stór­bjarg­ aði Jákup Andrias Hansen fleiri ferðir: – Okkara avrik undan steðg­inum var fínt, men tá ið HB hevði sett hol á, sigldi tað hjá okkum. Skipanin fór av lagi, og HB skoraði trý mál í fýra minuttir, tá ið eitt korter var farið av seinna hálvleiki. Nú er hetta ævintýrið av. Undan kappingarbyrjan vóru vit greiðir yvir, at tað kundi enda við niðurflyting. Aðal­málið var at mynda nýggjan bul á liðnum. Tað eru vit væl í holtur við, og vit eru fyrireikaðir til næsta ár í 1. deild, sigur EB/Streyma mál­verjin Jákup Andrias Hansen. HB liðformaðurin Fróði Benjaminsen var tvífaldur mál­skjútti. Annað málið var brotsspark, sum hann til­ tuskaði sær sjálvur. Hetta var dystur nummar 408 hjá super­veteraninum í lands­kapp­ingini, og tey bæði mál­ini bera við sær, at samantalda mál­talið nú er 134! – Vit skulu vinna okkara dystir fyri at varðveita fjórða plássið. Um tú ikki vinnur FM, so er altjóða avbjóðingin og fíggjarliga úrtøkan tann sama, um tú endar á øðrum ella fjórða plássi. Fyri okkum hevur tað stóran týdning at vinna fjórða plássið. Við stórsigrinum í dag eru vit tvey stig og betri málmun frammanfyri KÍ, og eg eri vísur í, at vit fara at halda tørn um fjórða plássið, sigur Fróði Benjaminsen, sum greið­ir soleiðis frá um av­ rikið ímóti EB/Streymi: – Uppskriftin var at spæla skjótt, og tað troyttaði teir, hóast teir vístu sera góð­an hug­burð. Teir høvdu møgu­ leikar bæði at byrja við og fyrstu løtuna eftir steðgin, men tá teir troyttaðust, tóku vit fult og heilt yvir. TB átti aftur síðsta leikin Fyri trettandu ferð í ár fór TB av vøllinum eftir at hava verið partur av javnleiki. Í næst­síðsta minutti javnaði Teitur Justinussen til 2-2 við Stórá. Hetta var trettandi javn­leikurin hjá TB. Hetta er nýtt met í javnleikum. NSÍ spælararnir vóru Sannlíkt er tað, at størsta kappingin- um tað skal vera HB ella KÍ, sum skal vinna síðsta at­ gongu­merkið at luttaka í europeisku kappingini næsta summar – verður avgjørd sunnudagin KÍ arbeiddi stigini frá meistarunum Rógvi Dam EB/Streymur Tað einasta sum var gott í dag, var kaffi. Saman standa vit sterk fjepparin Allan Enghamar hb Har var heilt einfalt klassamunur. Vit mugu bara gera tað sama móti Víkingi. fjepparin Kristian Joensen kí Fantastiskt at vinna á FM vinn­ ar­unum. Og entá fult uppi­borið. KÍ má sku skriva lang­tíðar-sátt­ mála við Sani Tahir. Klárt besti leikari í land­inum. Nú rópa vit koyr á KÍ og Víkingur fjepparin Lissi Mouritsen B36 Tvífaldir føroyameistarar! fjepparin