týsdagur 22. september 2015síða 38

lýsingablað frá miðlahúsinum september 2015 6 Tað verður nógv spennandi á skránni, tá ið væl­ veruvika er á breddan í SMS. Vikan fer at innihald nógv fjølbroytt tiltøk, har ymisk sløg av vælveru verður sett í fokus, og har fólk kunnu koma í SMS at uppliva nógv ymiskt. Vælveruvikan kemur at innihalda nógv um móta, og millum annað verður eitt stórt mótashow á skránni hóskvøldið, har Laila av Reyni kemur at standa fyri innihaldinum. Læra at gera skjótar fiskarættir Eitt annað áhugavert tiltak, ið verður á skránni í vælveruvikuni, er at fólk kunnu læra at gera skjótan mat við fiski. – Vit hava fingið eina avtalu í lag við kenda kokkin, Una Gullfoss, sum kemur her í húsið mána­ dagin og mikudagin, og í samstarvi við Miklagarð og Fólkaheilsuráðið kemur hann at læra fólk at gera skjótan og heilsugóðar fiskarættir, greiðir Regin W. Dalsgarð, býlingsstjóri í SMS frá. Bót til bata tiltak týskvøldið Týskvøldið verður eitt stórt tiltak hjá Bót til bata. Tiltakið hevur eitt víttfevnandi innihald, har tað millum annað verður høvi at hoyra eina dóttur greiða frá, hvussu tað var, tá ið mamman bleiv sjúk av brótskrabba. Somuleiðis fer ein mamma at greiða eitt sindur frá sínari støðu og sínum kenslum í sambandi við bróstkrabba. Elinborg Pálsdóttir kemur eisini at framføra nøkur løg av nýggju fløguni hjá sær, og gestirnir fáa eisini møguleika at práta við fólk frá Bòt til bata. Familjumyndin Vælveruvikan er avloysari fyri mótavikuna, sum hevur verið undanfarin ár. Í fjør var eitt tað best um­tókta tiltakið á mótavikuna, at fólk kundu koma á Torgið í SMS at taka familjumynd, sum navn­ frami myndamaðurin Høgni Heinesen tók. Hetta hepnaðist sera væl, og tí verður hetta sett aftur á skrá í ár. Mikudagin millum klokkan 10 og 18 kunnu fólk tí koma oman í SMS við børnunum hjá sær og taka familjumyndir ókeypis. Myndirnar verða latnir fólki við telduposti. Talan er eisini um eina kapping, tí millum allar tær tiknu myndirnar verður ein vinnari funnin, og vinningurin er ein innramming av familjumyndini. Tey, sum ætla sær at fáa tikið eina familjumynd í SMS í komandi viku, skulu bíleggja sær tíð, og tað kann gerast við at senda ein teldupost til luciana@sms.fo. Vikan verður full av ymiskum vælverutiltøkum, og í hesi vikuni fer SMS regluliga at leggja smá videobrot út á Facebook, har ymiskt verður at frætta um áhugaverdu vælveruvikuna í komandi viku. Fjølbroytt vælveruvika Í komandi viku verður vælvera á breddanum í SMS, tá árliga vælveruvikan er á skránni Stórt mótashow, sum Laila av Reyni stendur fyri, verður hóskvøldið í komandi viku Skráin týskvøldið 29. september Kl 20.00 Vælkomin Kl 20.10 Elinborg Pállsdóttir syngur tvey løg kl 20.20 Ein dóttur sigur frá, tá ið mamman bleiv sjúk av bróstkrabba kl 21.00 SMS og Mylnan bjóða kaffi kl 21.00 Elinborg Pállsdóttir syngur trý løg Kl 21.15 Ein mamma sigur frá síni støðu/kenslum kl 21.40 Videolag Kl 21.45 Møguleiki er at fáa eitt prát vð kvinnur frá bót til bata Bót til bata selur oyraringar og armbond