hósdagur 24. september 2015síða 30

Fríggjadagur 25. september 2015 sosialurin 110 30 Ikki við: Hørður Askham (langtíðarskaddur) Ivasamur: Høgni Eysturoy (lærkrikin) Ikki við: Pál M. Joensen(knæ, langtíðarskaddur), Arnbjørn T. Hansen(knæ, langtíðarskaddur), Andrew av Fløtum(hælsinan, óvist) Ivasamir: Fróði Benjaminsen (nakkin), Rógvi S. Holm (lærkrikin) og Poul Ingason (fóturin) Ikki við restina av árinum: Bárður J. Hansen (Knæskaði), Hanus Jacobsen (Knæskaði), Filip Djordjevic (Knæskaði), Súni Olsen (Brotið hondina), Hans Jørgen Djurhuus (Økslin), Finnur Justinussen (Fluttur av landinum) Ikki við: Andras Frederiksberg (lærkrikin, restina av árinum) Við aftur: Árni Frederiksberg (eftir leikbann) Ikki við: Tóki H. Johannsen (úti restina av árinum) Jóannes Hansen M eistaraheitið er málið hjá øllum teimum, sum spæla fótbólt. Umframt heiður og æru til felagið, stuðlarnar, viðhaldsfólkini og spæl­ararnar ber FM heitið í EFFO deild­ini rættin við sær at luttaka í euro­peisku meistarakappingini. Tað gongur rætta vegin, men higartil hava føroysku meistararnir ikki gjørt heilt stórar skreytir í Europa. Umframt ítróttarligu avbjóðingina er FM heitið fíggjarlig gularót. Fyri FM heitið í 2014 og aftur í 2015 fær B36 450 túsund evrur. Tá ið B36 liðformaðurin Jákup á Borg annan leygardag fer at taka ímóti FM steypinum í Fuglafirði, fara tey í B36 at fegnast um 11. FM heitið, sum felagið hevur vunnið. FM heitið í fjør og aftur FM heitið í ár bera størri peningaligar inntøkur við sær enn nakað annað FM heitið. Sambærti Virgar Hvidbro, aðal­ skriv­ara í FSF, eru upphæddirnar fyri FM heitini í fjør og aftur í ár 70 túsund evrur størri, enn tær vóru framman­ undan. Fyri FM heitið í fjør vann B36 umleið 3.375.000 krónur – ítøkiliga upphæddin valdast virði á evruni í donskum krónum. Og B36 vinnur aftur í ár 3.375.000 krónur. Samantalda FM upphæddin fyri hesi bæði árini er harvið 6.750.000 krónur! At taka lut í europeisku kappingini ber útreiðslur við sær. Ivaleyst fáa bæði venjarar og spælarar bonus fyri at vinna FM heitið, men sjálvandi ligg­ ur nógv eftir til felagið. Kappast um 1,5 milliónir NSÍ og Víkingur hava longu tryggjað sær rætt at luttaka í europeisku kapp­ ingini næsta summar. Fyri sigur í steypa­finaluni og heiðursmerkini í landskappingini fáa tey 200.000 evrur. Tað er 70.000 evrur meiri, enn UEFA áður hevur latið. Tað vil siga, at feløgini nú fáa 1.500.000 krónur. Umframt meistaraupphæddina til B36 og 1,5 milliónir til Víking og NSÍ, so skal eitt annað felag leskast við hálvari aðru millión frá UEFA. Peningurin fer til tað felagið, sum endar á fjórða plássi í landskappingini. HB er er á fjórða plássi – tvey stig og betri málmun frammanfyri KÍ. Um tað verður HB ella KÍ, sum fer at vinna stóru upphæddina, verður ivaleyst av­gjørt sunnudagin. Tá skulu bæði feløgini royna seg á útivølli í Eysturoy. Um tað skal eydnast KÍ at taka fjórða plássið frá HB og harvið at flyta hálvu aðru milliónina úr norðara húsinum í Gundadali og til Klaksvíkar, so skal KÍ vinna á útivølli ímóti NSÍ, og so skal HB tapa í Sarpugerði ímóti Víkingi. Í 27. umfari, sum verður annan leygar­dag klokkan 14, eigur HB heima­ vøll ímóti FC Suðuroy, og KÍ eigur heimavøll ímóti EB/Streymi. Tað er longu greitt, at EB/Streym­ ur, sum sunnudagin fær vitjan av TB, næsta kappingarár fer at spæla í næst­ bestu deildini. Og tað kann væl vera, at tað sunnudagin verður greitt, at FC Suðuroy næsta kappingarár skal spæla í næstbestu deildini. FC Suðuroy eigur sunnudagin heimavøll ímóti ÍF. Um FC Suðuroy framvegis skal hava møgu­leika at varðveita plássið í bestu deildini, so er fyrsta kravið, at úrtøkan verður full ímóti ÍF. Annað kravið er, at AB einki fær burturúr á útivølli ímóti B36. Annan leygardag eigur AB heima­ vøll ímóti NSÍ. Víkingar verja borg Víkingur - HB Lars Müller Sunnudagin klokkan 15.00 Tølini siga, at Víkingur verður favo­ rittur, tá ið HB fer at vitja í Sarpugerði. Víkingur hevur higartil verið trettan ferðir á heimavølli, og úrtøkan er níggju sigrar og fýra javnleikir við saml­aða málmuninum 42-15. Tað vil siga, at higartil er tað ikki eydnast gest­ unum at fara úr Sarpugerði við fullari úr­tøku. HB hevur verið tólv ferðir á úti­ vølli, og úrtøkan er fýra sigrar, fimm javn­leikir og trý tap við samlaða málmuninum 13-13. – Vit vita, at tað er neyðugt hjá okkum at vinna allar dystirnar, um vit skulu varðveita fjórða plássið, og tí fara vit norður til Gøtu fyri at vinna øll stigini. Tað verður neyvan av­gjørt fyrrenn annan leygardag. Í euro­pe­ iskum høpi og við fíggjarligum atliti er tað hips um haps at vera numm­ar tvey ella fýra, men tað er sera týdn­ ingar­mikið at vera í hvussu so er nummar fýra, og tað gera vit alt fyri at røkka, sigur HB liðformaðurin Fróði Benjaminsen. Eftir vónbrotið og 2-1 tapið við Margáir fyri tveimum vikum síð­ ani vann Víkingur sunnudagin á heimavølli ímóti FC Suðuroy. Sigfríður Clementsen var fegin um, at liðið hjá honum við nógvum ungum og óroyndum monnum megnaði sítt, og nú bíðar somu monnum stór av­ bjóðing: – Um vit skulu vinna ímóti HB sunnudagin, so skulu vit avrika meiri, enn vit gjørdu ímóti FC Suðuroy. Vit skulu stutt sagt finna eitt gear aftrat. Vit eru ósigraðir á heimavølli higartil í ár, og vit vóna, at tað eisini verður so­leiðis, tá ið síðsti heimadysturin í ár verður av, sigur Sigfríður Clementsen. Sunnudagin fer Sigfríður at siga farvæl í Sarpugerði, tí í síðsta umfari skal Víkingur spæla á útivølli ímóti TB. Sjálvsálitinum bilar einki NSÍ - KÍ Petur Reinert Sunnudagin klokkan 15.00 Á heimavølli ímóti nýklaktu meist­ ar­unum í B36 eydnaðist tað KÍ sunnu­dagin at vinna 2-1. Í KÍ leguni var fagnaðurin stórur um, at tað enn einaferð eydnaðist at vinna á havnar­ monnum í Klaksvík. Síðsti KÍ sigurin á heimavølli ímóti B36 var í 2008. Hóast KÍ síðani summarsteðgin hevur vunnið á heimavølli ímóti bæði HB og B36, so er kappingarárið ikki bjargað. Tað kann vera, at tað fer at kennast heilt gott, um tað eydnast at vinna í Runavík og í síðsta umfari á heima­vølli ímóti EB/Streymi. – Hóast vit fleiri ferðir fyrr í summ­ ar ikki hava tikið av, tá ið møguleikin at lyfta okkum fram á fjórða plássið hevur verið har, so ber tað framvegis til at kvalifisera okkum til altjóða fótbólt næsta summar. Tað er ikki bara upp til okkum sjálvar at gera av, men vit eru tilvitaðir um, at tað snýr seg um hart arbeiði, og at vit hava møguleika at vinna í Runavík. So fæst at síggja, hvussu tað fer at ganga hjá HB í Gøtu, sigur KÍ málverjin Meinhardt Joensen. Tølini siga, at tað er torført hjá KÍ á útivølli. Klaksvíkingar hava bara vunnið tveir av trettan útidystum. Fimm ferðir hava teir tapt, og seks ferðir hevur úrslitið verið javnleikur. Saml­aði málmunurin er 20-23. NSÍ hevur bestu endastøðuna síðani FM heitið í 2007 at stríðast fyri. LIÐ TÍÐINDI B36 HB Víkingur NSÍ EB/Streymur Fótbóltur Síðsta fótbóltssunnudagin í ár verður tað ivaleyst avgjørt, um tað verður HB ella KÍ, sum fær stóra fíggjarliga íkastið frá UEFA, og um FC Suðuroy framvegis skal hava møguleika at varðveita plássið í bestu deildini Upptakt til Effodeildina ítróttur 1,5 milliónir standa upp á spæl