hósdagur 24. september 2015síða 34

Vinnublaðið hjá miðlahúsinum September 2015 2 6 Vinnuframi Føroyskir íleggjarar mangla dirvi Tað er stórur mangul á váðafúsum kapitali í føroysku vinnuni. Føroyskir íleggjarir eru ov varnir, tá tað kemur til at stuðla íverksetarum, sigur Regin W. Dalsgarð Gunnar farin frá P/F Eik Banki hevur fingið nýggjan næst­ formann. Gunnar í Liða, sum hevur verið næstformaður, er farin frá. Innkomin í hansara stað er Jákup Egholm Hansen. Í nevndini í Eika Banka sita nú: Torben Henning Nielsen, Haslev Danmark, nevndarformaður Jákup Egholm Hansen, Tórshavn, næstformaður Ben Arabo, á Oyrareingjum, nevndarlimur Jørn Astrup Hansen, København, nevndarlimur Marion Sofie á Lakjuni, Klaksvík, nevndarlimur Gunnar í Liða, Noregi, nevndarlimur Margareth Hermansdóttir Dalheim Djurhuus, Syðrugøta, starvsfólkavalt umboð Magnus Emil Poulsen, Tórshavn, starvsfólkavalt umboð Kristian Østergaard, Tórshavn, starvsfólkavalt umboð Forstjóri er Súni Schwartz Jacobsen, Argir Nevna vinnuna 55 ferðir Orðið »vinna« er nevnt 55 ferðir í nýggja samgonguskjalinum og fylgiskjalinum millum Javnaðarflokkin, Tjóðveldi og Framsókn. Samgonguskjalið fyllir sjey síður og fylgi­ skjalið átta síður. Tilsaman er talan um 4.465, 525 linur og 191 reglubrot, har altso orðið »vinna« í ymsum samanhangum er nevnt 55 ferðir. Danjal av Rana Regin W. Dalsgarð er formaður í nevndini fyri Vinnuframa, sum skipaði fyri Creative Business Cup í Føroyum. Hann sigur, at í Vinnu­frama eru tey sera væl nøgd við tiltakið í ár. – Hetta er fyrstu ferð, vit skipa fyri Creative Business Cup í Føroyum. Føroysk umboð hava luttikið í altjóða finaluni fyrr, men tá hevur eingin undankapping verið, sigur hann. Hann greiðir frá, at Creative Business Cup er eitt slag av heims­meistara­ kapp­ing fyri kreativ virki, sum hava marknaðar­potentiali. – Í ár valdu vit at bjóða Hugskotinum í Tórshavn og Íverksetarahúsinum í Klaksvík at senda teirra bestu virki til kappingina, og tað eydnaðist stak væl, sigur hann. 10 ymisk virki luttóku og ein stutt lýsing av hvørjari er at lesa aðra staðni á síðuni. Regin W. Dalsgarð heldur at kappingin vísti, at føroyskir íverksetarar eru væl við. – Sjálvandi eru nøkur virki meiri búgvin enn onnur. Munurin á luttakarunum í ár var eisini stórur, har vóru heilt nýbyrjað virki, virki í vóru um at koma á marknaðin og eisini virki, sum hava verið á marknaðinum í longri tíð og onkur teirra hava vunnið líknandi kappingar aðra­staðni, sigur hann. Korini hjá íverksetarum at koma í gongd eru batnaði nógv seinastu árini. Hugskotið í Tórshavn og Íverksetarahúsið í Klaksvík veita holla vegleiðing í at taka fyrstu fetini, um­framt at Vinnuframi kann stuðla ávísum verk­ ætlanum. Trupulleikin er tó, tá virkini skulu vaksa seg størri og taka stigið út á marknaðin. Tá manglar ofta váðafúsur kapitalur, heldur Regin W. Dalsgarð. – Eg haldi, tað liggur væl fyri hjá virkjum at koma í gongd, men tá tíðin er komin at víðka um virksemi manglar ofta váðafúsur kapitalur. Føroyskir íleggjarar, serliga teir, sum í veruleikanum hava til endamáls at seta pening í slíkar vinnur, hava ikki dirvi at stuðla íverk­setarum, sigur Regin W. Dalsgarð, sum heldur, at fleiri av luttakandi virkjunum í Creative Business Cup Føroyar, kundu fingið stuðul úr almennum og privatum grunnum í Danmark. – Trupulleikin er kanska, at teir bíða eftir tí fyrstu sólskinssøguni. Privatir íleggjarar, sum onkrir av reiðarum okkara, hava tó víst stórt dirvi og stuðla nýggju virkjunum væl, men grunnar sum Framtak, Royndin og TF Holding av ymsum ávum halda seg aftur. Tó so, er hug­skotið gott, so fært tú eisini kapital, sigur hann. Regin W. Dalsgarð heldur, at íverksetara­ hugurin í Føroyum er vorðin betri seinastu árini. Í øðrum londum er tað ofta so, at tá fíggjar­kreppur raka, gerast fleiri íverksetarar, men hetta mynstrið síggja tey ikki í Føroyum. – Undir kreppuni fall talið á íverksetarum nakað, men í fjør settu vit met og aftur í ár fara vit at seta met í talið av umsóknum um stuðul úr Vinnuframa, sigur hann. Stuðulin, Vinnuframi veitir, er fyrst og fremst til menning av virkjum og vørum, men seinnu tíðina er grunnurin farin at leggja størri dent á at veita stuðul til at luttaka á sølu­mess­um uttanlands. – Vit royna at fáa virkini út at selja, og ikki bara sita heima og menna vøruna. Tað er, tá tú skalt selja vøruna, at tú veruliga sær, hvussu ítøkiligur áhugin fyri vøruni er. Vinnuframi hevur eina árliga játtan á fíggjar­lógini á 3,1 millión, men Regin W. Dalsgarð dylir ikki fyri, at játtanin skuldi verið hægri. – Vit fáa umsóknir inn fyri mangt slíkt og mugu tíverri ásanna, at tað eru góð hugskot, ið aldrin gerast veruleiki, tí at vit ikki kunnu stuðla. Meir um Creative Business Cup á síðu 12-13 Gunnar í Líða er farin frá sum næstformaður í Eik Nýggja samgongan nevnir orðið »Vinna« 55 ferðir samgonguskjalinum. Mynd: Álvur Haraldsen Útgevari: Sosialurin Ábyrgd: Eirikur Lindenskov eirikur@sosialurin.fo Prent: Prentmiðstøðin Lýsingar: Frida Mellemgaard lysing@sosialurin.fo tel. 231826 Snið og layout: Pætur Eyðunsson Jensen Myndir: Álvur Haraldsen o.o Vit royna at fáa virkini út at selja Regin W. Dalsgarð, formaður í nevndini fyri Vinnuframa. Savnsmynd