hósdagur 24. september 2015síða 40

Vinnublaðið hjá miðlahúsinum September 2015 8 6 Vinnudagurin skal seta fokus á góðu og sterku fyritøkurnar Vinnudagurin hevur til endamáls at inspirera og seta fokus á tær góðu søgurnar og tær góðu fyritøkurnar í vinnulívinum Árni Gregersen Vinnuhúsið og Føroya Arbeiðs­ gevara­felag standa aftanfyri vinnu­ dagin, sum seinastu mongu árini hevur verið ein afturvendandi dagur, har vinnan savnast. Upprunaliga var ætlanin sýna fram tað, sum av álvara gongur væl hjá føroysku vinnuni og á tann hátt eis­ini menna tann góða hugburðin í vinnuni. Og hetta er framvegis høvuðs­ enda­málið, umframt at hetta er ein dagur har vinnan savnast og tosar saman tvørtur um vanlig mørk. Her hittast vinnulívsfólk til samveru og til at hoyra nýtt úr vinnuni og hvat er á breddanum í vinnuni í øðrum lond­ um enn Føroyum. – Vit hava viðhvørt valt at hava tema, har vit hava lýst ávís evnir við fyrilestrum og kjaki, men hvørki í fjør ella í ár gera vit tað. Nú taka vit meira evnir fram, sum vit halda eru uppi í tíðini og sum hava áhuga hjá vinnuni beint nú, sigur Joan Gardar, sum er høvuðs­fyriskipari av vinnudegnum í ár. Skráin Føroyar verða ofta mettar sam­an við Noreg og tí hevur gongd­ in í norskum vinnulívi stór­an áhuga í Føroyum. Men í nógv ár hevur olju­ ídnaðurin fylt so ómetaliga nógv í norska sam­felagnum. So at siga allir undir­veit­arar hava verið við til at veita til olju­ídnaðin, sum hevur hildið gongd í stórum parti av norska vinnulívinum. Nú skerja oljufeløgini virk­ semi og tað er farið at ganga útyvir rest­ina av norska vinnu­ lív­inum. Tí verð­ur nógv gjørt við at tosa um, hvussu vinnu­ lívið skal fóta sær, nú inntøkur­ nar frá olju­vinnuni minkað. Kristin Skogen Lund frá Norska Arbeiðsgevarafelagnum fer tí at halda ein fyrilestur um, hvussu tað ber til at flyta seg frá at vera eitt olju­land og til eitt samfelag, sum noyðist at umstilla seg til ein annan veruleika. – Hetta er eitt evni, sum er sera við­komandi hjá okkum, tí føroyskt vinnulív hevur ofta havt fyri neyðini at umstilla seg til nýggjar veruleikar, sigur Joan Gardar. Í løtuni hava nógvar føroyskar fyri­tøkur lagt um og aðrar eru í ferð við at gera tað. Nógvar fyritøkur eru lagdar saman og aðrar eru vorðnar størri. Tað ger, at smærru fyri­tøk­ur­nar, sum van­liga eru undir­veit­arar, hava færri, men størri fyri­tøkur at veita til. Arbeiðspláss og fleiri fyritøkur Sjálvt um sjálvur vinnudagurin ikki hevur nakað tema í ár, so verður tó tosað nógv um, hvussu vit kunnu skapa fleiri før­oyskar fyritøkur og hvussu vit kunnu skapa fleiri ar­beiðs­ pláss í Føroyum. Rúnar Reistrup, sum er stjóri í Depop, fer at tosa um, hvussu vit kunnu fáa fleiri vakstrar­fyritøkur í Føroyum. Depop er ein fyritøka, sum hevur ment eitt forrit til fartelefonir, har til ber at selja og keypa uppá ein øðr­vísi máta. Íverksetaraandi er grundarlagið undir fyritøkuni, sum er serliga virkin í Stóra Bretlandi, men eisini í USA. Eitt annað stórt evni, sum verður tikið upp á vinnudegnum er, hvussu vit megna at skapa 1000 nýggj ar­ beiðs­pláss afturat í Føroyum. Í einum pallborði skulu Jón Sigurdson, stjóri í byggi­fyri­tøk­ uni Articon, Katrin Petersen, verk­ ætlanar­leiðari fyri vakstrar­ætlanina á Sandi og Jógvan Gregersen, stjóri á Vað­horn á Strondum, koma við boð­ um uppá, hvussu hetta kann gerast. Jesper Bo Jensen, fram­tíðar­ gransk­ari, fer eisini í einum fyrilestri at tekna eina mynd av, hvussu hann sær Før­oyar um 10 ár – altso í 2025. Hann fer at lýsa, hvussu hann sær arbeiðsmarknaðin og arbeiðslívið hjá føroyingum um 10 ár. – Við at spotta tað sum hendir aðra­staðni, so eigur hetta at gera okk­ara vinnu meira fyrireikaða til at taka tær avbjóðingar, sum vit vita, vit eis­ini fáa her í Føroyum, sigur Joan Gardar. post@sosialurin.fo – Hetta er eitt evni, sum er sera við­komandi hjá okkum, tí føroyskt vinnulív hevur ofta havt fyri neyð­ini at umstilla seg til nýggjar veruleikar, sigur Joan Gardar. Vit taka evnir fram, sum vit halda hevur áhuga hjá vinnuni beint nú