hósdagur 24. september 2015síða 44

Vinnublaðið hjá miðlahúsinum September 2015 12 6 Danjal av Rana – Vinnandi uppskotið rakti okkum beint í hjartað. Tað er einfalt og fer heilt víst at lætta um dagligdagin hjá brúkaranum, segði Marita Rasmus­ sen, tá hon kunngjørdi vinnaran av Creative Business Cup Føroyar, sum varð hildið í Vinnuframa í farnu viku. Vinnandi verkætlanin gjørdist forritið ClearComm, ið er eitt forrit, sum veitir tænastur til fólk við autismu. Skipanin er ein talgild dags­skrá og eitt samskiftisamboð, ið kann nýtast á stovnum og í heimum. Við at brúka eina myndaskrá kunnu for­eldur og hjálparfólk leggja dagin til rættis hjá einum brúkara og lætt­liga leggja fleiri dagar ella vikur til rættis í senn. ClearComm byggir á board­ makerskipanina, sum verður nógv nýtt í arbeiðinum við autismu. Men heldur enn at nýta pappírsmyndir, hevur ClearComm ment skipanina til teldu­øldina. Allar pappírsmyndirnar eru talgildar og nú kann snildfonin ella teldilin nýtast. Ein stovnur í Føroyum hevur nýtt forritið í menningini av verkætlanini, og tey líta væl at. Afturmeldingarnar frá stovninum eru, at skipanin er menn­andi fyri brúkaran, sum verður stimbraður at hugsa um aðrar møgu­ leikar, enn pappírsmyndirnar vístu og tískil oftari tekur sjálv­støðugar av­gerðir. ClearComm hevur verið á marknað­inum síðani januar í ár, men enn er talan í stóran mun um eina royndar­vøru. – Vit hava havt eina longri roynd­ ar­tíð við vøruni, og hon er enn í menn­ing, men øll kunnu keypa forritið. Útgávan vit hava er tann, sum stovnar nýta, men í løtuni menna vit eina útgávu til privatar kundar eisini, sigur Pól Andrias Larsen, ið er ein av mennarunum handan ClearComm. Mennararnir, fyritøkan Beak, sigur, at stórur áhugi er fyri forritinum. – Vit hava júst luttikið á autismu­ ráð­stevnuni í Norðurlanda­hús­inum og har vóru fleiri, sum vístu forritinum stóran áhuga, bæði privatpersónar og umboð fyri almennar stovnar, greiðir Pól Andrias Larsen frá. Fleiri tílík forrit eru á marknað­ inum, men kortini skilir ClearComm seg greitt út. Tað, sum serliga eyð­ kennir ClearComm í mun til kapp­ ingar­neytarnar, er møguleikin, ClearComm gevur brúkaranum at sam­skifta við onnur. Slóð­brótandi samskiftis­ amboð ClearComm gevur teimum, ið hava autismu, møguleikan at samskifta við tey, ið varða av teimum. Nú er skjótt klárt at taka forritið út í heim Veita.fo Veita.fo virkar sum bindilið millum veitara og útbjóðara. Hetta verður gjørt við, at útbjóðarin stovnar eina uppgávu, ið veitarar kunnu bjóða uppá. Veita.fo byrjaði sítt virksemi í mai 2015 og hevur í dag út við 240 útbjóðarar og 200 veitarar. 280 uppgávur eru stovnaðar. Enda­málið er, at útbjóðarin skal koma í beinleiðis samband við fleiri veitarar, samanbera tilboð og velja tann veitaran, ið hóskar út­bjóðaranum best. Torkil Jonsson, stovnari av veita.fo, sigur, at útbjóð­ ararnir hava tikið væl ímóti nýggju tænastuni, men tað tykist, sum veitarar hava ov mikið at gera, og tí ikki eru líka grammir eftir at geva tilboð. – Væntandi vera veitararnir ídnari brúkarar av tænastuni, tá teir hava minni at gera annars, sigur Torkil Jonsson. Green IQ GreenArc Aqua er ein avlúsingar­ loysn, sum Green IQ hevur ment saman við Bakkafrost. Lúsin er ein støðug hóttan móti laksa­vinn­uni og tað er greitt, at fyri at fram­hald­ andi hava eina góða laksavøru, má lúsin basast. GreenArc Aqua er ein skipan, sum skimmar lús av yvirflatuni, eftir at vatnið er viðgjørt við brint yvir iltu. Eftir at aliringurin er viðgjørdur við brint yvir iltu svíma lýsnar í umleið ein tíma og flotna. Tá er tað, at GreenArc Aqua samlar lýsnar, so tær kunnu beinast burtur. Skipanin, sum er framleidd í Føroy­um, er seld til Noregs, Skotlands, Hetlands og Írlands. Skipanin, sum minkar um tørvin á brint yvir iltu, kostar einans 4 pro­millu av tí, sum alifeløg nýttu á brint yvir iltu í fjør. Avbjóðingin hjá Green IQ er tó, at alivinnan er um at gev­ast við at nýta brint yvir iltu, og tí má ein onnur loysn finnast at fáa lýsnar at flotna. Leif Sørensen Leif Sørensen hevur seinasta árið arbeitt við at framleiða kips úr røstum fiski. Leif Sørensen sigur, at hann fekk hugskotið, meðan hann arbeiddi á Koks. Ræsti fiskurin gevur smakkin, meðan hann nýtir korn at binda við. Fiskurin og kornið verða kókað til greyt í eini grýtu. Síðani verður tað rullað flatt og turkað. Hann hevur higartil nýtt tosk, men umhugsar at skifta yvir til lodnu, sum er helvtar­ prísur samanborið við toskin. Leif Sørensen sigur, at hann má seljast 102.000 pakkar fyri at tað skal løna seg. Møguleikarnir fyri marknaðarføring eru stórir. Tað kann marknaðarførast bæði sum eksotisk víkingavøra, sum øko­ logisk vøra ella sum snack. Eisini vónar hann at selja smærri pakkar til hotellir, flogfeløg og barrir. Ætlanin er, at kipsini úr røstum fiski skulu vera á marknaðinum einnan eitt ár.Øverst på formularen Jobkit Jobkit er ein tímaskipan, ið er ser­liga tillagað smærri fyritøkum. Van­ligt er, at smærri fyritøkur van­ røkja skrivstovuarbeiðið, so sum at skriva niður tímar. Jobkit er eitt forrit á fartelefonini, sum ger tað einfaldari at halda skil á arbeiðs­ tímum, at taka myndir av arbeiði og at dokumentera ymiskt annað. Skipanin er løtt at brúka og sparir fyri­tøk­unum bæði tíð og pening, siga mennararnir, sum tó leggja dent á, at talan er um eina skipan til tímastýring og ikki bókhald og fakturering. Miðað verður móti at fáa roynt skipanina í arbeiðsumhvørvinum áðrenn jól. WaterFreez WaterFreez skal hjálpa okkum at drekka meiri vatn. Lykilin er at seta smakk til vatnið, við at koyra eitt hylki av frukt niður í vatnið. Soleiðis seyra vitaminir og mineralir frá fruktini út í vatnið. Fyrsta vøran hjá WaterFreez er ein brisk, sum er 1,5 litur. Í briskini er eitt hylki, har fruktin verður løgd í. – Royndir okkara vísa, at tað er skjótari at taka tvey gløs, tá vatnið smakkar væl, sigur Hans Fróði Hansen, sum stendur handan fyritøkuna. Um­framt ymiskar briskir, tað vil siga, vatnfløskur, veitir WaterFreez eisini ymiskar uppskriftir, uppskot til samanseting av fruktum, alt eftir tínum tørvi. – Onkur vil kanska hava eitt forfrískandi glas av vatni heldur enn kaffi um morgunin. Onkur annar hevur kanska tørv á detox eftir eitt hart vikuskifti. Vit hava upp­skriftirnar, sigur Hans Fróði Hansen. – Útgávan vit hava er tann, sum stovnar nýta, men í løtuni menna vit eina útgávu til privatar kundar eisini, sigur Pól Andrias Larsen, ið er ein av mennarunum handan ClearComm. Mynd: Vinnuframi Mynd: Vinnuframi