hósdagur 24. september 2015síða 45

Vinnublaðið hjá miðlahúsinum September 2015 13 6 – Tað finnast fleiri líknandi forrit, sum hava eina dagsskrá innibygda, men vit hava enn onga sæð, sum hev­ur bæði dagsskránna og møgu­ leikan at samskifta í sama forriti, sigur Pól Andrias Larsen. Hann greiðir frá, at ein av funkunum í ClearComm er, at brúkarin kann nýta somu myndur, sum verða nýttar til dags­skránna, at samskifta við tey, ið eru um hann. – Hann kennir myndirnar frá dags­skránni, men í ClearComm hevur hann møguleikan at trýsta seg fram til ávísar myndir, sum hann síð­ani kann vísa til dømis starvs­ fólkunum á stovninum. Hann kann trýsta á fruktirnar og síðani á eina ban­an, um hann vil biðja um eina ban­an. Hendan funkan sermerkir ClearComm, sigur Pól Andrias Larsen. Beak ætla sær eisini út um land­ oddarnar við ClearComm. – Vit hava nýtt Føroyar sum eitt royndarstað. Tað virkar væl, tí tað er so lætt at fáa afturmeldingar og at koma út til brúkaran, men tá forritið er ment víðari, fara vit at hyggja út um landoddarnar. Felagið hevur eisini góðar royndir at nýta ClearComm við fólkum, ið hava ADHD, sum ofta eisini hava ein tørv at fáa dagin tilrættalagdan sjón­liga. Næsta stig á leiðini er altjóða finalan í Creative Business Cup. – Komandi tíðina skulu vit menna hugskot okkara saman við Vinnu­frama, Hugskotinum og Íverk­ setara­húsinum og fyrireika okkum til altjóða finaluna í Creative Business Cup. Vit gleða okkum at vísa okkara vøru fyri altjóða dómarunum, sum eru væl kendir innan vinnuna, og ikki minst fyri teimum investorum, ið fylgja við kappingini. Hetta verður ein góður sýnisgluggi hjá okkum, sigur Pól Andrias Larsen. Tað eru Pól Andrias Larsen, Levi á Torkilsheyggi og Virgar Poulsen, ið mynda fyritøkuna Beak, ið hava ment ClearComm. danjal@sosialurin.fo Vinnandi uppskotið er einfalt og fer heilt víst at lætta um dagligdagin hjá brúkaranum Gravity Jumper Gravity Jumper er eitt spæl til snildfonir, teldlar og Facebook. Í leitanini eftir einum nýggjum heimi til Gravity Jumper sleppur spælarin at royna atdráttarmegina á ein annarleiðis og stuttligan hátt, har ið, tú hoppar frá planet til planet, og má ansa eftir ymsum forðingum. Spælið er lætt og skjótt at læra og stuttligt at spæla. Málbólkurin eru fólk millum 13 og 30 ár, men spælið er barnavinarligt, so yngri børn kunnu eisini spæla tað. Grund­kjarnin í spælinum er atdráttar­megin. Tá tú loypir frá planet til planet, mást tú taka atlit at atdráttar­megini. Jú størri planetin er, jú sterkari er atdráttar­ megin. Spælið verður at fáa á bæði android og apple. Defined Energy Defined Energy er felagið, sum hevur ment hitaskipanina í svimji­ høllini í Gundadali. Hitaskipanin endurnýtir hitan frá spillvatninum frá brúsunum til at hita nýggja vatnið. Hugskotið kom ein morgunin, tá mamma Hera Schwartz Jacobsen bað hann ikki standa so leingi undir brúsuni. Hann byrjaði tá at hugsa um, hvussu hann kundi endurnýta spill­vatnið. Skipanin, sum Defined Energy hevur ment, gevur eina mun­andi orkusparing, upp í 55 prosent, umframt at tað minkar um koltvíiltu­útlátið. Umframt at menna eina skipan til svimjihøllir og aðrar størri bygningar, ætlar Defined Energy eisini at menna eina minni skipan til privat húsarhald. Mett verður, at marknaðurin fyri eini tílík­ari loysn er sera stórur, bæði í norður­londum og annars í Evropa. Time Cloud Timecloud.eu er ein sjálvvirkandi skipan, ið skrásetir tíðar- og arbeiðs­viðurskiftini millum starvs­ fólk og arbeiðsgevara. Heldur enn at starvsfólk mugu stempla inn og út av arbeiðsplássinum, kunnu arbeiðsplássini fáa sær Time Cloud skipanina, sum lesir, um starvsfólkini eru á arbeiðs­ plássinum ella ikki. Eisini ber til at lata skipanina lesa, í hvørjum rúmum starvsfólkini eru og so­ leiðis rokna út, um tey munnu vera á fundi, á skrivstovu síni ella annað. Enda­málið er at gera tað lættari at hava eitt yvirlit yvir starvsfólkini, hvørji eru til arbeiðis, hvørji hava frí, hvørji eru sjúk og so framvegis. Skipanin kann eisini senda eini boð til starvsfólkið, við eini áheitan um at boða frá, hvar tey eru. Samstundis kunnu starvsfólkini eisini stempla inn umvegis fartelefon sína, um tey eru til arbeiðis, men ikki á arbeiðs­ plássinum. Skipanin er til smá sum stór virkir, ið vilja hava eina álítandi skipan uttan størri uppsetan. Splay Splay er ein sokkur mentur til teirra, ið hava slættil. Sokkurin hevur eitt innlegg, ið styðjar upp­ undir svangboðan í fótinum hjá tí, sum er í honum, og hjálpir við­kom­ andi at ganga rætt. Hetta fyribyrgir øðrum skaðum, so sum knæ- og rygg­skaðum. Mett verður, at millum 20 og 30 prosent av fólk­unum líða av slættil í størri og minni mun og einasta loysnin er at ganga í ortopediskum skóm. Eitt toymi av ungum kvinnum metti ikki hesa loysnina verða nóg góða, og hava tí ment sokkin Splay. – Orto­pediskir skógvar eru ofta ikki millum teir vakrastu, men við Splay kunnu fólk við slættil ganga í teimum skóm, tey hava hug.   ClearComm ClearComm er ein talgild dagsskrá og samskiftisamboð fyri tey, ið hava autismu. Við at brúka eina mynda­skrá kunnu foreldur og hjálparfólk lættliga tilrættis leggja dagin hjá tí einstaka. Tað er sera vanligt at nýta smáar myndir, so­kallaði piktogram, ið sam­ skift­inum við fólk við autismu, og tá dagligdagur teirra skal skipast. Pikto­grammini taka tó nógv pláss og er til dømis sera óhøgligt, tá farið verður í býin. ClearComm hevur stutt sagt ment eina talgilda útgávu av pikto­ gramm­unum. Soleiðis er ikki neyð­ ugt at ganga í býnum við einum stórum lyklatyssi av pikto­gramm­ um, sum onkuntíð verður gjørt, tá fólk við autismu eru í býnum við teirra stuðlum. Nú er nokk at hava tele­fonina við sær fyri at samskifta síná­millum. Á Creative Business Cup Føroyar fekk hugskotið Splay eisini serliga viðurkenning frá dómarunum. Mynd: Vinnuframi