mánadagur 28. september 2015síða 31

31 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 28. september 2015 · Nr. 111 ítróttur Tróndur Arge Hilmar Jan Hansen Heri Simonsen Jóannes Hansen Pætur Albinus Álvur Haraldsen André Olsen Teitur Joensen Neli Heldarskarð Pætur E. Jensen Feløgini togast og politikkararnir lova. Fyri vetrarítróttirnar í høvuðsstaðnum er heilt grundleggjandi málið tó, at fleiri hallartímar kunnu útvegast Tað merkist, at kommunuvalið so smátt fer at nærkast. Talan verður um valár í næstum, og í høvuðs­staðnum tykist eitt av egningarmálunum vera hallarumstøðurnar hjá vetrarítróttini. Seinnu árini hava fleiri meira og minni góð hug­ skot verið frammi um, hvussu farast skal fram við hallarútbyggingum. Víðkan av høllini á Hálsi, víðkan av Gundadalshøllini, nýggj høll á Argjum, nýggj høll í Vesturbýnum o.s.fr. Jú, lyftini tróta ikki, men meðan togast verður aftur og fram, og meðan politikkararnir kropp á kroppi koma við sínum boðum, stendur bara við og versnar hjá ymsu feløgunum. Tíbetur síggja vit eitt blómandi ungdómsarbeiði í teimum allarflestu feløgunum. Eitt arbeiði, sum tað næstan ikki ber til at virðismeta nóg høgt, um vit taka kropsliga vælveru eins og ansing, uppaling av ungum fólki við í roknistykkið. Hesi hava veruliga uppiborið best hugsandi karmar, men tað er tó langt eftir á mál hesum við­ víkjandi. Feløgini eru mest sum í innanhýsis stríði um at kradda sær hallartímar, so feløgini so dánt kunnu halda ungdómunum til við venjingum. Ofta er bara rúm fyri tí einu venjingini um vikuna hjá yngstu liðunum, og tað er alt ov lítið, um ein verulig menning skal fara fram. Hallirnar í Hoyvík og Kollafirði eru sjávlandi ein bati, men hesar eru langt ífrá nóg mikið. Skal vetrar­ ítróttin í høvuðsstaðnum mennast, skulu nýggjar hallir til, og tær skulu koma skjótt. Ráðini eru tí eittans. Takið tær hallarætlanir, sum fyriliggja, fram úr skuffunum. Hyggi eftir, hvør kann gerast skjótast og kanska enntá bíligast, og setið so sjøtul á. Verandi togan millum feløgini og seráhugamál hjá ymsu politikkarunum kunnu skjótt enda sum ein vanlukka fyri ítróttina. Fleiri hallir NÚ! www.b36.fo: Gassið tykist vera fari eitt sindur av ballónini, nú gullið er heima. Men vit hildu í dag fast um støðuna sum ósigraðir á heimavølli www.hb.fo: Tá hugsað verður um, at vit eru í harðari kapping um 4. plássið og munandi peningaupphædd frá UEFA, er tað hugstoytt at síggja menn vera so lítið klárar við dystarbyrjan. www.nordlysid.fo: StÍF var betra liðið, tá tær í dag vitjaðu Stjørnuna. Úrslitið gjørdist 24-20 til... www.tb.fo: Kofi Appiah er eitt navn, sum hevur verið á mongum tungum í seinastuni, tí talan hevur verið um drúgva viðgerð við at tryggja honum arbeiðs- og uppihaldsloyvið. Loksins er tað so komið undir land www.sudurras.fo: Hvat Jón Pauli Olsen, venjari, hevur sagt við sínar leikarar í hálvleikinum er ikki greitt, men FC Suðuroy leikararnir komu út til seinna hálvleik við einum øgiligum stríðsvilja www.h71.fo: Hetta var ikki nakar góður dystur, og vit kunnu bert fegnast, at tey tvey stigini lógu eftir í Hoyvík. Ítróttar klumman Jákup Mørk Betraði metið við hálvumtriðja sekundi Signhild Joensen úr Ægir setti nýtt føroyskt juniormet í 200 metra ryggsvimjing leygardagin á SuSvim Open í Vági Danjal av Rana Hon átti sjálv gamla junior­ metið, sum var 2:18.17 frá Føroya Meistarastevnuni í mai, men í Vági knústi hon hetta metið og kom á mál við tíðini 2:15.64, hálvttriðja sek­und skjótari. Hon nærkast tí av álvara føroyska metinum hjá Elspu Mørkøre. Hon svam tein­in upp á 2:15.15 í donsku meist­ ara­stevnuni á stuttgeil í 2007. Sambært svimjing.com stóð Ægir seg best sum felag á Susvim Open. Felagið vann flestar gull, 15, og flestar medaljur tilsamans, 34, harav 5 silvur og 14 bronsu. Susvim vann 12 gull, 12 silvur og 6 bronsu, 30 tilsamans, meðan Havnar Svimjifelag vann 5 gull, 15 silvur og 12 bronsu. Tríggir svimjarar vunnu fimm gullheiðursmerki. Sára R. Nysted vann fimm gull og fýra silvur, Róland Toftum vann fimm gull, tvær silvur og eina bronsu, meðan Alvi Hjelm vann fimm gull, eina silvur og eina bronsu. Sára R. Nysted og Óli Mortensen vunnu flest heiðurs­merki, nýggju hvør. Óli vann fýra gull, fýra silvur og eina bronsu. Hetta var allarhelst sein­astu ferð, at kappast var í svimjihylinum í skúlanum í Vági. Pálshøll opnaði fyri stutt­um og 11. til 13. mars næsta ár verður skipað fyri FM í langgeil í Vági. Vænt­andi fer SuSvim Open eisini at verða hildið í Pálshøll fram­yvir. danjal@sosialurin.fo Heimasíðurnar skriva: Mynd: Signhild Joensen