mánadagur 28. september 2015síða 30

Mánadagur 28. september 2015 · Nr. 111 30 Sosialurin Hugskot og viðmerkingar – send sms til 225000 ítróttur Ársins spælarar skulu heiðrast Sunnukvøldið 4. oktober verður serlig fótbóltssending, har ársins spælarar skulu finnast hjá bæði monnum og kvinnum Mynd: Álvur Haraldsen Tróndur Arge Sum siður er, so fer Miðla­ hús­ið at aftur í ár at skipa fyri, at ársins spælari verður vald­ur hjá bæði kvinnum og monn­um í bestu deildini í føroyskum fótbólti. Hetta verður gjørt í samstarvi við Fót­bólts­sambandið. Tað verða venjarar, liðskiparar og ítróttar­tíðindafólk, sum at­kvøða. Tiltakið verður sunnu­ kvøld­ið 4. oktober klokkan 19.00 í Perluni, har Rás2 fer at hava beinleiðis sending. Hetta er eitt afturvendandi til­tak, sum Miðlahúsið hevur skip­að fyri. Talan er um ikki færri enn 20 heiðurslønir, sum skulu latast teimum bestu í føroyskum fótbólti. 20 heiðurslønir Eins og hini árini, so verður talan um 20 heiðurslønir, har tíggju eru til menninar og tíggju til kvinnurnar. Fyrst og fremst, so skulu ársins spælarar finnast. Umframt tað, so verður ársins málverji, ársins verjuspælari, ársins mið­vallari, ársins áleypari, ársins ungi spælari, ársins dómari og eisini ársins venj­ ari kosin. Afturat hesum, so skal ársins lið eisini finnast. Heitið »Ársins ungi spælari« var á fyrsta sinni í 2013. Hetta kom í staðin fyri »Ársins stjørnuskot«, sum var ov torført at definera. Ein ungur spælari er ein, sum hevur U21 landsliðsaldur. Atkvøðurnar inn undan seinasta umfar Tíðarfreistin hesa ferð ger, at atkvøðurnar verður heint­ aðar inn undan seinasta um­fari í landskappingini. Til­takið verður dagin eftir, at lands­kappingin er endað. Tí er neyðugt, at heinta at­ kvøður­nar undan seinasta leik­degi. Hetta er ikki optimal, men ein avleiðing av, at lands­ dystir eru eftir kapp­ingar­ enda. Í fjør var tiltakið 21. november, og tá vóru fleiri av spæl­arunum burtur­stadd­ ir. Tí hava vit á hesum sinni valt, at hava tiltakið dagin eftir seinasta dyst, so allir spæl­arar hava ein møgu­ leikan at vera til staðar. Ársins lið aftur í 4-4-2 uppstilling Tað er mangan torført at greiða allar fløkjurnar í sam­band við ársins lið. Í fjør vóru nakrar tillagingar gjørdar í mun til ársin lið í 2013. Atkvøðurnar, sum verða lætnar til ársins spæl­ arar, eru eisini við til at mynda ársins lið. Tað verða ítróttar­skrivararnir hjá Miðla­húsinum, sum seta liðið. Hetta verður gjørt við stórum atliti til, hvussu at­ kvøtt hevur verið um ársins spælarar. í 2013 varð liðið stillað upp í 4-3-3 uppstilling. Her vístu fleiri fótbóltsáhugað á, at rættari og lættari hevði verið at sett liðið upp í 4-4-2. Hetta gevur millum annað greiðan skilna millum miðvallarar, vengir og áleyparar. Hesum leist­inum halda vit fram við. Kunngera atkvøðurnar Fyri at skapa mest møguligt gjøgnum­skygni, so tók Miðlahúsið stig til, at allar at­kvøður­nar blivu almanna­ kunn­gjørdar mánadagin eftir tiltakið. Hetta bleiv gjørt fyri at skapa mest møgu­ligt gjøgnumskygni. Hetta er púra vanligt, tá FIFA Ballon d’Or verður handað besta spælara í heiminum. Her var afturmeldingin somu­leiðis góð frá fótbólts­ bak­land­inum. Tó verða atkvøðurnar til ársins dómara ikki kunn­ gjørdar. Hetta er eftir ynski frá spælarum og venjarum, fyri ikki at skapa óneyðugt kjak um dómarar, sum til tíðir kann blíva býttisligt og primitivt. Atkvøðurnar verða kunn­gjørdar í Sosialinum, sum kemur út mánadagin um eina viku. Feilteljing í fjør Í fjør kom tað fyri, sum ikki mátti henda. Ein atkvøðu­ seðil var taldur á høvdinum. Tá viðkomandi spælari gjørdi vart við seg, varð úrs­ litið, at ársins spælari hjá monn­um bleiv ein annar. Í ár verða fyrilit tikin fyri, at tað ikki skal kunna henda aftur. Bæði hvussu atkvøðu­ seðlin sær út, og at talan verð­ur um tvær fínteljingar. Velja 1, 2 og 3 Eins og í fjør, verða stig givin fyri hvørja atkvøðu. Numm­ ar eitt fær 5 stig, nummar tvey fær 3, meðan nummar trý fær 1 stig. Síðani verða stigini tald saman. Venjarar og spælarar kunnu ikki at­ kvøða fyri teirra egna liði. trondur@sosialurin.fo Atkvøðast skal til: Ársins spælari Ársins ungi spælari (Spælari við U21-aldri) Ársins málverji Ársins verjuspælari Ársins miðvallari (íroknað vengur) Ársins áleypari Ársins venjari Ársins dómari Ársins lið fótbóltur