mánadagur 5. oktober 2015síða 19

19 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 5. oktober 2015 · Nr. 114 ítróttur fótbóltur Gunnar ársins spælari Gunnar Nielsen er tvífaldur ársins spælari í Stjarnuni, TB fær hollendskan venjara, Jógavn Martin skal venja ÍF, HB skal hava pengar fyri ein AB’ara, sum hevur skiftur til B36, og útisetarnir klára seg væl Tróndur Arge Gunnar Nielsen, lands­liðs­ mál­verji hevur fingið tví­ faldan heiður, nú íslendska landskappingin endaði ígjár. Hann hevur fingið heiðurin, sum ársins spælari hjá lið­ feløg­unum, og so er hann har­umframt valdur til ársins spælara í felagnum. Gunnar sigur í stuttari viðmerking, at hetta var ein fínur máti at enda kappingini við. Stjarn­ an endaði annars á einum fjórða plássi í pepsideildini 2015. Hollenskur venjari til TB Sum in.fo herfyri kundi boða frá, so fór Páll H. Guðlaugs­ son ikki at halda fram sum venj­ari hjá TB eftir hetta kapp­ingarárið. Tíðindini blivu um vikuskiftið váttaði, tí TB hevur nevniliga á heima­síðuni kunngjørt hvør nýggi venjarin er. Talan er um hollendska Robert F. Roelofsen. Hann er 45 ára gamal og hevur sein­ ast starvast sum U23-venj­ari hjá týska FC Hansa Rostock, har hann eisini var hjálpar­ venj­ari á besta lið­num. Hann hevur eisini royndir frá Bundesliguni, har hann í 2006/2007 var hjálparvenjari hjá VfL Wolfsburg. Fyri góðum 10 árum síðani var hann venjari hjá U17- liðnum hjá Hansa Rostock, og var hann tá venjari hjá eitt nú navn­frama Toni Kroos. Tey trý árini áðrenn hann kom aftur til Hansa Rostock í januar í fjør, hevði hann roynt seg sum venjari hjá Bintang Medan í Indonesia og ung­dóms­venjari hjá Al Ahly Tripoli í Libya. Jógvan Martin venjari hjá ÍF Aleksandar Jovevic og ÍF fóru hvør til sítt eftir ivasama gongd hetta kappingarárið, og seinastu umførini var tað Jákup Mikkelsen, sum fyri­ bils tók um róðrið. Nú er greitt, at tað verð­ur fyrrverandi lands­liðs­venj­ arin, Jógvan Martin Olsen, sum næsta kappingarár skal standa á odda fyri ÍF. Jógvan Martin Olsen hevði ein steðg frá fótbólt­ inum í ár, men hevur drúgvar royndir sum venjari hjá LÍF, B68, NSÍ og Víkingi, umframt at hann árini 2006 til 2008 var føroyskur landsliðsvenjari. HB skal hava pengar fyri Jógvan Ein innanhýsis avtala mill­ um HB og AB ger, at B36 helst skal gjalda 32.000 krónur, fyri at fáa Jógvan Skeel Nolsøe í hópin til komandi kapp­ingarár. Talan er um eitt so­kallað uppalingsgjald, sum Fót­ bólts­sambandið álegg­ur feløgunum at gjalda fyri spælarar, sum eru upp­ vaksn­ir í øðrum feløg­unum. Tá Jógvan Skeel Nolsøe á sinni skifti til AB frá HB, gjørdi feløgini eina inanhýsis avtalu. Hon innibar, at AB ikki skuldi gjalda upp­alingar­ peng­ar til HB, men at spæli­ loyvið fellur aftur til HB, tá Jógvan Skeel Nolsøe ikki heldur fram í AB. Bæði Sjúrður Olsen, for­ maður í FC Argir, og Virgar Hvidbro, aðalskrivari í FSF, vátta at HB hevur rætt til uppalingspengar. – Tað er rætt, at HB, AB og Jógvan Skeel Nolsøe hava skrivað undir eitt skjal, har spæliloyvið fellur aftur til HB fyrst. Tí kann HB krevja uppalingspengar fyri Jógvan, sigur Virgar Hvidbro, aðal­skrivari í fótbólts­sam­ bandinum. Sambært reglugerðini, so hevur eitt felag rætt til 5.000,- krónur fyri hvørt ár, sum spælarin hevur spælt í felagnum, frá tí hann er 12 til 21 ár. Jógvan Skeel Nolsøe hevur spælt í HB frá tí hann var 12 til 21. Tí hevði HB rætt at krevja AB eftir 50.000 krónum, tá Jógavn Skeel Nolsøe í 2013 skifti út á Argir. Nú fram­ herjin er fyltur 23 ár, so HB hevur rætt at krevja B36 eftir 32.000,- krónum, tí tá spæl­ arin er fyltur 23, so kann eitt felag krevja tveir triðingar av fullu upp­hæddini. Rene og Hallur á uppflytingarkós Bæði René Shaki Joensen og Hallur Hansson vóru á vøll­inum, tá Vendsyssel í næst­bestu fótbóltsdeildini á heima­vølli um vikuskiftið vann 1-0 á Roskilde í Hjørring. Nicolas Bøgild skoraði sigursmálið í 54. minutti. Sam­bært blaðnum Nord­ jyske hevði Hallur Hansson eitt gott langskot, og René Shaki Joensen hevði eisini eina minn­iliga detalju í dyst­ inum. Sigurin merkir, at Vend­ syssel er á odda í næst­bestu fótbóltsdeildini saman við Lyngby við 22 stigum. Vejle tapti Vejle tapti í gjár 1-0 ímóti HB Køge á heimavølli, og er liðið hjá Jóan Símuni Edmunds­ syni og Viljormi Davidsen við 18 stigum á stigatalvuni fýra stig frá oddinum. Jóan Símun fekk gult kort í dyst­ inum ímóti HB Køge. 14. oktober verður føroy­ inga­uppgerð, tí tá møtast Fredericia, liðið hjá Rógva Bald­vinsson og Vejle í Fredericia. Rógvi sat á beink­ inum allan dystin, tá Horsens og Fredericia spældu javnleik 1-1 í Horsens. Fredericia er nummar fimm í næstbestu donsku fót­bóltsdeildini við 17 stigum. trondur@sosialurin.fo