týsdagur 6. oktober 2015síða 30

Mikudagur 7. oktober 2015 · Nr. 115 30 Sosialurin Hugskot og viðmerkingar – send sms til 225000 ítróttur Føroyar fáa stig í Ungarn Fyri Andras Gango úr Ungarn, hevur landsdysturin hjá Føroyum hóskvøldið heilt serligan týdning. Andras Gango er upprunaliga úr Ungarn, men hevur seinastu tíggju árini búð í Føroyum, har hann í dag tosar føroyskt. Gango ivast ikki í, at Føroyar fáa stig í landsdystinum móti Ungarn hóskvøldið André Olsen Í føroyska ferðalagnum sum mánakvøldið er á veg til Budapest í Ungarn, situr ein ferðandi við heilt serligum kenslum. Meðan flogfarið ger seg til reiðar at lenda á flog­ vøll­inum í Budapest, sigur Andras Gango á sínum heilt eyð­kenda føroyska málið, at hetta er nakað heilt serligt. Tá hann fyri einum mánað síð­ani var og hugdi eftir føroyska landsliðnum spæla í Finnlandi, var kenslan ikki nakað serlig. Tað var sum ein annar landsdystur fyri Gango. Men nú tá føroyska ferða­lagið skal lenda í Buda­ pest, er kenslan ein heilt onnur. Andras Gango merkir hvussu hjarta pumpar og hetta vekjur nógvar kenslur. Hann greiðir frá at kenslan hjá honum er nógv størri enn hjá øðrum áskoðarum í ferða­lagnum, tí nú skal før­ oyska landsliðið fyri fyrstu ferð spæla í sínum heim­ landið. Andras Gango er nevniliga føddur og uppvaksin í Ung­ arn. Hann kom til Føroy­ ar at spæla fótbólt í 2006, og hevur síðani av álvara rót­fest seg í føroyska sam­ felag­num. Andras Gango tosar føroyskt, og er í dag ein kendur fótbóltsspælari í Føroyum, sum samstundis eis­ini hevur arbeitt nógv sum handils­maður í Eysturoynni. Fótbólturin í Ungarn í stórari framgongd Hálvtóma flogfarið úr Føroy­ um lendir síðani í øllum góðum í Budapest, har vit so seta Andrasi Gango stevnu. Vit spyrja Andras Gango fyrst, hvussu tað ber til at eitt land sum Ungarn, sum fyrr hevði so stóltar fót­bólts­ traditiónir, nú er blivin ein so lítil fótbóltstjóð í Evropa. Andras Gango svarar, at seinastu ferð at Ungarn lut­ tók í einum endaspælið var til HM í 1986. Síðani hevur tað bara gingið ein veg hjá Ungarn, sum er beint niður. Ávís viðurskiftir hava spælt inn, at gongdin hevur verið so keðilig. Hann sigur at tað krevur eina longri forkláring, sum hann og aðrir ungverjar væl kunnu brúka ein heilan dag til. Hann vísir tó á, at fram­ gongdin hesi seinastu árini hevur verið stór í ung­versk­ um fótbólti. Landið er nú á eggini til at spæla seg til eitt endaspæl aftur, sum er fyrsta ferðin síðani 1986. Har­um­framt hevur eitt stórt ar­beiði verið gjørt í Ungarn tey seinnu árini, fyri at fóta fót­bólt­inum aftur. Millum annað eru nógvir nýggir fót­ bóltsskúlar settir á stovn, um­framt at nógvir nýggir leik­vøllir eru bygdir. Úrslitini tala eisini fyri seg, og í løtuni er Ungarn ein fótbóltstjóð, sum er í stórari framgongd. Ungarn hevur framt venjaraskifti Andras Gango leggur tó dent á, at tað føroyska liðið hevur góð­ar møguleikar móti Ungarn hóskvøldið. Í mun til dystin á Tórsvølli fyri einum ári síðani, hevur Ungarn framt eitt venjaraskifti. Tað skifti kom ikki orsakað av vána­ligum úrslitum, men av tí at fyrrverandi venj­arin, Pál Dárdai, eisini er venj­ari hjá týska felagnum Hertha Berlin. Hjá honum bar ikki til at hava bæði størvini, og tí noyddist Ungarn at finna ein nýggjan lands­liðs­ venjara. Nýggi landsliðs­ venj­arin er týskari, og eitur Bernd Storck. Hann hevur áður starvast sum ung­dóms­ lands­liðvenjari hjá Ungarn. Gango sigur tó, at fót­bólts­ hug­sjónin hjá báðum venj­ ar­unum er lík, og at Ungarn fram­vegis arbeiðir við tí sama konseptinum og sama stíl­inum at spæla fótbólt uppá. Trýr uppá stig til Føroyar Tá vit at enda spyrja Andras Gango, hvat endaliga úrs­ litið av dystinum millum Før­oyar og Ungarn fer at vera hóskvøldið, er Andras Gango ikki í iva. Dysturin endar við 1-1 javnleiki, og so leggur hann afturat, at øll tey føroysku ferðandi mugu minnast til at royna ung­ verskt gullasch, sum er eitt av kendastu brandunum hjá Ungarn. andre@sosialurin.fo Andras Gango landsliðið fótbóltur VEIKLEIKAR HJÁ UNGARN Ungverski, Andras Gango, spælir til dagliga fyri NSÍ í Føroyum, har hann er mál­ verji. Andras Gango kom til Føroyar í 2006, tá ÍF heintaði ungverska málverjan. Hann hevur síðani av álvara rót­ fest seg í føroyska sam­felag­ num, har hann í dag tosar føroyskt. Umframt ÍF og NSÍ, hevur Andras Gango eisini um­boða feløgini KÍ, EB/ Streym og 07 Vestur. Andras Gango var í 2010 valdur til ársins málverja í føroyskum fótbólti, tá hann spældi við NSÍ. Harumframt hevur Andras Gango eisini verið mál­mansvenjari á føroyska U-21 landsliðnum seinastu nógvu árini. Fyri Andras Gango hevur landsdysturin ímóti Ungarn í Budapest hóskvøldið tí heilt serligan týdning. andre@sosialurin.fo András Gángó (02-03-1984) Ungarn er eitt lið sum ofta knekkar, tá nógv stendur á. Tað vísir seg ofta, at tá dystirnir eru tættir, so koppar tað tann øvuta vegin fyri Ungarn. Tí er umráðandi at føroysku leikararnir alla tíðina trúgva uppá møguleikan, og spæla fyri honum. Serliga um dysturin framvegis stend­ur á jøvnum mið­ skeiðis í seinna hálvleiki.