týsdagur 6. oktober 2015síða 29

29 Mikudagur 12. februar 2014 · Nr. 18 Sosialurin Hugskot og viðmerkingar – send sms til 225000 Mikudagur 7. oktober 2015 · Nr. 115 ítróttur Tróndur Arge – Budapest Føroyska landsliðið er komið leiðina fram til ungarska høvðus­staðin. Í ferðalagnum restaðu Brandur H. Olsen, Hallur Hansson og Fróði Benjaminsen í. Teir hava allir leik­bann til hendan dystin, men verða tøkir til dystin móti Rumenia sunnukvøldið á Tórsvølli. Í gjár var venjing á søgu­ liga Ferenc Puskás leik­vøll­ inum í Budapest. Hetta var fyrsta venjingin hjá A-lands­ liðnum til hendan dystin. Stórur spenningur er um, hvussu Lars Olsen blandar kortini hesa ferð, tá tríggir so týðandi spælarar ikki eru tøkir. Fyrsta venjingin gav ábend­ingar um, at helst verða fleiri broytingar enn tær tríggjar, sum Lars Olsen er tving­aður at gera. Lars vil lítið siga Hóast venjingin gav nógvar ábendingar um hvat Lars Olsen hugsar til dystin móti Ungarn, so vildi hann ikki siga tað stóra. Hann avdúkaði, at hann hevði tikið avgerð um sjey ella átta pláss á vøllinum, men at hann hevði nógv at hugsa um til hendan dystin. – Hetta er ein av teimum dyst­unum, har eg havi havt mest at hugsa um. Vit hava fleiri pláss, har nýggir spæl­ arar skulu inn. Eg havi nokk tikið avgerð um sjey ella átta pláss á vøllinum. So nú má eg líka hugsa um undan venjingini í morgin, sigur Lars Olsen. Gunnar við ísposa Gunnar Nielsen var eftir kapp­ingarenda í Íslandi kosin til ársins spælara av bæði áskoðarunum og spæl­ ar­unum. Tí er lítið at ivast í, at Gunnar Nielsen stendur í mál. Tó verður hildið eyga við málverjanum, sum mátti gevast til venjing í gjár. Hann strekti seg nakað langt í bóltspæli og fekk ilt í lærið. Gunnar gavst at venja og fekk ísposa á. Fyribils bend­ir einki á, at Gunnar er iva­samur til dystin. Viljormur í verjuna Alt bendir á, at spælarin utt­an felag síðani summar, Sonni Ragnar Nattestad, byrjar inni. Meiri ivasamt er, um Viljormur Davidsen byrj­ ar inni á vinstra bakki. Hann hevur verið skaddur í longri tíð. – Eg ivist ikki so nógv í Sonna Ragnar. Hann tók av møgu­leikanum seinast, men støð­an hjá honum er ikki hald­bar, greiðir Lars Olsen frá, og sigur víðari. Viljormur Davidsen hev­ ur hesa ferð fingið sama møguleika, sum vit góvu Sonna Ragnar seinast. Merkja vit, at alt ikki er sum tað skal, so spælir hann ikki, sig­ur landsliðsvenjarin. Lars Olsen viðgongur eis­ ini, at hann leggur nógv fyri at fáa Viljorm Davidsen við, tí hann hevur ongan annan upp­lagan vinstra bakk. Atli Gregersen og Jónas Tór Næs eru sjálvskrivaðir í verjuketuni til hesar kom­ andi dystirnir. Atli Gregersen bleiv útskiftur í hálvleikinum í seinasta umfarinum í Effo- deildini við knæskaða. Tað er tó ikki ein trupulleiki, og hann vandi alla venjingina í gjár. Nýggjur miðvøllur Størsti spenningurin er um miðvøllin. Brandur, Hallur og Fróði eru allir úti. Venjingin gav ábendingar um, at tað verða Rógvi Baldvinsson, Sølvi Vatnhamar og Róaldur Jakobsen, sum koma at manna miðvøllin. Tað merk­ ir, at Sølvi Vatnhamar verð­ ur fluttur av høgra vongi inn mitt á miðjuna, með­an Róaldur Jakobsen helst verð­ ur tann fremsti av teim­um trim­um. – Eg kann ikki avdúka júst hvat eg hugsi, men Sølvi Vatn­hamar spælir vanligt á mið­vøllinum hjá Víkingi, so tað er natúrligt at hyggja uppá tann møguleikan, sigur Lars Olsen. Hetta gevur ein øðrvísi samanseting á miðvøllin, sum nokk eisini sæst aftur á nýggju vengurunum – meiri um tað seinni. Hinir møguleikarnir eru Odmar Færø á verjukenda miðvøllin, Christian L. Holst á framrættaða mið­vøll­in og at Klæmint A. Olsen fær møgu­leikan í álop­inum, með­ an Jóan Símun Edmunds­son verður flutt­ur aftur á fram­ rættaða mið­vøllin. Ein leik­ lutur hann røkir í Vejle. Kaj og René á vengrunum Av tí at Sølvi helst endar á mið­vøllinum, so skal nýggjur maður á høgra vong. Nógv bendir á, at tað verður René S. Joensen. Hann er í holt við at fáa sítt gjøgnumbrot í Vendsyssel, har hann spælir á júst høgra vongi. Lars Olsen hevur fyrr víst spælarum, sum spæla uttanlands stórt álit. Á vinstra vongi tykist alt­samt meiri sannlíkt, at Christian L. Holst ikki verð­ ur við frá byrjan. Lars Olsen segði til úttøkuna, at Holst tóktist troyttur í lands­dyst­ inum móti Finnlandi, sum var bara tríggar dagar eftir dyst­in móti Norðurírlandi. Har tóktist Kaj Leo í Bartals­stovu hava størst fokus hjá landsliðs­venj­ara­ num til venjingina. Hann hevur fingið fitt av spælitíð í Levanger í næst bestu deild­ ini í Norra. Um so verður, so er talan um tveir nýggjar mans frá byrjan í landsliðshøpi í eini undankapping. Hetta kann eis­ini hanga saman við, at Lars Olsen vil hava ein meiri verjukenda og tættan mið­ vøll, meðan orkuríku vengir­ nir skulu stuðla Jóan Símuni Edmundsson meirii, nú hvørki Hallur ella Brandur eru við. trondur@sosialurin.fo Rógvi Baldvinsson, René S. Joensen, Kaj Leo í Bartalsstovu, Róaldur Jakobsen og Viljormur Davidsen eru møguliga allir nýggir í uppstillingini móti Ungarn hóskvøldið Sosialurin metir ( 4-2-3-1 ) Gunnar Nielsen Atli Gregersen Sonni Ragnar Nattestad Jónas Tór Næs Viljormur Davidsen Rógvi Baldvinsson Sølvi Vatnhamar Róaldur Jakobsen René S. Joensen Kaj Leo í Bartalsstovu Jóan Símun Edmundsson Nógvar broytingar í Budapest fótbóltur landsliðið UEFA boðaði í gjár Fótbólts­ sambandinum frá, at Ungarn hóast alt sleppur at hava áskoðarar til dystin í Buda­ pest hóskvøldið. Ungarn kærdi avgerðina um áskoð­ ara­bannið, og málið er fyri­ bils útsett, soleiðis at áskoð­ arar vera til dystin millum Ungarn og Føroyar hós­ kvøldið. – Vit fingu eini boð í flog­ farinum á veg til Buda­pest, at meðan kæran hjá Ungarn verður viðgjørd, stendur bann­ið ikki við, sigur Kristin Dam Ziska, varaaðalskrivari í Fót­bóltssambandinum við in.fo. Fyri Fótbóltssambandið kemur tað ógvuliga illa við, at boðini komu so seint. Fót­bólts­sambandið hevði annars ætla at selt fleiri pláss í leiguflogfarinum til Buda­pest. Men av tí at eingir áskoðarar sluppu á leik­ vøllin, var áhugin í Føroyum lítil. Arbeitt verður nú við at fáa endurgjald fyri mistar inn­tøkur. trondur@sosialurin.fo Kúvending í Ungarn Róaldur Jacobsen verður helst á nýggju føroysku miðjuni Mynd: FSF