hósdagur 8. oktober 2015síða 14

Fríggjadagur 9. oktober 2015 sosialurin 116 14 Hetta vísir eis­ini nógvu streing­ ir­nar, Jógvan á Høvda­num nýtir at spæla upp á, og ymsu keldur­nar, hann nýtir. – Hetta eru teldupostar, ið koma frá keldum, ið hava verið inni í Sea Shepherd. Hetta eru fólk, ið eru vorðin troytt av lygnunum og duga at síggja ígjøgn­um lygnirnar. Tey hava jú hoyrt upp í saman, at vit (føroyingar) eru eitt barbariskt og drápshugað fólka­slag. Og tá tey so koma her, møta tey ongum øðrum enn blíðskapi og fyri­komandi fólki. Tað skal sjálvandi ein ávísur heili til at gjøgnumskoða lygnir­nar hjá Sea Shepherd og Paul Watson, men tað eru fólk, ið eru farin úr felags­skap­ inum, tá tey hava sæð veru­leikan, sigur Jógvan á Høvdanum. Sambært honum hevur tað eisini stóran týdning fyri allar føroyingar, at vit duga at nýta sarkasmu og humor til at bróta lygnirnar hjá Sea Shepherd niður. – Tí taka vit hetta ov nær, so ganga vit við kroniskari høvuðpínu hvønn dag, vísir hann á. Skulu ikki sleppa at sverta okkum til At taka stríðið upp móti einum felags­skapi sum Sea Shepherd av sínum eintingum og leggja hópin av ólønt­um arbeiðstímum í, er eitt stig, tey fæstu eru reiðar at taka. Tað tekur nógva tíð og hevur eisini havt aðra ávirkan á lívið hjá Jógvan á Høvdanum. Eitt nú hevur hann fingið einstakar hóttanir sendandi, um­framt at Sea Shepherd hava víst seg sjónliga í Kunoy, har hann býr, til tess at vísa, at tey vita hvar hann býr. Hetta tekur hann tó róliga, og leggur ikki meira enn neyðugt í tað. Men hvat kann so fáa ein persón at taka eitt stig sum hetta? – Fyri meg merkir tað nógv at síggja føroyska flaggið svertað út av Sea Shepherd á eitt nú Youtube. Tað setti veruliga pissið hjá mær í kók, og eg hugsaði við mær sjálvum, at tey skulu ikki sleppa so lættliga. Kær­ leikin til føroyska mentan, eisini grinda­dráp, býr í okkum øllum, og ongum dámar at blíva svertað soleiðis til, greiðir Jógvan á Høvdanum frá. Jógvan á Høvdanum hevur eisini í summum førum havt eydnuna við sær, tá hann hevur koyrt á Paul Watson og Sea Shepherd felagsskapin við tekningum og speiskum við­ merk­ingum. Mótstøðan móti Sea Shepherd vant upp á seg við at deila tekningar og greinar, og tað hevur eis­ini eydnast at øsa Paul Watson so nógv, at hann í sinnismuni hevur svarað beinleiðis aftur. Og tá fangar borðið, tá aftursvarið ikki er gjølla um­hugsað, áleypandi, ófaktuelt ella bein­leiðis lygn. – Eg vil siga, at hetta hevur út­ viklað seg til eina lítla revolutión móti Sea Shepherd. Men sannleikin er eisini, at vit kunnu ikki vinna á hes­ ari herferðini, uttan at vit seta fótin fast í jørðina og gera mótstøðu, sigur Jógvan á Høvdanum. Nyttar at tosa við tey sjálvbodnu Gjøgnum summarið hevur Jógvan á Høvdanum eisini tosað við nakrar av teimum sjálvbodnu lim­unum í Sea Shepherd. Ella rættari sagt nakrar av teimum fyrrverandi lim­unum í Sea Shepherd. Á henda hátt hevur hann eisini fingið betri vitan um, hvussu felagsskapurin virkar innanífrá og hvussu tey arbeiða. – Tað er yvirhøvur rættiliga ringt at fáa nakað at vita um felagsskapin, tí hann er strangliga stýrdur av odda­ fólkunum, sum eru Paul Watson og Rosie Kunneke, ið var átaksleiðari hjá felagsskapinum í Føroyum. Tey hava fingið strong boð, ikki at tosa við fólk, miðlar ella myndug­leikar, og bara vísa til ovastu leiðsluna. Men frá onkrum av fyrr­verandi limunum, sum hava gjøgnum­skoðað lygnirnar og eru farin úr, havi eg fingið upplýsingar um, hvussu felagsskapurin arbeiðir og óofficiellar upplýsingar, sum tú ikki fær við at vitja heimasíðuna ella face­book-síðuna hjá teimum, greiðir hann frá. Sambært Jógvan á Høvdanum ger tað mun, at royna at tosa við tey sjálvbodnu og greiða teimum sak­liga frá okkara sjónarmiðum og hvussu grindadráp veruliga fer fram. Tey flestu hava ongantíð verið í Føroy­ um áður, og kenna tí bara Føroyar so­ leiðis sum Sea Shepherd lýsir okkum. Tí gerast tey eisini bilsin, tá tey bara verða møtt av blíðskapi og sakligheit. – Men summi av teimum eru eisini totalt hjernadeyð, og har nyttar so einki at tosa við tey, sigur Jógvan á Høvdanum. Tekningar vakt ans í Japan Herferðin móti Sea Shepherd við tekn­ingum hevur ikki bert vakt áhuga her í Føroyum. Tekningarnar eru deildar túsundtals ferðir, bæði av við­halds­fólki og mótstøðufólki hjá Sea Shepherd. Eisini hinumegin Jørðina hava tekningarnar vakt ans, nevn­iliga millum japanar, ið sjálvir kenna alt til felagsskapin Sea Shepherd. – Tekningarnar hava eisini vakt ans í Japan, og eg havi fingið áheitanir um møguligt samstarv úr Japan eis­ini, har tey hava víst áhuga fyri tekn­ingunum móti Sea Shepherd. Tað virkar enn nokk so óveruligt fyri mær, og enn er ov tíðliga at siga, hvat ítøki­liga kann koma burturúr tí. Men tað er ikki óhugsandi, at okkurt kann spyrjast burturúr, antin tað er at fáa um­sett tekningar til japanskt ella okk­urt líknandi, greiðir Jógvan á Høvdanum frá. Mugu taka hetta í størri álvara Eitt er, at Jógvan á Høvdanum hevur tikið stríðið upp móti Sea Shepherd í Føroyum við tekningunum og greina­ skrivingini. Men samstundis er tað eis­ini ein uppsangur til føroyingar og politisku skipanina í Føroyum. – Tað er eisini neyðugt, at vit í Før­ oy­um taka Sea Shepherd og teirra her­ferðir í størri álvara. Í nøkrum av teimum teldupostunum, eg havi fingið fatur á og almannakunngjørt, siga tey beinleiðis, at tey vilja bróta lands­ins lógir. Taka vit hetta ikki meira alvorligt, kann tað enda við at ganga galið. Tað er neyðugt at vit byrja at hugsa um trygdina, bæði hjá føroyingum og hjá teimum sjálv­ bodnu í Sea Shepherd, tí tað skal so lítið til, at okkurt kann ganga heilt galið. Serliga, um tað er mitt í ein­ um grinda­drápi. Tað skal jú bara ein ørvitis­knokkur til. Eg haldi at tað er upp á tíðina at vit siga, at nú tíma vit ikki Sea Shepherd meira, og at vit finna útav at forða teimum yvir­høvur at koma inn í landið ella før­oyskt sjóøki, staðfestir Jógvan á Høvdanum. rogvi@sosialurin.fo »Men summi av teimum eru eisini totalt hjernadeyð, og har nyttar so einki at tosa við tey« Jógvan á Høvdanum, yngri Tekning: Jógvan á Høvdanum, yngri – Tekningarnar hava eisini vakt ans í Japan, og eg havi fingið áheitanir um møguligt samstarv, har tey hava víst áhuga fyri tekn­ingunum móti Sea Shepherd, sigur Jógvan á Høvdanum, yngri. tema »Sleppið Grindini«