hósdagur 8. oktober 2015síða 15

Fríggjadagur 9. oktober 2015 sosialurin 116 15 Strategiin hevur eydnast – Hóast endaliga eftirmetingin ikki hevur verið, so kunnu vit staðfesta, at strategiin í 2015 hevur riggað munandi betri enn tann í 2014, í mun til málini vit settu okkum. Tað sigur Páll Nolsøe, kunningarráðgevi í Uttanríkis og vinnumálaráðnum Barbara Holm S ea Shepherd hava takkað fyri seg fyri 2015, og í næst­um stendur ein eftir­metingar­ fundur í landsstýrinum á skránni. Men longu nú vil Páll Nolsøe, kunningarráðgevi vera við, at tað hevur eydnast væl. Strategiin hjá landsstýrinum hev­ ur hesaferð verið, at hava góða og skjóta kunning umvegis whaling.fo og sosialu miðlunum, og samstundis royna at sleppa framat í útlendskum miðl­um, og soleiðis fáa fakta og okk­ ara sjónarmið fram í kjakinum. Og hesi viðurskifti hava eydnast í mun til tað mál, sum landsstýrið setti sær fyri. – Vit valdu at tilrættisleggja eina heimasíðu whaling.fo, sum hevur lætt skiljandi upplýsingar. Bæði til út­lendskar miðlar og til føroyingar, sum hava tørv á kunning, sigur Páll Nolsøe. Hann vísur á, at whaling.fo eisini hevur lagt seg eftir at hava skjót tíð­indi og líknandi, sum fólk síðani eggjast til at deila og upplýsa um um­vegis sosialu miðlarnar. Umframt hetta hevur landsstýrið fingið sær eina Twitter síðu við navninum govtfaroeislands, sum eisini hevur roynt at fingið upplýsingar um grinda­dráp í umfar. – Tað hevur eydnast. Vit hava sæð, at tíðindi frá whaling.fo og Twitter síðuni hava verið nógv í umfar á sosialu miðlunum, sigur Páll Nolsøe. Hann vísur á, at tá heimasíðan varð kunngjørd í vár, vóru tað áleið 800 vitjandi um mánaðin. Men í juni mánaði vóru heili 25.000 fólk inni á síðuni. – Sostatt hevur síðan verið nýtt í ymiskum samanhangum, sigur Páll Nolsøe. Hann vísur á, at landsstýrið hevur sett leitiskipanir og líknandi at skanna sosialarmiðlar og tíðindamiðlar, og hvønn dag hevur ein frágreiðing um um­røðu av Føroyum verið at sæð í Tinga­nesi. Og við hesum hevur Uttan­ríkis og vinnumálaráðið – ella løg­mans­skrivstovan, sum umsat økið áðrenn – valt nær svarast skal aftur, hvussu søgur­nar skulu sigast og so fram­vegis. – Tað hevur víst seg at verið effek­ tivt fyri okkara strategi, tí við hesum síggja vit hvørja umrøðu Føroyar fáa. Og so vita vit hvussu og nær vit skulu svara aftur, sigur Páll Nolsøe. Hetta er ein avgerandi munur í mun til undanfarin ár, tí nú koma Føroyar fram við viðmerking í mong­ um greinum, sum verða skrivaðar. Lagt seg eftir útlendskum miðlum Í summum av stóru miðlunum í lond­unum kring okkum, eru javnan fleiri milliónir lesarar, og sostatt er út­breiðslan hendan vegin ógvuliga effektiv. Og júst teir miðlarnar hevur land­ið lagt seg eftir at røkka. – Vit hava útvalt nakrar týðandi miðlar, og roynt at greitt frá okkara hugsan­um tann vegin, sigur Páll Nolsøe. Áður hevur kritikkurin av land­ inum verið, at strategiin tykist vera at tiga mótstøðuna í hel. Men sjáldan stendist nakað munagott úrslit av slík­ari strategi. – Vit hava útbygt okkara strategi frá 2014. Munurin er tann, at vit hesa­ ferð hava verið meira proaktiv, og roynt at fingið okkara søgu út javnt og samt, sigur Páll Nolsøe. Ikki undirmeta mótstøðuna Aðrastaðni í temasíðunum ber til at lesa, at eitt nú Sissal Kristiansen, eig­ ari av Shisa Brand, heldur, at landið átti at gjørt meira fyri at vart okkara sjónarmið. Páll Nolsøe vísur á, at tað í næstum liggur ein eftirmeting á skránni í Tinganesi, og tá verður mett hvussu strategiin kann gerast enn betur til komandi ár – um Sea Shepherd væl at merkja koma aftur hendan vegin. Men tað er eingin loyna, at mót­ støðu­fólk okkara hava eina stóra miðla­rúmd, sum Føroyar ikki hava. – Paul Watson hevur 600.000 fylgj­ar­ar á Facebook, og vit skulu ikki gloyma, at hvalurin hev­ur eina serstøðu, tá umræður djórar­verndar­ mál. Tí er hetta ein trupul støða, óan­ sæð strategi, sigur Páll Nolsøe. Hann vísur á, at whaling.fo inni­ heldur allar upplýsingar, sum vinnu­ lívsfólk í útheiminum kunnu hava tørv á. Og møta vinnulívsfólk mót­ støðu á vegnum, so ber til at heita á fólk um at lesa whaling.fo, sum er á ensk­um, sponskum, týskum og fronsk­um. barbara@sosialurin.fo – Vit valdu at tilrættisleggja eina heimasíðu whaling.fo, sum hevur lætt skiljandi upplýsingar. Bæði til útlendskar miðlar og til føroyingar, sum hava tørv á kunning, sigur Páll Nolsøe Skermmynd: www.whaling.fo mynd: Álvur Haraldsen