mánadagur 12. oktober 2015síða 20

Mánadagur 12. oktober 2015 · Nr. 117 20 Sosialurin Hugskot og viðmerkingar – send sms til 225000 ítróttur landsliðið fótbóltur Tað endaði við brøki í Tøtt uppgerð í Ungarn og tríggjar dagar seinni skrædl á heimavølli ímóti Rumenia, har spælið ikki gekk upp, var ikki so hugaligt punktum fyri hesi EM undankappingini, sum annars hevur verið tann besta yvirhøvur hjá Føroyum Jóannes Hansen Bólturin er rundur, og dreym­urin livir altíð. Tá ið tað við sjey mánað millum­ bili eydnast at vinna bæði á úti­vølli og heimavølli ímóti Grikka­landi, so er tað ikki at undrast á, at dreymurin og vónin um, at tað eisini skal eydnast ímóti øðrum favo­ ritt­um, ikki eru so fjar. Í gjárkvøldið varð punkt­ um sett fyri hesi merkisverdu undankappingini, tá ið tað er eydnast at vinna seks stig. Hóast átta tap, so varð samlaði málmunurin 8-17. Tað er so nógv betri úrtøka, enn tað plagar at vera hjá før­oy­ingum í undan­kapp­ ing­um. Undan finaluni í gjár­ kvøldið, tá ið Rumenia á Tórs­vølli við 3-0 sigri tryggj­ aði sær atgongumerki til EM endaspælið í Fraklandi næsta summar, var tað ikki komi fyri í hesi undankappingini, at Føroyar høvdu tapt við meiri enn tveimum málum. Av teimum átta tapunum vóru fýra við einum máli, trý við tveimum málum, og so í gjár­kvøldið á heimavølli ímóti Rumenia var úrslitið 3-0 sigur til Rumenia. Tí sigur tað seg sjálvt, at spælarar, venjarar og áskoð­ arar vóru vónbrotnir, tá ið slovakiski dómarin bríkslaði fyri síðstu ferð. Lars Olsen, landsliðs­venj­ arin, ásannar, at hansara lið tapt ímóti betri mótstøðuliði, og at tað kostar á hesum støð­inum at gera mistøk: – Tað svíður, um vit ikki taka av, tá ið okkara spæla seg til møguleikar, og tað verður serliga tungt, tí mót­støðu­liðini í tí flokk­ inum, sum Rumenia er, eru eirindar­leys, tá ið tey taka av og vinna úr­tøku burturúr teirra møgu­leikum. Tað vórðu vit aftur mint á ímóti Rumenia. Rumenia legði fyri sum eitt ódnarveður. Málið var beinanvegin at skora og har­við at taka luftina úr før­oysku spælarunum og áskoð­arunum. Tað eydn­ aðist at skora mál longu í fjórða minutti. Føroysku spæl­ararnir vóru óskipaðir og ikki fokuseraðir, tá ið mót­ støðu­menninir gjørdu skjótt av í frísparksstøðu. Tað varð lagt í vinstru, og eftir flatt inn­legg varð bólturin stýrdur av brotsteigarmarkinum og dygst inn við stólparótini. Lyklaløtan Fáu minuttirnar kring steðg­ in varð mótbrekkan so mikið brøtt og tung, at møguleikin at svara aftur mest sum svann. Eftir stórt kiks í føroyska uppspælinum royndi Constantin Budescu, sum eisini skoraði fyrsta málið, seg av síðulinjuni í høgru og 25 metrar frá baklinjuni. Tað sá út sum innlegg, men bólturin sigldi dygst undir nærru samankomingini og í kassan: – Hatta málið átti eg fult og heilt. Tá ið royndin var so langt úti frá, so átti eg at havt bjargað, sigur føroyski mál­verjin Gunnar Nielsen. Lars Olsen staðfestir, at í gjárkvøldið varð føroyska liðið enn einaferð mint á, at barnasjúkur, tá ið uppteljing og eftiransing ikki er, sum tað eigur at vera, so verður tað sektað eirindarleyst: – Tað kom sjálvandi sera illa við, at Rumenia í yvir­tíð­ ini í 1. hálvleiki økti við máli, sum spurdist burturúr ong­ um, staðfestir venjarin. Tveir minuttir eftir steðg­ in hevði Hallur Hansson risa møguleika, tá ið hann eftir innkast varð púra blank­ ur. Hann sneiddi inn frá vinstru og var innanfyri allar verjuspælararnar, men Ciprian Tătăruşanu, sum dagliga spælir í italska Fiorentina, bjargaði. – Tað harmar meg al­ mik­ið, at tað ikki eydnaðist at skora. Um munurin tá hevði minkað til eitt mál, so høvdu vit heilt víst fing­ið meiri orku og størri sjálvs­ álit. Soleiðis varð tað ikki, men í staðin øktu teir til 3-0, tá ið vit høvdu hug at spenna álopsbogan, sigur Hallur Hansson, sum var væl upp­ lagdur í gjár. Jóan Símun í serflokki Hóskvøldið legði føroyska liðið rygg til sera tepurt 2-1 tap á útivølli ímóti Ungarn í Buda­pest. Tá leyp einki av hjá heima­liðnum, sum var heilt skelkað, tá ið Róaldur Jakobsen í 11. minutti setti hol á. Tá ið Brandur Hendriks­son Olsen, Fróði Benjamin­sen og Hallur Hansson vóru leikbannaðir, vóru boð eftir Róaldi Jakobsen at vera millum teir fyrstu ellivu, og B36 spæl­arin takk­aði fyri møgu­leikan á verjukenda sentrala mið­ vallar­plássinum. – Tað var so sera fínt uppspæl frá Jóan Símuni Edmundsson, sum spældi meg í góða støðu. Tað eydn­ aðist at sneiða mótstøðu­ mann av mær, og so ráddi um at seta bóltin framvið mál­verjanum. Tað var huga­ ligt, tá ið tað eydnaðist, stað­ festir Róaldur Jakobsen, sum í sínum triðja landsdysti skor­aði fyri fyrstu ferð. Eftir átta minuttum mið­ skeiðis í 2. hálvleiki skor­aði Ungarn tvær ferðir. Har­við vóru øll stigini eftir í ung­ verska høvuðs­staðnum, tá ið føroyska ferðalagið fríggja­ dagin lætti aftur úr Budapest við kós ímóti Vágum, hagar ferðalagið kom fríggja­ kvøldið. Fimm broytingar vóru gjørdar frá hóskvøldinum og til sunnukvøldið. Millum teir, sum spældu alla tíðina bæði hóskvøldið og sunnukvøldið var fremsti álopsspælarin Jóan Símun Edmundsson. Hann var ógvuliga eyð­ sýndur bæði suðuri í Ungarn og á heimavølli ímóti Rumenia. So at siga uttan mun til hvussu bólturin varð spældur fram til fremsta mann, so megnaði hann at temja og verja, inntil lið­ felag­ar­nir bjóðaðu til í álops­ spæl­inum. Tað gjørdu teir nógv av hóskvøldið suðuri í Ungarn. Eingin ivi er í, at Jóan Símun Edmundsson nú er so væl fyri, sum hann ongantíð hevur verið á landsliðnum. Eis­ini í verjupartinum, sum hann var óførur at hjálpa til í. Stóru spurningarnir Sammett við fyrr í hesi kapp­ ingini og sammett við avrikið í Ungarn, so var talan um leikligt vónbrot í gjárkvøldið, tá ið tað varð mint um, at mistøk­ini kosta, og at tey kosta nógv. Ætlanin var, at Fróði Benjaminsen skuldi biðja áskoð­arunum farvæl í gjár­ kvøldið, tí hann hevur langt síðani boðað frá, at nú er skeiðið hjá honum á lands­ liðnum runnið: – Eg vildi fegin havt givið Fróða møguleikan, men eg var noyddur at lurta eftir lækn­unum, sum søgdu, at Fróði var ov skaddur at spæla, sigur Lars Olsen. Hjálparvenjarin Jóannes Jakobsen hevur so mangan mint á, og hann endurtók tað upp undir vitjanina úr Rumenia, at um tað skal eydn­ast hjá føroyska liðnum at vinna góð úrslit, so er tað avgerandi, at føroysku spælararnir standa seg meiri enn vanliga væl, og at mót­ støðuliðið hevur ein ikki so góðan dag. Soleiðis var tað ikki ígjár. EM undankappingin Mynd: FSF