mánadagur 12. oktober 2015síða 22

Mánadagur 12. oktober 2015 · Nr. 117 22 Sosialurin Hugskot og viðmerkingar – send sms til 225000 ítróttur landsliðið fótbóltur Góðkent eftir Føroyska avrikið í 2-1 ósigrinum fyri Ungarn var góðkent. Seks broytingar vóru á liðnum og Ungarn trýsti óført. Vit halda tó ov illa fast í bóltinum, men blíva eisini snýttir, tá vit kundu havt sent Ungarn í kolkjallaran Tróndur Arge – Budapest Lars Olsen gjørdi seks broyt­ingar til landsdystin móti Ungarn, í mun til dystin frammanundan móti Finnlandi. Fróði Benjamin­ sen, Hallur Hansson og Brandur H. Olsen høvdu allir leikbann, Christian L. Holst bleiv spardur til heima­ dystin móti Rumenia, meðan Viljormur Davidsen og Jóan Símun Edmundsson vóru aftur eftir ávikavist skaða og leikbann. Rógvi Baldvinsson og Róaldur Jakobsen vóru nýggir á miðvøllinum, meðan Sølvi Vatnhamar bleiv fluttur inn av vonginum. René S. Joensen og Kaj Leo í Bartals­stovu vóru nýggir á venjar­unum. Mál køvdi fjálturin Fyrstu løtuna tóktist fjáltur verða á okkara spælarum. Vit standa ikki heilt rætt í ávís­um støðum, og dekka ikki upp, tá Ungarn millum ann­að tekur skjótt innkast. Vit eru tó framvið einar tvær ferðir í vinstru síðu og vísa, at vit eru komnir fyri at spæla. Tá tíggju minuttir eru farnir fáa vit mál. Jóan Símun fangar tvøravlevering og spælir Róald Jakobsen leysan. Hann snarar runt um verju­spælaran í besta Dennis Bergkamp stíli, og plaserar bóltin í málið til 1-0. Eftir hetta trýsti Ungarn, men vit eru nógv tryggari í verjuni og á miðvøllinum. Ungarn kemur fram til okk­ urt skot, men ikki nakað, sum Gunnar Nielsen ikki klárar at taka. Trýstir í botn Fyrru hálvu av seinna hálv­ leiki eru okkara fyri tað mesta trýstir í botn. Mið­ vøll­urin dettur heilt aftur í verj­una, meðan vengirnir og Jóan Símun Edmundsson ikki fáa fatur á bóltinum. Tað er tí í trá við gongdina í dystinum, tá innskifti Daniel Bode javnar við góð­ um stútara, eftir innlegg úr vinstru síðu. Helst skudu Sonni Ragnar Nattestad og Viljormur Davidsen hava órógvað Daniel Bode nakað meir. Snýttir fyri brotsspark Hóast vit eru trýstir fyri tað mesta í seinna hálvleiki, so eru tað vit, sum eru nærmast við at koma á odda. Tað hendir í mest umrøddu støð­ uni í dystinum. Jóan Símun Edmunds­son sendir Kaj Leo í Bartals­stovu avstað í vinstru. Inni í brotsteinginum verður hann feldur. Dóm­arin sá ikki klokkuklára brots­ spark­ið, og lat spælið halda fram. – Tað var klárt brotsspark. Hann tók beinini undan mær, sigur Kaj Leo í Bartals­ stovu. Revsingin Tríggjar minuttir seinni megna vit ikki at fáa tamt Daniel Bode, sum rekur fram­við tveimum, áðrenn hann bank­ar bóltin upp í net­takið. Hetta var sum so ikki óuppi­borið, men ótrúliga bitt­urt, tí vit áttu brotsspark stutt frammanundan. Seinastu løtuna hava vit møguleikar, men ein skaði í verjuni ger, at vit mangla at kunna gera tí seinastu fram­ rættaðu innskiftingina. Seinastu løtuna tykjast vit gjalda prísin fyri ikki at hava havt bóltin nóg nógv. Form­urin er undir miðal og vit renna nógv í dystinum. Hugsa vit um broyt­ingar­ nar og umstøðurnar, so er avrikið góðkent. Harmligt, at ein dómaraavgerð skal hava so stóran týdning fyri dystin. trondur@sosialurin.fo Dysturin í tølum: Ungarn - Føroyar Mál: 2 - 1 Spælfordeiling: 64% - 36% Skot: 25 - 5 Skot á mál: 9 - 2 Horna: 13 - 0 Rangstøður: 1 - 0 Gul kort: 1 - 3 Reyðkort: 0 - 1 Gjørd fríspørk: 12 - 10 Avleveringar: 497 - 196 Rættar avleveringar: 446 - 143