mánadagur 12. oktober 2015síða 28

Mánadagur 12. oktober 2015 · Nr. 117 28 Sosialurin Hugskot og viðmerkingar – send sms til 225000 ítróttur landsliðið fótbóltur Tóm kensla á Tórsvølli Fróði Benjaminsen og Christian L. Holst fingu ikki farvælgávuna, sum teir ynsktu sær, tá Rumenia við 3-0 sigri tryggjaði sær luttøku í EM endaspælinum í Fraklandi komandi summar. Stemningurin skolaði av vøllinum við regninum og ósigrinum Tróndur Arge – Tórsvøllur Ein 3-0 ósigur, regn og fleiri tóm setur gav eina heldur keðiliga kenslu, tá dómarin bríkslaði fyri seinastu ferð í hesi undankappingini. Meðan ovurfegnir rumenskir spæl­arar dansaðu sigursdans á vøll­inum, gingu okkara hug­tungir og vónbrotnir av vøll­inum. Hetta skuldi verða enda­ veitslan, har Fróði Benjamin­ sen og Christian L. Holst takkaðu fyri seg, og lands­ liðið kundi seta nýtt met fyri vunnin stig í eini undan­ kapping. Heldur bleiv tað til eitt vónbrot longu frá fjórða minutti av. Hóast vit royndu at reisa okkum, og Skansin helt lív í Tórsvølli, so pínu rumenar stmningin í botn við tekniskum, og til tíðir góð­um effektivum fótbólti. Væl upplagdir rumenar Rumenski landsliðsvenjari, Anghel Iordanescu, vísti longu á tíðindafundinum leygar­dagin, at hann var væl fyri­reikaður til dystin móti Føroy­um. Tað er eftirhondini tiltikið, at venjarar undir trýsti nevna garslíkið á Tórs­ vølli sum ein vansa, tá teir hóma at okkurt kann ganga gali. Anghel Iordanescu nevndi eisini graslíkið, men restina av tíðindafundinum brúkti hann upp á at vísa rumensku fjølmiðlafólkunum á, at før­ oyska liðið í fleiri førum hevði gjørt tað gott. Anghel Iordanescu hevur so nógvar royndir innan venj­ara­yrki. at helst hevur hann fingið liðið at lurta, tá hann hevur ávara móti okk­ ara landsliðið. Uppgávan skal takast í álvara segði venj­arin og so var! Hálvfullur Tórsvøllur heiðraði Fróða og Holst Líka mikið hvat, hvør og hvussu, so møta føroyingar aldrin til tíðina. Heldur ikki hesa ferð var nakað undantak. Tí var tað ein bara hálvfullur Tórsvøllur, sum fagnaði Fróða Benjamin­sen og Christian L. Holst, tá løg­ maður, Aksel V. Johanne­sen handaði teimum takkargávu. Harmligt, at føroyski áskoð­arin ikki vísir størri virð­ing fyri tveimum monn­ um, sum hava givið so nógv fyri landsliðið. Marrubyrjan merkti dystin Føroyska liðið fekk eina marru­byrjan, tá Rumenia longu aftaná fýra minuttir legði seg á odda. Odmar Færø er uttan­fyri við skaða og vit eru í undirtal. Frísparkið verð­ur tikið stutt og síðani spælt útfrá, har rumenar senda bóltin í málið frá brots­teigar­markinum. Hetta setti sín dám á dystin, tí nú eru vit aftanfyri. Hóast vit í fleiri førum koma í góðar støður, so vil bólturin ikki inn. Tá so Rumenia av óvart sendi eitt innlegg í málið til 2-0, við seinasta sparkinum í fyrra hálvleiki, fór luftin úr ballónini. Vit høvdu okkara møgu­leikar, men okkurt kend­ist ikki heilt rætt á deg­ num. Tóm setur ein irritatión Tórsvøllur var útseldur til landsdystin móti Rumenia. Á papír­inum ljóðar tað gott, men tað sær illa út, tá fleiri hundrað setur standa tóm. Fleiri er meiningarnar um at­gongu­merkini til lands­ dystin. Tey skulu ikki kosta ov nógv, tí so hevur familjan ikki ráð at fara til landsdyst. Kosta atgongumerkini hin­ vegin ov lítið, so er ov alt at lata tey liggja í skuffuni, um tú ikki kanst fara alíkavæl. Helst er tað eisini ein spurn­ingur um nær atgongu­ merkini verða seld. Kanska skulu tey seinastu ikki selj­ ast fyrr enn stutt fyri dystar­ byrjan. Eitt er vist, tað er ikki í ordan, at tað eru so nógv tóm setur á Tórsvølli, tá tað er útselt. Eitt keðiligt farvæl Alt í alt bleiv tað til eitt held­ ur keðiligt farvæl til Fróða Benjaminsen, Christian L. Holst og hesa undan­kapp­ ing­ina. Farnu tvey árini fara í søguna sum tíðin, tá lands­ liðið aftur vann hjørtini á áskoð­arunum Hetta var somu­leiðis undankappingin, tá lands­liðsfótbóltur fór at snúgva seg um føroyska lands­liðið, meiri enn mót­ støðu­liðini. Vit vunnu tvær ferðir á Grikkalandi og kundi, og mundu, fingið fleiri stig. Spælarar sum Brandur H. Olsen, Sonni Ragnar Natte­ stad, Sølvi Vatn­hamar, Gilli Sørensen, René S. Joensen, Róaldur Jakobsen og nú eisini Kaj Leo í Bartalsstovu hava fingið beinini fyri seg á landsliðnum. Nú er at vóna, at saknurin í Fróða og Christiani ikki verð­ur ov stórur á vøllinum, hóast teir fylla nógv í lands­ liðshjartanum. trondur@sosialurin.fo.