mánadagur 12. oktober 2015síða 31

31 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 12. oktober 2015 · Nr. 117 ítróttur Tróndur Arge Hilmar Jan Hansen Heri Simonsen Jóannes Hansen Pætur Albinus Álvur Haraldsen André Olsen Teitur Joensen Neli Heldarskarð Pætur E. Jensen So hendi tað aftur. Tórsvøllur er útseldur, men fleiri tóm setur eru at fáa eyga á. Soleiðis var eisini í minniliga sigrinum á Grikkalandi á Tórsvølli, hóast tað var útselt og fólk rindaðu okursprís fyri at­gongu­ merkini á svartamarknaðinum. Í gjár kókaði tó yvir fyri meg. Aftur var »útselt«, men næstan 1.000 tøk setur vóru at síggja kring vøllin. Hetta ein sunnudag klokkan 17 til seinasta heima­dystin hjá landsliðnum á hesum sinni. Onkur helt fyri, at regnið mundi spæla inn, men tann umberingin heldur also ikki longur. Tveir triðingar eru undir tak, meðan hini valla kunnu vænta annað mitt í oktober. Tað var tí hugstoytt at síggja so nógv tóm setur. Somuleiðis var uppmøtingin á VIP plássunum vána­ligt, umframt at ein heil sektión við síðuna av Skansanum var tóm. Eg spyrji tí meg sjálvan hvørji hesi fólkini eru, sum ikki eru møtt til landsdystin. Eru hetta tey, sum altíð eru fyrst at keypa atgongumerki, men ongan áhuga hava fyri landsliðnum? Tú kennir tey. Møta altíð fyrst, fyri at fáa besta parkeringsplássið til akkurát onga aðra nyttu, enn at vísa seg fram. Avleiðingin er dýrari atgongumerki Tíverri er avleiðingin, at FSF má seta prísin upp á atgongumerkjunum, so hesir “parkeringsidiotarnir” ikki keypa atongumerki inn undir seg, bara fyri at keypa atgongumerki inn undir seg. Tað hevur fleiri ferðir verið frammi, at fólk hava ilt við at virða eitt atgongumerki, sum bara kostar 100 krónur. Tað er ov lætt, at bara lata tað liggja í skuffuni, um tað nú skuldi regna á dystardegnum. Hetta gongur so aftur útyvir familjuna, sum hvørja ferð stuðlar landsliðnum. Nú skal hon av við fleiri pengar, tí ein fimti partur av fólkunum ikki møta til landsdyst. Onkur hevur ført fram, at stórar fyritøkur sita á alt ov nógvum atgongumerkjum, sum tær fáa frá FSF fyri at verða stuðlar. Onkur hevur enntá nevnt tøl sum 500, 1.000 og 2.000. Hetta passar also ikki, so tað nyttar ikki at peika eftir teimum, skjálvt um tað sá margháttligt út, at ongin VIP’ari var úti, tá Fróði Benjaminsen og Christian L. Holst blivu heiðraðir. Kanska besta undankapping nakrantíð Hetta var kanska besta undankappingin hjá einum føroyskum landsliðið nakrantíð. Hóast stigini ikki røkka til met, so er talan um eitt væl spælandi landslið, sum bara í einkultum dystum varð útspælt. Nú er bara týdningarmikið, at føroysku spælararnir og landsliðið halda fram við menningini til komandi undankapping, tá vit fáa Cristiano Ronaldo á vitjan. Næstan 1.000 tóm setur Ítróttar klumman Tróndur Arge Todi er tann besti nakrantíð Fjepparafelagið hjá landsliðnum, Skansin, hevur valt Toda Jónsson sum besta spælaran á føroyska landsliðnum síðani Landskrona. Tað eru fjeppararnir hjá Skansanum, sum hava atkvøtt Tróndur Arge Todi Jónsson var á staðnum og tók móti heiðrinum. Hann segði í takkarrøðu, at hann var glaður fyri at hava fingið hendan heið­urin. Ser­ liga, tá hann eitt skifti valdi landsliðið frá, tí kropp­urin ikki kláraði bæði lands­liðs­ fótbólt og liðfótbólt. Tá vóru ymiskar meiningar um av­ gerð­ina hjá honum, men sum sæst á atkvøðunum, so hevur tað ikki merkt eftirmælið av klaksvíkingin, sum spældi 45 landsdystir og skoraði níggju mál. At enda vónaði Todi, at onkur av teimum ungu fór at vinna heiðurin í framtíðini. Todi Jónsson spældi sín fyrsta dyst á landsliðnum í 1991. Millum minniligu mál­ ini eru sigursmálið á Malta í 1997, hattrikið móti San Marino, løtan tá hann legði Føroyar á odda móti Russ­ landi, og tá hann javnaði móti Spania á Svanga- skarði. Í 2001 valdi skjóti fram­ herjin at gevast á lands­lið­ num, tí kroppurin helt ikki til at spæla fyri FCK og før­ oyska landsliðið. Hetta varð ein umstrídd avgerð, sum øll ikki skiltu. Toda koma aftur á landsliðið í 2005, tá hann spældi sínar seinastu lands­ dystir fyri Føroyar. Todi er klaksvíkingur og uppvaksin í KÍ. Hann spældi í KÍ fram til 1995, um­framt eitt tíðarskeið í B36 í 1993, áðrenn hann flutti til Dan­ markar. Har spældi hann við Lyngby og síðani FCK, har hann enn er høgt í metum. Hann var eisini um reppið at blíva norskur meistari við Kristiansand Start í 2006, áðrenn yrkisleiðin gekk móti endanum við Fremad Amager og barndóms­felag­ num KÍ. trondur@sosialurin.fo Mynd: Skansin fótbóltur landsliðið