mánadagur 12. oktober 2015síða 30

Mánadagur 12. oktober 2015 · Nr. 117 30 Sosialurin Hugskot og viðmerkingar – send sms til 225000 ítróttur Lærið nú av týskarunum Tað er helst ongin møguleiki fyri, at føroyska U21 landsliðið fær eitt bein til jørðina í landsdystinum móti Týsklandi í annaðkvøld. Nú mugu okkara bara læra av teimum bestu Tróndur Arge Inngangurin er kanska nakað harður mótvegis okk­ ara ungu og evnaríku spæl­ arum. Tað er heldur ikki teim­um tað er nakað galið við. Tað er hinvegin styrkin á týska U21 landsliðnum, sum er tað nærmast er galið við. Hetta er eitt landslið, sum spælarar, ið til dagligt spæla í Bundesliguni. Nakrir spæla eis­ini Champions League fót­ bólt, sum leikskráin hjá FSF vísir á. Vit prógvaðu í Týsklandi fyri tveimum árum síðani, at vit kunnu geva einum týsk­ um U21 landsliðið mótstøðu, og skuldi kanska enntá havt vunnið tann dystin. Tá var talan um eitt tað sterkast U21 landsliðið hjá okkum nakran­ tíð. Tíverri er hetta U21 ikki komið so langt, hevur fleiri avboð og fleiri spælarar, sum framvegis hava aldur til U19. Tað sást millum annað í dystunum móti Finnlandi, har vit taptu 3-0. Týskland vann 4-0 á Finnlandi. Hava fyrireikað seg væl Bill M. Jacobsen, venjari hjá føroyska U21 landsliðnum, hevur fyrr tikið øll á bóli. Hvør minnist ikki sigurin á Russ­landi í Gundadali, og av­ rikið í Týskalndi, tá vit taptu 3-2, men vóru á odda líka til tað seinasta? Bill trýr altíð upp á, at tað letur seg gera. Hann hev­ ur saman við Eli Hentze, hjálpar­venajra, fyrireikað lið­ið so væl sum til ber. Vit hava arbeitt væl hesa seinastu vikuna. Vit hava havt 24 til 30 spælarar í mynd­ini, og nú hava vit so 24 spælarar klárar til upp­gáv­ una, sigur Bill M. Jacobsen. Fleiri broytingar á liðnum U21 landsliðið er ikki í sterk­ astu manning. Brandur H. Olsen og Sonni Ragnar Nattestad hava spælt við A-lands­liðnum. Ári M. Jónsson og Hørður Askham eru lang­tíðar­skaddir, meðan Elias Rasmussen og Haraldur R. Højgaard eru skaddir. Um­ framt tað, so hava Gunnar Vatnhamar og Poul N. Mikkelsen givið avboð vega náms­ferð. Av nýggjum fólki er Jógvan á Lað, sum spælir í aðru deild í Danmark við B1908. Hann er komin frá School of Excellence hjá FCK. Jákup F. Hansen úr 07 Vestur, sum er útleigaður út frá HB, Dánjal Godtfred úr FC Suðuroy og Jákup Andreasen úr KÍ – Eg havi valt at hyggja nærri at unga Jákup Andreasen úr KÍ. Fyrsta valið á málmanns­postinum fyrstu dystirnar, Elisa Rasmussen, úr Víkingi er so mikið skadd­ ur, at hann hevur melda av­ boð. Í hansara stað er komin Niklas Thomsen úr AB, sigur Bill M. Jacobsen. Eitt nýtt navn í hópinum er Emil Sandbech Carlsen. Hann hevur føroyskan pápa og er ættaður av Eiði. Hann spælir við Vanløse í oddinum í Dan­marksseriuni. Tað er eisini ivasamt um Poul Ingason verður tøkur til dystin. Hann hevur verið skadd­ur í eina tíð, og hevur mill­um annað ikki spælt so nógv fyri HB seinastu tíðina. Hinvegin er Andrias H. Erik­ sen tøkur aftur, eftir at hann hevði leikbann í Finn­landi. Broytingarnar ein avbjóðing Hesar umstøðurnar gera, at tað eru nógvir spælarar á U21 landsliðnum, sum eru væl yngri enn enn nógvir av mót­støðu­monnunum. – Vit hava havt fimm U19 spælarar við. Fleiri av teim­um hava longu fingið spæli­tíð. hava fingið. Betuel Hansen úr Silkeborg, Bartal Wardum úr HB og Meinhard Olsen úr Vendsyssel hava fingið spælitíð. Sum tann sein­asti, so hevur Jákup Ludvík Thomsen úr FC Midt­ jylland eisini bitið seg fastan í U21 álopið, greiðir Bill M. Jacobsen frá. Bill er fyrireikaður Týskland vann fríggja­kvøld­ ið 4-0 á Finnlandi, sum vit taptu 3-0 fyri í Helsinki. – Eg var í Essen í Týsk­ landi fríggjakvøldið, og sá týska U21 landsliðið lættliga vinda 4-0 burturúr Finlandi, sigur Bill M. Jacobsen og leggur afturat; – Týskarnir vóru kvikir á bóltinum. Tað tóktist sum um tað var ein onnur fót­ bólts­dimensión, enn tann vit kenna, sum teir vóru í holt við. Fimm spælarar sum spældu Champions League fótbólt í seinastu viku, og restin er umkring Bundeslig­ una. Úr feløgum sum Borussia Dortmund, Schalke 04, Bayern Munchen, Køln og Wolfsburg, koma Julian Brandt, liðskiparin Leon Goretzka, Leroy Sané, Joshua Kimmich, Yannick Gerhardt, meðan bonkurin taldi spæl­ arar sum Max Mayer frá Schalke og Maximillian Arnold úr Wolfsburd, greiðir Bill M. Jacobsen frá, meðan hann ásannar, at hetta er ein stórur biti. – Givið er, at hetta er eitt gott lið vit møta. Kanska ein stórur biti, men vit hava gjørt tað fyrr. Einki er so gott, sum at sleppa at máta seg móyi teimum bestu. Hetta verður ein stórur dystur, eitt stórt upplivilsi og ein góð roynd hjá okkara spælarum at fáa, sigur Bill M. Jacobsen at enda U21 landsdysturin millum Føroyar og Týskland verður á Tórsvølli týsdagin klokkan 17.30. trondur@sosialurin.fo U21-landsliðið fótbóltur – Fimm av týsku U21 spælarar sum spældu Champions League fótbólt í seinastu viku, og restin er umkring Bundeslig­una, sigur Bill M. Jacobsen