hósdagur 5. august 2004síða 3

4 Nr. 146 - 5. august 2004 Nr. 146 - 5. august 2004 5 Sýna fram ungar føroyskar menn Tann 8. august skipa Faroearts og Café Jónas fyri listaframsýning, nevnd »Unge Færøsek Mænd« í Keypmannahavn. Fernisering verður sunnudagin 8. august kl 16 - 18. Café Jónas er ein nýupplatin norrøn mentanarcafé í hjartanum av Keypmannahavn, beint við Kongens Nytorv LISTAFRAMSÝNING Café Jónas og Faroearts fara at sýna fram tríggjar lutfalsliga ungar før- oyskir listamenn í au- gust. Teir tríggir umboða á hvønn sín hátt sera spennandi brigdi av nýggjari føroyskari myndlist. Brandur Patursson Brandur arbeiðir við ymiskum tilfari í fleiri dimensiónum, eins og hann setir saman fleiri stílsløg. Av og á sæst greiður íblástur úr eitt nú teknirøðum og frá kung fu, sum Brandur hevur íðkað í fleiri ár. Í myndlistini hjá Brandi verður arbeitt traditiónsbundið við kompositión og litset- ing, men eisini meira frítt, har listamaðurin t.d. brúkar kropp og hár til at úttrykkja seg við. Tessvegna er ikki alt máling á lørift hjá Brandi - hann hevur eisini virkað við glasi og fotomyndum, ið vera kliptar saman til kollasj- ur, ofta við óvanligum og humoristiskum úr- sliti. Tummas Jákup Thomsen Tummas Jákup, ið ofta verður umrøddur sum hin føroyski surrealist- urin, hevur í sambandi við hesa framsýning valt at arbeiða einamest við rúminum kring nakað, mann ikki ofta sær avmyndað - naglar. Tummas Jákup nýtir á hesi framsýning olju- máling á lørift og við at seta blýantsstrikur oman á skapar hann eitt óvan- ligt rúm til naglarnar at flóta í. Tummas Jákup granskar á henda hátt tað óvanliga í tí vanliga á ein sera hugtakandi hátt. Bárður Oskarsson Bárður mann vera mest kendur fyri at mála stórar, einfaldar og sera groteskar málningar. Á eini ofta einlittari grund síggja vit surrealistiskar skapningar, ið tíðum fáa teg at flenna, meðan teir aðra tíðir geva tær vaml. Tað er sum um, at hesir merkiligu skapningar- nir, t.d. flúgvandi grísar og royttir høsnarungar við mannahøvdum, ella -limum noyða kenslur upp í áskoðaran. Bárður málar eisini karikeraði menniskju. Tey kunnu virka púra vanlig, men so er alt ov nógv gjørt burtur úr onkrum stak- luti, so at mann verður fangaður og hugtikin. Café Jónas Caféin er ein nýupplatin norrøn mentanarcafé í hjartanum av Keyp- mannahavn, beint við Kongens Nytorv. Café Jónas leggur seg eftir at sýna fram serliga ís- lendska og føroyska mentan. Sostatt er Jónas eitt stað, har tú kanst hugna tær við list og tónleiki, meðan tú nýtur ein góðan bita og okkurt gott at drekka afturvið. Cafe Jonas er at finna á Landgreven 3, 1301 KBH K tlf: 3332 1915, www.cafejonas.com Filmurin »Selkvinn- en« frá 1953, har »Nólsoyar Páll« er høvuðsleikari, verður vístur í Nólsoy í Royndarhúsinum øll stevnukvøldini. Hetta var fyrstu ferð, at tað eydnaðist professio- nellum at filma grindadráp BYGDARSTEVNA Í 1953 var norskt films- felag í Føroyum og tók upp film, sum fekk navnið »Selkvinnen« - á føroysk- um »Kópakonan«. Filmurin byggir á lív Nólsoyar Pálls og hansara stríð móti yvirvøldini í Føroyum. Filmurin sam- svarar tó ikki heilt við søg- una, sum vit kenna hana. Heitið á filminum kemur av, at søgnin um kópa- konuna eisini er flættað inn í søgugongdina. Nógvar náttúrumyndir ymsastaðni úr Føroyum eru við, eitt nú úr Nólsoy, Koltri, Mykinesi og Saks- un. Flestu leikarar eru norðmenn, men føroyingar síggjast eisini. Eitt nú spældu ungfólk úr Nólsoy við sum kópafólk á helluni. Í filminum sæst eisini grindadráp, og filmsleikar- ar eru við í øllum rokanum. Sagt verður, at hetta var fyrstu ferð tað eydnaðist professionellum filmsfólk- um at fáa myndir av grinda- drápi. Ógvuliga fáir føroyingar vita um hendan filmin, og enn færri hava sæð hann, men nú stevna verður í Nólsoy, hevur bygdafelagið »Royndin« lánt filmin frá norska filmsinstituttinum í Oslo. Filmurin er ein góðan tíma langur. Hann verður vístur øll stevnukvøldini í Royndarhúsinum í Nólsoy - fríggjakvøldið kl 21.30 og leygarkvøldið og sunnu- kvøldið kl 21.00. Royndarhúsið í Nólsoy skipar eisini fyri dansi leygarkvøldið 7. august kl. 24.00 við Fimmboga Lis- berg og Jógvan Olsen. Forkunnugur filmur vístur í Nólsoy á Ovastevnuni Ungfólk í Nólsoy, sum spældu við í filminum ‘Selkvinnen’ í 1953 Klaksvíkin fyrireikar seg nú av sonnum til stóra Summar Festivalin, sum byrjar hósdagin í næstu viku FESTIVALUR Eirikur Lindenskov Í Vágsbø settu teir í gjár upp stóra pallin, sum verð- ur karmur um stóra úti- tiltakið. Har verða nøkur av teimum stóru nøvnunum hoyra, so sum Ken Hensley, Boney M, Frændur o. fl. Umframt hendan pallin verða eisini aðrir pallar í býnum, eitt nú verður Sparikassapallurin eisini settur upp í túninum í Norðoya Sparikassa. Gera býin til reiðar Mikumorgunin vóru teir í ferð við at seta upp stóra pallin í Vágsbø í Klaksvík, ið verður karmur um stóra úttiltakið á Summar Festivalinum, sum byrjar hósdagin í komandi viku Mynd: Símun á Høvdanum Um tey eldru í eystur- býnum í Havn vilja sleppa av við ruski í bingjurnar til endur- nýtslu, mugu tey ganga alt ov langt, tí Tórshavnar býráð bert hevur sett upp eina einstaka felags- bingju í einum stór- um øki. - Vit hava gjørt vart við, at vit ikki orka at ganga so langt við okkara ruski, men hetta legg- ur býráðið líka í, siga tvær eldri kvinnur í Bókbindaragøtu RUSK Heini í Skorini, heini@sosialurin.fo Øki í eysturbýnum í Havn kring Bókbindaragøtu og Eysturstræti er burturav eitt øki fyri eldri fólk. Í mongu raðhúsunum búleikast næstan bara íbúgvar, sum eru komnir langt upp í ár- ini, og sum heild er miðal- aldurin sera høgur í hesum partinum av Havnini. Men hetta tykist Tórs- havnar býráð sambært fleiri í eysturbýnum ikki at geva sær far um. Í stórum pørt- um av Havnini hevur hvørt húsarhald fingið eina grøna endurnýtslubingju í part at koyra pappírsrusk í, men í eysturbýnum hevur býráðið bert sett upp eina felags- bingju á einum spæliplássi, og henda bingjan fevnir um eitt stórt øki. Sambært teimum báðum kvinnunum í Bókbindaragøtu eru eins nógv hús í økinum sum øll Eiðis bygd. Tí hava summi langa leið frá húsum til bingjuna, og tað orka gomlu fólkini í eysturbýnum ikki, hóast tey hava eitt ynski um at taka lut í nýggju skipanini við endurnýtslu av burturkasti. Frekt býráð Tvær eldri kvinnur í Bók- bindaragøtu harmast um støðuna og siga seg um- boða fleiri onnur eldri í øki- num, sum fegin vilja nýta og stuðla skipanina við endurnýtslu av pappíri, men sum vegna aldur og bilandi heilsu ikki orka at bera ruskið so langan veg. - Vit hava ringt til Tórs- havnar býráð at gera vart við støðuna, men har tykist lítil vilji vera at betra um viðurskiftini hjá okkum gomlu her úti. Vit hava sagt frá, at vit hava brúk fyri fleiri bingjum, men vit eru framvegis noydd at ganga alt ov langt at sleppa av við okkara rusk til endurnýtslu- bingjurnar, siga tær báðar. Tær fingu fyrst at vita frá býráðnum, at tað var ov dýrt at geva øllum hvør sína bingju. Síðani vórðu tær av býráðnum spurdar, um tær ikki høvdu onkran at senda fyri seg við ruski- num. - Hetta helt eg vera nakað frekt og nasvíst, tí eg havi nevniliga ongan at fara við ruski fyri meg, sigur eina kvinnan. Í fleiri øðrum økj- um í Havn hevur hvørt hús- arhaldið fingið bingju til endurnýtslu av pappírs- ruski, men ikki í økinum, har miðalaldurin kanska er hægstur í allari Havnini. Gomul og gloymd - Hetta er diskriminering. Vit vilja fegin nýta nýggju skipanina við endurnýtslu, men tá býráðið setur eina einstaka bingju upp í einum øki, sum er líka stórt sum Eiðis bygd, megna vit ikki at ganga so langt, siga tær báðar. Tær halda tað vera hug- stoytandi, at tá býráðið set- ur eina góða skipan í verk, er hon bert fyri yngru og raskari menniskju. Eldru íbúgvarnir í eysturbýnum siga seg harmast um, at tey eldru ikki eisini fáa lut í eini skipan við endurnýtslu av pappírsruski, og tey føla seg á ein hátt uttanfyri. - Vit høvdu ynskt, at myndugleikarnir eisini góvu okkum møguleikan at luttaka í teimum skipanum og ætlanum, sum samfelag- ið ger, so vit eisini kenna okkum at vera part av heildini, men í løtuni kenna vit okkum uttanfyri tey tøk- ini, myndugleikarnir og fólkið tekur, siga tær báðar kvinnurnar í Bókbindara- gøtu, sum vilja vera ónevndar. Tey eldru í eysturbýnum klaga býráðið Eldru íbúgvarnir í eysturbýnum í Havn eru ónøgd um, at bert ein einstøk felags endurnýtslubingja er sett upp fyri mongu húsini at nýta. - Vit hava gjørt vart við, at vit ikki orka at ganga so langt við okkara ruski, men hetta leggur býráðið líka í, siga tvær eldri kvinnur í Bókbindaragøtu Modellmynd: Maria Olsen Atfinning- arnar skulu kannast Formaðurin í um- hvørvisnevndini í býráðnum, Tor- finn Smith, er sinnaður at kanna atfinningarnar frá eldru fólkunum í eysturbýnum og gera broytingar, um neyðugt er RUSK Heini í Skorini, heini@sosialurin.fo Torfinn Smith varar av nýggju skipan býráð- sins við endurnýtslu- bingjunum kring Havn- ina, og hann er sinnað- ur at kanna atfinningar- nar hjá eldru íbúgvun- um í eysturbýnum, sum siga, at teinurin til fel- agsbingjuna er alt ov langur. - Vit taka allar atfinn- ingar í álvara, og um tað er rætt, at tey eldru ikki hava høvið at taka lut í skipanini við end- urnýtslu av pappírs- ruski, skulu broytingar gerast, sigur Torfinn Smith. Formaðurin í náttúru- og umhvørvisnevndini í býráðnum sigur, at teir hava valt at seta felags- bingjur upp í teimum tætt bygdu økjunum, t.d. í Berjabrekku, Tórsbyrgi og raðhúsun- um í Bókbindaragøtu, og tí stendur bert ein bingja har úti. - Men um teinurin frá húsum til bingjuna er ov langur til, at tey gomlu eisini fáa lut í skipanini, skulu broyt- ingar gerast, lovar Tor- finn Smith. Hann sigur, at fá fólk eru til arbeiðis á býráð- num í løtuni, men í næstu viku skal hyggj- ast nærri at málinum og kannast, um fleiri bingjur skulu setast upp í eysturbýnum, so tey eldru har úti ikki føla seg forsømd. Tað er ein tung leið hjá gomlu íbúgvunum í eysturbýnum í Havn at fara við ruski Myndir: Maria Olsen C M Y K 5 4