mánadagur 19. oktober 2015síða 26

Mánadagur 19. oktober 2015 · Nr. 120 26 Sosialurin Hugskot og viðmerkingar – send sms til 225000 ítróttur landsliðið fótbóltur Gunnar og Jóan Sambært spælarametingunum hjá ítróttarSosialinum, so eru Gunnar Nielsen og Jóan Símun Edmundsson okkara bestu spælarar í hesi EM undankappingini Tróndur Arge EM 2016 undankappingin er komin at enda. Vit hava spælt tíggju dystir og fingið seks stig. Øll stigini komu móti Grikkalandi. Aftaná hvønn landsdyst ger Ítróttar Sosialurin spælara­met­ingar, har hvør spælari fær eina meting millum 1 og 6, har 1-talið er tað lægsta, meðan 6-talið bara verður givið í heilt serligum førum. Gunnar og Jóan Símun bestir Nú kappingin er kom­in at enda eru allar spælara­met­ ingar­nar lagdar saman, í mun til hvussu nógvar dystir spæl­ararnir hava spælt. Her sæst, at Gunnar Nielsen og Jóan Símun Edmundsson standa sterkastir í myndini. Báðir hava 4,5 í miðal. Gunnar fyri tíggju dystir, meðan Jóan Símun sat yvir í Helsinki í Finnlandi. Gunnar Nielsen var eisini spælarin við hægst meting HM 2014 undankappingini. Tá høvdu hann og Viljormur Davidsen 4,2 í miðal. Ymiskar fortreytir Sum við øllum slíkum met­ ing­um, so eru fortreytirnar ym­iskar hjá spælarunum. Eitt nú hevur Bárður J. Hansen hægsta miðaltalið, men spældi bara móti Grikka­landi í Føroyum, har hann fekk eitt 5-tal. Hetta er tó ikki nóg mikið, til at fáa heiðurin sum besti lands­ liðs­spælarin í hesi undan­ kapp­ingini. Aðrir eru við ávísar dystir, tá tað hevur gingið væl, meðan aðrir eru komnir inn í dystum, har tað kanska ikki hevur gingið so væl. Tá ber illa til at lasta einstøkum spælarunum fyri samlaða avrikið, men tað ávirkar met­ ingina júst tann dystin. Tí sigur samlaða metingin ikki altíð alla søguna, so hetta skal takast fyri tað tað er, ein meting út givnum um­ støðum. Her kann leggjast afturat, at í ovarakáti fingu allir spæl­ararnir, sum komu á vøllin í Pireus í Grikkalandi eitt 6-tal. Hetta var í størri mun fyri samlaða avrikið. trondur@sosialurin.fo Gunnar Nielsen Dystir: 10 Minuttir: 900 Avleveringar: 257 Rættar avleveringar: 128 (50%) Bjargingar: 51 (Mest av øllum í undankappingini) Gul kort: 0 Reyð kort: 0 Miðal meting: 4,5 Gunnar Nielsen hevur aftur hesa undankappingina spælt á einum høgum stigi. Hann er í al­tjóða flokki, tá hann hev­ur sínar góðu dagar. Tvær ferðir fekk hann hægstu met­ing­ina. Tó eru onkur mál, sum mál­verjin iðrar seg um í dag. Jónas Tór Næs Dystir: 8 Minuttir: 720 Avleveringar: 160 Rættar avleveringar: 123 (77%) Gul kort: 2 Reyð kort: 0 Miðal meting: 3,25 Er farin eitt vet niður í met­ ing í mun til seinastu undan­ kapping, tá hann fekk 3,6 í miðal. Hevur verið sann­før­ andi í verjupartinum, men við øktu framrættaðu evn­ unum á liðnum, hevur hann ikki klárað heilt at fylgt við. Hevur eisini seinnu tvey ár­ ini spælt í føroysku kapp­ing­ ini, umframt at verið nakað skaddur. Atli Gregersen Dystir: 7 Minuttir: 634 Avleveringar: 192 Rættar avleveringar: 177 (92%) Gul kort: 5 Reyð kort: 1 Miðal meting: 4,3 Er ein av teimum við hægst miðal meting. Hev­ur verið stýri­maðurin í verju­part­ inum, og fyrsta lið í upp­ byggj­andi spælinum, har hann hevur høgt støðið í av­ lever­ing­unum. 92 av avlever­ ing­unum eru rættar. Kom ongan­tíð fleiri enn tvey mál ígjøgn­um, tá hann spældi. spælarametingar