mánadagur 19. oktober 2015síða 30

Mánadagur 19. oktober 2015 · Nr. 120 30 Sosialurin Hugskot og viðmerkingar – send sms til 225000 ítróttur Ungu menninir í HM-kapping Føroyska U21-landsliðið stendur fyri síni kanska størstu avbjóðing nakrantíð. Mikudagin byrjar endaspælið í HM-kappingini fyri smátjóðir Jákup Mørk Tað er ikki hissini avbjóðing, sum føroyska U21-landsliðið vann sær rætt til, tá teir í fjør vunnu Challenge Trophy- kappingina hjá EHF. Landsliðsvenjarar eru Kári Nielsen og Birgir Hansen, og teir dylja ikki fyri, at tað er við spenningini, at kuffert­ini nú verða pakkað. – Hetta er jú ein HM- kapp­ing. Gott nokk er tað fyri smátjóðir, men hetta er av­gjørt tað størsta, sum vit hava roynt, sigur Birgir Hansen. Mótstøðuliðini í kapp­ ingini eru Cap Verde, Tahiti, Columbia og Usbekistan. Kapp­ingin er skipað sum bólka­spæl, har liðið við flestu stig­unum er vinnari. Talan er um heilt eksotisk nøvn, og Birgir sigur, at tað er rætt­iliga avmarkað, hvat teir vita um mótstøðuna. – Vit hava sjálvandi roynt at fingið fatur á video-til­fari, men út frá hesum einsa­møll­ um er ikki so lætt at meta um styrkina hjá lið­unum. Einamest, tí vit vita mest sum púrt einki um tey lið, sum tey spæla ímóti í hesum dyst­um. – Hinvegin hjálpir hetta okk­um við at fáa eina fatan av teirra spælistíli. Her hava vit fyrr sæð asiatisk og afrikons lið dekka sera offen­sivt, men skal eg døma eftir tí, sum vit hava sæð, so verður talan ikki um slíkar verjur, heldur Birgir. – Annars haldi eg meg tora at siga, at Tahiti helst verður tað veikasta liðið í kappiningi, men teir hava okkurt samstarv við franska hond­bóltssambandið, so tað kann væl hugsast, at fram­ gongdir er stór har um leiðir. – Cap Verde tykist eisini vera rættiliga spennandi. Teir eru fyrrverandi portu­ gis­isk hjáland, og eg havi lisið meg fram til, at venjarin hjá FC Porto Handball, sum jú er við í Champions League, hevur havt fleiri skeið har um leiðir. Eisini hava teir tveir spælarar, sum eru í Porto. Teir eru kanska ikki á besta liðnum, men tú sleppur so ikki framat í slíkum felag, uttan at tú dugir at kasta og lofta, so tað borgar nokk fyri eini ávísari góðsku, heldur Birgir. Hava vant við feløgunum Tað eru ikki tær heilt nógvu venjingarnar, sum føroyski hópurin hevur havt saman, men hetta hevur verið rætt­ iliga tilvitað, sigur Birgir Hansen. – Vit renna okkum jú beint í tíðina, har føroysku fel­øg­ini fyrireika seg til kapp­ing­ina. Tí hava vit gjørt av, at fysiski parturin av venj­ing­unum er tann, sum er úti í feløgunum. Skuldu vit eisini staðið fyri tí part­inum, høvdu vit helst órógvað fyri­ reikingarnar úti í feløg­unum meira enn gott er. – Ístaðin høvdu vit so eina samling í august, tá vit eisini høvdu tveir venjingardystir móti U18-liðnum hjá týska Flensburg-Handewitt, og síðani hava vit so ikki verið saman fyrr enn í farnu viku. Sjálvandi kundu vit ynskt, at spælararnir høvdu vant meira saman, men hinvegin kennast teir flestu rættiliga væl, so hóast alt eru vit hampu­liga samanspældir. Fýra dagar á rað Føroyska ferðalagið kemur til Bulgaria týsdagin. Miku­ dagin er okkara frídagur, og síðani verður spælt fýra dag­ar á rað. Tað er kanska ein lítil vansi, tí flestu av hin­um liðunum hava ein hvíli­dag ímillum onkrar av dyst­unum, men tað er tó ikki nakað, sum tekur móti frá lands­liðsvenjarunum. – Vit hava áður spælt nógv­ar dystir upp á fáar dagar. Spælararnir eru væl fyri, so tann partin ræðist eg ikki, sigur Birgir, sum annars vónar, at Føroyar fáa eitt gott úrslit í kappingini. – Nú veit eg ikki, um støð­ ið er hækkað síðani sein­ ast, men ta ferðina vann europ­iska umboðið, sum var Moldova. – Júst teimum vunnu vit á í hálvfinaluni í Andorra í fjør, og tá vit tosaðu við teir eftir kappingina ta ferðina, hildu teir, at vit væl kundu enda sum vinnarar, tá HM- enda­spælið kom á skránna. – Við hesum sigi eg ikki, at vit eru favorittar. Til tað kenni eg ov lítið til hini lond­ ini. Men tað skal eingin ivi vera um, at vit fara avstað fyri at gera okkara besta. Og vís­ir tað seg, at møguleikin er har, so vilja vit gera alt, sum stend­ur í okkara makt, fyri at taka av, sigur Birgir Hansen. jakup@sosialurin.fo U21-landsliðið hondbóltur Tað er ikki á hvørjum degi, at føroysk landslið fáa møguleikan í HM-endaspæli, men hetta er avbjóðingin, sum føroyska U21-landsliðið í hondbólti stendur fyri mikudagin Savnsmynd: HSF Føroyski hópurin: Málmenn: Niklas Simonsen VÍF Tóraldur Kollsker H71 Útileikarar: Rói Berg Neistin Fríði Weyhe KÍF Allan Norðberg StÍF Pætur Johansen StÍF Kjartan Johansen StÍF Áki Egilsnes VÍF Julian Olsen VÍF Hanus Christophersen VÍF Helgi Hildarson Hoydal H71 Tróndur Arge H71 Pætur Thomsen H71 Eirikur Simonsen ÍF Føroyar Venjarar: Kári Nielsen Birgir Hansen