mánadagur 19. oktober 2015síða 36

VIKA 43 • 19. OKTOBER 2015 4 MIÐLAHÚSIÐ ÓKEYPIS LÝSINGARBLAÐ Danjal av Rana E itt gott ár er liðið, síðani Hjørdis Háberg og Dánjal Petersen vóru innsett sum samkomuleiðarar í Evangeliihúsinum í Havn. Tað gekk ikki long tíð, innan fyrsta broytingin merktist, tá samkoman broytti navn frá Evangeliihúsinum til City Church Tórs­havn, men tað er ikki einasta broyt­ingin, sum hend er, sigur Hjørdis. – Okkara fyrsta mál er at gera so, at samkoman er fyri øll, sigur hon og greiðir frá síni kenslu á fyrsta møti­ num, eftir at tey vóru flutt aftur til Før­oya. – Eg minnist at vit komu fyrst til eitt portur út móti Tróndargøtu, sum var torført at fáa upp. Síðani komu vit til einar tungar, afturlatnar dyr. Kensl­ an var, at um tú vilt inn higar, mást tú veruliga vilja tað. Tó so, innan fyri tungu dyrnar vóru hjartalig fólk, sigur Hjørdis Háberg Petersen. – Niðurstøðan hjá okkum báðum var púra greið. Vit mugu opna upp, vit mugu gera samkomuna meiri at­komi­ liga hjá fólki. Ein hugsar kanska ikki so nógv um hetta, um ein er vaksin upp við tí, men hetta kann vera ein forðan hjá nógvum, sigur hon. Hetta er tó bara eitt av stigunum, ið at gera samkomuna lættari at­komi­ liga. Eitt annað, sum tey hugsa um í City Church er málburðin, tey nýta, tá tey tosa um boðskapin. – Tá einglarnir bóru boð um, at Jesus var føddur, søgdu teir, at hetta er eitt gleðiboð fyri ALT fólkið. Gleði­ boðskapurin er inkluderandi, ikki eks­ kluderandi, men nógv av orðunum og vendingunum vit nýta, geva einans mein­ing, um ein er vaksin upp í sam­ komu­høpi. Hetta er at líkna við mið­ øld­ina, tá kirkjan einans tosaði latín. Tað var so heilagt, men tað skapti frá­ støðu millum kirkjuna og fólkið, sum ikki skilti málið. Eg eri bangin fyri, at vit gera tað sama í dag, sigur hon. Hjørdis og Dánjal høvdu búð í Bradford í Onglandi í fýra ár, áðrenn leiðin lá aftur til Føroya. Tey vóru virkin í samkomuarbeiðið í Onglandi, og Hjørdis sigur, at kanska tað týdn­ ingarmesta, hon lærdi hesa tíðina, var at lívið ikki er perfekt. Hon óttast, at úrslitið er, at fólk uttan fyri samkomuna hugsa, at higar kunnu tey ikki koma, tí tey kristnu eru so heiløg, so góð. – Eg hoyrdi fólk siga hetta, og spurdi meg sjálva, um tað mundi vera satt. Eg kom til tað niðurstøðu at jú, tað passar. Vit mála eina mynd av, at vit eru so perfekt, at alt er so gott hjá okkum, uttan at vit geva okkum far um tað. Tí hava vit arbeitt nógv við hes­um, at í City Church, er ikki neyð­ ugt at vera perfektur, greiðir hon frá. Eitt annað, sum Hjørdis og Dánjal royna at leggja dent á, er at møta fólkið, í tí støðu, tey eru í. Ofta tykist tað, sum tey kristnu altíð hava havt svarið, uttan altíð at geva sær far um, hvør spurningurin hevur verið. – Vit mugu minnast til, at Jesus svar­aði ikki øllum líka, men hann møtti fólkið, har tey vóru. Hann møtti teirra tørvi. Hann tók í hond teirra og lyfti tey so upp. Í Føroyum hevur nógv verið tosað um einligar mammur og smá­barnafamiljur og teirra trongu kor í seinastuni. Í City Church fara vit tí nú undir at bjóða smábarnafamiljum eina heita máltíð um vikuna. So kunnu tey, ið hava tørv á tí og hava hug koma oman higar til eina góða máltíð og so smyrja ein matpakka til dagin eftir. Væntandi byrja vit við hesum til­boð­ num komandi mikudag, sigur Hjørdis. City Church Tórshavn liggur mitt í býnum, og tað er nakað, sum tey ynskja at gagnnýta betur. Sum er er møti og sunnudagsskúli sunnu­ morgun klokkan 11 og barna- og ung­ dóms­arbeiði mikukvøld klokkan 19. – Vit síggja fyri okkum, at sam­ koman skal vera oftari opin, kanska fara vit at hava okkurt cafélíknandi. Vit vilja gjarna, at tað skal vera natúr­ ligt hjá fólki at støkka inn á gólv í City Church, sigur hon. Tí fer City Church oftari at taka lut í teimum tiltøkunum, sum eru í miðbýnum, so sum ólav­søk­ uni, Jól í Miðbýnum og kanska eisini ment­anarnáttini í Tórshavn, sigur hon, sum eisini gleðist um at hava eitt gott toymi við góðum fólki saman við sær í samkomuarbeiðinum. – Tað er sera týdningarmikið fyri okkum, at samkoman er vælkomandi. Eg hevði heldur ikki farið inn sjálv, um ikki so var, sigur Hjørdis Háberg Peter­ sen at enda. Samkoman skal vera opin Mynd: Álvur Haraldsen Tað er sera týdningarmikið fyri okkum, at samkoman er vælkomandi. Eg hevði heldur ikki farið inn sjálv, um ikki so var, sigur Hjørdis Háberg Petersen, sum nú hevur verið samkomuleiðari í City Church saman við manninum Dánjali Petersen, í eitt gott ár Vit mugu minnast til, at Jesus svaraði ikki øllum líka, men hann møtti fólkið, har tey vóru. Hann møtti teirra tørvi