mánadagur 19. oktober 2015síða 38

VIKA 43 • 19. OKTOBER 2015 6 ÓKEYPIS LÝSINGARBLAÐ TEMA FAROEXPO Vilmund Jacobsen M entanarvikan Skýming, sum verður hildin í Runa­víkar­økin­ um, verður í ár í døgunum, 18. til 25. oktober. Hetta er 11. árið á rað, at mentanarvika verður hildin í øk­in­um, og fjølbroytta tiltakið verður hild­ið somu viku, sum vinnustevnan Faro­expo verður hildin. Borgarstjórin í Runavíkar komm­ unu, Magnus Rasmussen, fegnast um hesi bæði tiltøk og heldur, at tey hava ment seg nógv síðan byrjan. – Taka vit mentanarvikuna, varð í sínari tíð byrjað varisliga, men við árunum hevur tiltakið ment seg, so­ leiðis at tað í dag er ein veruligur ment­anarligur varði, ið kommunan er errin av. Borgarstjórin vísir til skránna og sigur, at mentanarvikan ongantíð áður hevur verið so áhugaverd, spennandi, forvitnislig og fjølbroytt sum í ár. Góðir karmar Magnus Rasmussen vísir á, at karm­ar­ nir um mentanarviku og Faroexpo eru vorðnir nógv betri, síðan Løkshøll varð bygd, og kommunan eisini fekk nýggja fimleikarhøll, sum saman við dagførdu ítróttarhøllini mynda Bylgjuna. – Nýggju karmarnir hava eisini ført við sær, at Faroexpo í ár hevur ment vinnustevnuna við almenna og fyri tey vitjandi ókeypis tiltakinum – Før­oysk Framleiðsla – ið verður í fimleikar­høll­ ini, meðan Faroexpo er. Borgarstjórin vísir á, at bæði hvat viðvíkur mentanarvikuni Skýming og vinnustevnuni Faroexpo er neyðugt, at tiltøkini broytast og mennast. – Tað er soleiðis, at um slík tiltøk verða tey somu ár undan ári og einki broytist, er væntandi, at undirtøkan sum frá líður minkar. Soleiðis er tað bara, men eg haldi, at tey, sum standa aftanfyri mentanarvikuna og vinnu­ stevnuna, hava havt hegni og dugna­ skap til at menna hesi tiltøk, soleiðis at tey á hvørjum ári eru áhugaverd og forvitnislig. Hann vísir á, at Runavíkar komm­ una bæði hevur ríkt vinnulív og ment­ anar­lív, og tí eru tiltøk sum hesi, ein náttúrligur partur av tí vinnuliga- og ment­anarliga virksemi, sum økið hevur at bjóða. – At vit her í Runavíkar-økinum hava skipað fyri mentanarviku fleiri ár á rað, hevur eisini givið íblástur til onnur øki í landinum, og vit síggja, at fleiri aðrar kommunur hava tikið táttin upp við ymiskum mentanartiltøkum. Magnus Rasmussen sigur, at sum árini eru gingin, er meira og meira dygd og breidd komin í tiltøkini. – Umframt Løkshøll, sum part av kørmum um mentanarviku, eigur kommunan eisini Gulu Smiðju, og í ár er ætlanin, at mentanartjaldið, sum hevur staðið við Orkis á Glyvrum, nú verður sett upp á økinum innan fyri Gulu Smiðju, sum eisini er ogn hjá komm­ununi. Vit eiga eisini nakrar smátt­ur í føroyskum stíli, sum verða sett­ar upp á økinum, har mentanar­ tjald­ið kemur at standa. Kommunan stuðlar Borgarstjórin sigur, at Runavíkar kommuna í stóran mun leggur karm­ ar­nar fyri mentanarvikuna, eins og komm­un­an eisini stuðlar tiltakinum fíggjarliga. – Mentanarvikan verður sett í Løks­høll sunnudagin 18. oktober klokkan 15, og tað verður Guðrið Høj­ gaard, stjóri í Visit Faroe Islands, sum fer at seta tiltakið. Tað er Magnus Rasmussen, sum vegna Runavíkar kommunu er vertur fyri mentanarvikuni, og tað verður eisini hann, sum við setanarhátíðina fer at bjóða vælkomin. – Við setanina fer Nes sóknar Musik­felag at spæla nøkur løg, Elinborg Pálsdóttir fer at syngja, og her verður eisini Barnakórið á Strond­ um, umframt annað sum verð­ur á skránni til setanina, sigur borgar­ stjórin. Tá Faroexpo-ráðstevnan verð­ur sett í Løkshøll, verður tað borgar­ stjór­in sjálvur, sum fer at seta ráð­ stevn­una. – Hetta verður sjeyndu ferð, eg fari at seta ráðstevnuna, og hetta verð­ur samstundis seinastu ferð, nú eg skjótt leggi frá mær sum borgar­ stjóri í kommununi, sigur Magnus Ras­mussen, sum sjálvur fer til fleiri av tiltøkunum, sum verða á mentanar­ vik­uni í Runavíkar-økinum, eins og hann eisini fer at vitja framsýningina í Bylgjuni við føroyskari framleiðslu. At enda ynskir borgarstjórin vegna Runavíkar kommunu at bjóða øllum – bæði fólk nær og fjar – hjartaliga væl­ komnum at vitja, og tað er hansara ynski, at øll fáa nakrar góðar og gev­ andi upplivingar hesar dagar. Vit eru errin av mentanar­ viku og Faroexpo – Vegna Runavíkar kommunu vil eg bjóða øllum – bæði fólk her um leiðir og fólki aðrastaðni – hjartaliga vælkomnum at vitja, nú mentanarvika og Faroexpo verða hildin í økinum, sigur Magnus Rasmussen, borgarstjóri – At vit í Runavíkar-økinum hava skipað fyri mentanarviku fleiri ár á rað, hevur eisini givið íblástur til onnur øki í landinum, sigur Magnus Rasmussen, borgarstjóri í Runavíkar kommunu Mynd: Vilmund Jacobsen