mánadagur 19. oktober 2015síða 56

VIKA 43 • 19. OKTOBER 2015 24 ÓKEYPIS LÝSINGARBLAÐ TEMA Bilar Sjálvvirkandi bakljós kann vera falskur tryggleiki Vilmund Jacobsen H evur tú nýggjan bil, eigur tú at kanna, hvussu bakljósini virka. Tað kann skapa vandamiklar støður í ferðsluni, um sjálvvirkandi bakljós ikki eru tendrað í skýming, regni og mjørka - og aftanfyri koyrandi ikki síggja teg. Tað sigur Ráðið fyri Ferðslutrygd. - Vit hava fingið nógvar áheitanir frá fólki, ið hava ampa av bilum, har lyktirnar ikki lýsa. Bilar við sløktum baklyktum eru eisini lutfalsliga ofta at síggja á føroysku vegunum. Minni brennievni og útlát Ráðið fyri Ferðslutrygd vísir á, at tað er eitt ES-direktiv, sum áleggur bilframleðarum í ES at lata koyriljósið tendra, samstundis sum bilurin verður tendraður. - Men, kravið er bara til fram­lykt­ irnar. Hetta hevur við sær, at bak­ lyktirnar á mongum nýggjum bilum ikki tendra sjálvvirkandi, sum flest øll eru von við. Lagt verður aftrat, at ein av grund­gevingunum fyri hesum er, at minkaða nýtslan av billyktum skal hava positivt árin á umhvørvið - við minni nýtslu av brennievni og harvið minni CO2-útláti. Hvussu virka ljósini? Ráðið fyri Ferðslutrygd vísir á, at nakrir bilar eru soleiðis innrættaðir, at baklyktirnar tendra sjálvvirkandi, tá tørvur er á, at tær skulu tendra. - Í øðrum førum verður bilførarin mintur á at tendra ljósið, eitt nú við, at tað ikki er ljós í tólborðinum. Trupul­ leikin við summum av bilunum er, at bakljósini ikki tendra sjálvvirkandi, fyrr enn tað er rættiliga myrkt. Trupul­leikin sæst serliga í skýming, toku, kavaroki ella lutvís í upplýstum bergholi við tað, at her tenda ljósini ofta ikki. Ráðið fyri Ferðslutrygd minnir á, at tað kann vera trupult at minnast til at tendra baklyktirnar, tá tað fer at skýma, ella tá mjørki kemur. - Tí er umráðandi, at bileigarar kunna seg um, hvussu ljósini virka. Lagt verður aftrat, at í summum bilasløgum ber til at innrætta bak­ lykt­ir­nar, soleiðis at koyriljós altíð er aftan - og í øðrum bilasløgum ber tað ikki til. Nøkur góð ráð Ráðið fyri Ferðslutrygd hevur nøk­ ur ráð til teirra, sum hava slíkar nýggjar bilar, har lyktirnar ikki tendra sjálvvirkandi. - Tú kanst kanna, um til ber at broyta tað, so lyktirnar altíð eru tendr­aðar, tá tú koyrir. - Tú kanst venja teg við altíð at tendra lyktirnar, tá tú startar bilin. Ráðið fyri Ferðslutrygd sigur, at tá tú sum bilførari sært bil uttan ljós, er altíð skilagott at blunka við langljósi fyri at minna á bilføraran á at tendra lyktirnar. - Trupuleikin við summum nýggjum bilum er, at bakljósini tendra ikki sjálvvirkandi, fyrr enn tað er vorðið rættiliga myrkt. Trupult kann vera at minnast til at tendra baklyktirnar, tá tað fer at skýma, ella tá mjørki kemur. Tí hava vit nøkur góð ráð til bilførar, sigur Ráðið fyri Ferðslutrygd - Tað er umráðandi, at bileigarar kunna seg um, hvussu ljósini virka á nýggjum bilum, sigur Ráðið fyri Ferðslutrygd