mánadagur 19. oktober 2015síða 71

VIKA 43 • 19. OKTOBER 2015 39 MIÐLAHÚSIÐ ÓKEYPIS LÝSINGARBLAÐ Hjálmar Dam STÓLURIN Í STÓLINUM HESA VIKUA LÝS TEG SJÁLVAN VIÐ TRIMUM ORÐUM: Eg vil ikki begrensa eitt menniskja við trimum lítlum lyklaorðum. Men eg spurdi konuna, hon segði: pliktuppfyllandi, effektivur og super lekkur. HVAT MERKI ER BILUR TÍN? Havi ongantíð átt hvørki bil ella koyrikort. Eigi eina deiliga súkklu og bussarnir koyra ókeypis. HVAT MERKI ER TELEFON TÍN? Sony Experia, ein sokallað 'smart'phone. Hon er so skítbýtt. Eg kann av óvart avbróta eitt uppkall, tí mítt oyra nertur við touchscreenin. Altso, hvar skal oyra so vera? HVØR ER TÍN BESTA SUMMARFRÍTÍÐARUPPLIVING? Eg arbeiði freelance, tá eitur onki feria. Antin havi eg arbeiði ella eri eg arbeiðsleysur. Men eg fari at bjóða konuni og dóttrini til París næsta summar. Satsi uppá at tað verður tann besta. HVAT ORÐ ELLA HVØNAN SETNING NÝTIR TÚ OFTAST? Elskaða. Tað orðið brúki eg hvønn dag, allan dag til konuna og dóttrina. HVØRJUM HYGGUR TÚ AT HJÁ HINUM KYNINUM? Tað er so ymiskt, so nógv at seta prís uppá. Tá ein kvinna er trygg og følir seg sexy so skínur hennara vakurleiki ígjøgnum. HVAT GER TEG Í GÓÐUM LAG? Smá dagligdags ting. Sum tá eg føli á dóttrini, at eg eri ein góður pápi, og tá eg síggi á konuni at eg eri ein góður maður. HVAT STRESSAR TEG? Klokkan. Eg hati at vera for seinur. HVØR ER TÍN YNDISRÆTTUR? Ein virkuliga óinspirerandi spurningur. Ein nógv betri spurningur hevði verið: Um tú bara slapp at eta ein rætt restina av lívinum, hvør hevði hann verið? Eg havi ongan yndisrætt. Eg elski at gera mat og at eta gott, men eg fylgi árstíðunum. Gleði meg til ræst kjøt og riv í næstum og ikki minst jóladunnuna um nakrar mánaðir. HVAT GLEÐIR TEG? Tá eg kenni at eg geri mun í lívinum hjá einum øðrum. HVAT VAR SEINASTA YNSKIÐ, SUM TÚ FEKST UPPFYLT? Eg gangi ikki vanliga og ynski nakað sum helst. Men tá dóttir mín var komin í verðina, legði eg merki til at mín sál hevði ynskt sær hana í langa tíð. HVAR ARBEIÐIR TÚ? Allastaðni. Eina mest innan sjónleikin, á palli, á filmi, rundanum og aftanfyri, men eisini freelance altmuligmand. Summi siga seg ikki duga okkurt, tí tey ikki hava roynt tað fyrr. Eg hugsi mótsatt; man eg ikki kunna finna útav tí, eg havi ongantíð ikki klárað tað fyrr. HVÍ VALDI TÚ AT ARBEIÐA INNAN JÚST HESA VINNU ELLA ØKI? Eg haldi sjónleikurin valdi meg. Eg havi bara síðani valt at siga ja til tey projektir sum eg havi forelskað meg í. HVØR ER STUTTLIGASTA UPPLIVING TÍN Í STARVINUM? Tá man sleppur at vera partur av einari verkætlan sum inspirerar, rørir menniskju, broytir samfelagið til tað betra, og lyftir listina uppá eitt hægri støði. HVØRJUM TÓNLEIKI LURTAR TÚ EFTIR? Tí sum koyrir í bakgrundini. Alt er gott. HVAT ER BESTA UPPFINNINGIN OG HVÍ? So hvussiíer ikki mín lorta sony experia, tað veit eg. HVAT ER BESTA ÍLØGAN, TÚ HEVUR GJØRT? Parforholdið og familjan. Annars eigi eg onki og eg havi onga skuld. HVAT ER TÍTT BESTA HEIMARÁÐ? Tak uppvaskið og rudda køkin áðrenn tú leggur teg. Morgunmatur í bumbaðum køki er ein vánaligur startur uppá dagin. HEVUR TÚ NAKAÐ HÚSDJÓR? Okkara praktfulli hundur Mário. Labrador og Border-Collie bland. HVAT HEVÐI TÚ GJØRT, UM TÚ VANN EINA MILLIÓN? Hildið ball. Kanska ein stóran føðingardag ella eitt brúdleyp, kanska. HVAT HEVÐI TÚ GJØRT, UM TÚ VANN TÍGGJU MILLIÓNIR? Ikki fortalt nøkrum um tað... HVAT ER BEST VIÐ FØROYUM OG HVÍ? Tann fantastiski mótgangur man møtir allastaðni tvingar teg til antin at steðga upp ella vaksa við uppgávuni. Eg hevði ikki verið uttan Føroyar. HVAR ERT TÚ UM 10 ÁR? Eg eri har eg altíð eri. Beint her sum eg eri. Sjónleikurin valdi meg Eg arbeiði freelance, tá eitur onki feria