mánadagur 19. oktober 2015síða 70

VIKA 43 • 19. OKTOBER 2015 38 MIÐLAHÚSIÐ ÓKEYPIS LÝSINGARBLAÐ Nú kemur Lukas Graham T að finst neyvan nakað heitari poppnavn á okkara leiðum í løtuni enn Lukas Graham. Bólk­ urin, ið hevur tikið navn eftir sang­ aranum í bólkinum Lukas Graham Forch­hammer, hevur seinastu árini spælt seg upp á tindarnar í donskum popptónleiki, og onnur lond eru langt síðani farin at toga í bólkin eisini. Í Føroyum hevur Lukas Graham eis­ini sera stóra undirtøkur, og hon gjørdist ikki minn, eftir at bólkurin framførdi á Summar Festivalinum í august. Talan var um eina av bestu konsertunum á Vágsbøi nakrantíð, og Lukas Graham var stórliga fagnaður fyri framførsluna. Tað var í hesum sambandi, at bólk­ urin lovaði at koma aftur til Føroya at spæla í heyst, og nú eru teir ávegis við sínu fantastiska showi. Fríggjakvøldið og leygarkvøldið hevur Lukas Graham konsert í høllini á Hálsi í Havn. Konsertin leygarkvøldið er langt síðani útseld, men framvegis eru atgongumerki eftir til konsertina fríggjakvøldið. Báðar konsertirnar eru standikonsertir. Gjøgnumbrotið Tað byrjaði annars róliga hjá Lukas Gra­ham í Keypmannahavn, har slat­ urin um ein serliga góðan og orku­full­ an bólk spakuliga spreiddist. Alt fleiri fólk leitaðu til konsertir hjá Lukas Gra­ham, og á YouTube fingu teir alt fleiri sýningar. Tá ið so 600 fólk eitt kvøldið máttu fara heimaftur, tí tey ikki sluppu inn á eitt konsertstað, har Lukas Graham spældi, bar ikki longur til at fjala tíðindini um bólkin. Copenhagen Records gjørdi í 2011 plátusáttmála við Lukas Graham, og yrkisleiðin hjá bólkinum tók eitt stórt stig rætta vegin, tá ið staklagið Ordinary Things gjørdist ein tann mest spældi sangurin í Danmark og vann heiðursløn hjá DR-rásini P3. Áðrenn fyrsta fløgan kom frá bólk­ inum, fór Lukas Graham á konsertferð og spældi 45 konsertir – fyri tað mesta útseldar – har fleiri enn 30.000 fólk vóru og lurtaðu. Síðani hevur bólkurin staðfest sína støðu størsti poppbólkurin í Danmark, og eftir hitlistaplaseringar í Týsklandi og Eysturíki, kom amerikanska Warn­ er Brothers inn á vøllin og gjørdi sátt­ mála við Lukas Graham. Framúr poppur Lukas Graham spælir ghetto-popp, tey kalla. Tónleikurin er eitt bland av poppi, soul, funk og hiphop, og væl er bland­ að, tí tónleikurin situr framúr væl, og við sangum sum Ordinary Things, Drunk In The Morning, Mama Said, 7 Years og fleiri hava teir klatrað hitt­ listar og vunnið út í útvarpsrásirnar sum fáir bólkar megna. Ummælini av framførslum hjá Lukas Graham staðfesta aftur og aft­ur, at bólkurin er framúr væl spæl­ andi, og sangarin Lukas Graham Forch­hammer er eitt sangtalent av teim­um heilt stóru. Fríggjakvøldið og leygarkvøldið ber so til at uppliva Lukas Graham á før­oyskum palli, og teir í bólkinum hava umvegis facebook vangan latið frætt­að, at teir gleða seg óført til konsertirnar í Føroyum. SHEERAN SETT MET Tónleikarin Ed Sheeran hevur sett nýtt stroymingmet á Spotify. Sang­urin Thinking Out Loud er blivin stroymaður meira enn 500 mill­i­ónir ferðir, og so ofta er eingin annar sangur spældur á Spotify. Ed Sheeran er millum best um­ tóktu popptónleikarar í heiminum í løtuni, og uppgerð hjá Spotify vís­ir, at Ed Sheeran er annar tón­leik­arin, sum er farin upp um 2 milli­ardir stroymingar á Spotify – hin tón­ leikarin var Eminem. BOWIE GIVIN AT SPÆLA David Bowie hevur ikki spælt nakra konsert seinastu 10 árini, og hann ætlar sær ikki at spæla fleiri kon­ sertir. Konsertfyrireikarin og umboðs­ mað­urin David Giddings sigur, at Bowie er sera avgjørdur um, at hann ikki fer á konsertferð aftur, og Giddings sigur seg heldur ikki spyrja Bowie meira um tað. Seinasta konsertin hjá Bowie var í Týsklandi í 2004. METALLICA VIÐ NÝGGJUM Amerikanski rockbólkurin Metallica arbeiðir í løtuni við nýggjum sang­ um, sum teir ætla at útgáva. Seinasti sangurin, sum kom frá Metallica, kom út í fjør. Sangurin kallaðist Lord of Summer. Seinasta heila útgávan frá Metallica er frá 2008. James Hetfield, tónleikari í Metallica, sigur, at teir eru í holt við nýggjar sangir, og at teir helst eru komnir ein triðing ávegis við nýggja tilfarinum. Metallica var stovnað í 1981, og bólkurin hevur gjørt 9 studio­ út­gávur umframt konsertútgávur, stakplátur og annað. Fríggjakvøldið og leygarkvøldið hevur glóðheiti Lukas Graham konsertir í Havn. Bólkurin hevur verið á ferð í Týskandi, Onglandi, Noregi og USA, og nú eru teir klárir til tvær rimmar konsertir í Føroyum Fríggjakvøldið og leygarkvøldið verða konsertir við Lukas Graham í Havn Signar í Homrum hitar upp til báðar konsertirnar við Lukas Graham í Havn kom­andi vikuskiftið. Signar hevur John Johansen og Henning Nicodemusen við sær á pall, og trioin fer at spæla teir væl umtóktu og kendu sangirnar hjá Signari – eitt nú Sorgblídni og Tað er gott at elska. Konsertirnar byrja kl. 21.00, og eftir at Signar hevur hitað fjøldina upp, fer Lukas Graham á pallin. Signar hitar upp