týsdagur 20. oktober 2015síða 12

Mikudagur 21. oktober 2015 · Nr. 121 12 Sosialurin Hugskot og viðmerkingar – send sms til 225000 FJØLMIÐLAR Eirikur Lindenskov Tað eru sera reyð tøl hjá Sp/F Knassum fyri seinasta roknskaparár. Felagið hevði 1.443.000 krónur í halli. So hóast uppsjóvarfelagið Varð­ in í Gøtu hevur sett pengar í fe­lagið og sett Poul Hansen advokat at stjórna felagnum, so gjørdist hallið dupult so stórt sum tað var árið frammanundan. Hetta er áttanda árið á rað, at felagið hevur hall. Tað var í juli 2013, at Sp/F Knassar keypti portal.fo frá Føroya Tele. Miðlahúsið hevði røkt portal.fo fyri Før­oya Tele frá 2000, men gavst, tá Knassar tóku yvir. Miðlahúsið valdi ikki at keypa portal.fo, tá annar áhug­aður keypari var. Í stað­ in fór Miðlahúsið undir sín egna tíðindaportal, in.fo, sum eftir stuttari tíð kláraði at yvirhála portal.fo við før­ oyskum tíðindum. Í roknskapinum hjá Sp/F Knassum tekur grann­skoð­ arin, sum er Numo, ógvuslig fyrivarni og skrivar soleiðis: – Leiðslan hevur gjørt roknskapin við framhaldandi rakstri fyri eyga. Leiðslan væntar, at tillagingar og effek­tiviseringar av rakstr­ inum fara at bøta munandi um gongdina, at felagið fer at geva avlop næsta rokn­ skapar­ár, og at felaigð við ver­andi treytum frá ogn­ ar­um kann halda fram við sínum virksemi. Vit eru ikki samdir í hesum met­ing­um, og roknskapurin átti, sam­ svarandi árs­rokn­skapar­lóg­ ini, at verið gjørdur við atliti til uppathaldandi virksemi, og nýttur roknskaparháttur fyri innrokning og máting av felagsins ognum og skyldum átti at verið broyttur sam­ svar­andi hesum. Tað hevur ikki verið gjørligt at gera upp ávirkanina av hesum í ársroknskapinum, skrivar grannskoðarin. Og grannskoðarin sigur víðari: – Tað er okkara fatan, at ársroknskapurin, orsak­að av tí, sum er nevnt í grund­ar­ lagnum fyri avsannandi nið­ urstøðu, ikki gevur eina rætt­ vísandi mynd av fe­lag­sins ogn, skuld og fíggj­ar­ligum skyldum pr. 28. februar 2015, og úrslitið av fe­lags virk­sem­ in­um í roknskaparárinum 1. mars 2014 til 28. febru­ar 2015, samsvaradi árs­rokn­ skaparlógina. – Tað er okkara fatan, at ársaðalfundurin ikki eigur at góðkenna ársfrásøgnina, skrivar grannskoðarin í árs­ roknskapinum. Tá leiðslan í felagnum í árs­frásøgnini sigur, at »tillagingar og effektivi­ ser­ingar av rakstrinum fara at bøta munandi um gongd­ ina, at felagið fer at geva av­ lop næsta rokn­skaparár«, so eru tað somu tónar, sum leiðslan hevði í seinasta ársroknskapi. Tí tá skrivaði leiðslan, at »leiðslan er ikki nøgd við gongdina, men felagið hev­ ur havt nógvar ein­gangs­út­ reiðslur í árinum umframt at vanligar útreiðslur gjørdust nógv størri enn mett var frammanundan. Umfatandi tillagingar eru gjørdar og leiðslan væntar avlop kom­ andi ár«. Úrslitið var tó, at hallið tvífaldaðist. Roknskapurin vísir ann­ ars, at bruttovinningurin mink­ar við 40 prosentum, meðan lønarútreiðslurnar hækka. Goodwill verður av­ skrivað yvir 20 ár, sum er fýra ferðir tað vanliga. Fyri úrslitið merkir tað, at stórur partur av hallinum verður flutt til seinni ár – ella at hall­ ið í veruleikanum er mun­ andi størri. Felagið er bundið av fígg­ ing frá øðrum, tí tað hevur ongan tøkan pening. Lánið í peningastovni er hækkað við 417.000 til 1,3 milljón krónur. Felagið hevur ikki megn­ að at goldið nakað av lánin­ um til assosierað virki (Varð­in í Gøtu) og er skuldin hækk­að við rentuni, og er nú út­við fýra milliónir krónur. Skuldin til vanligar veit­ arar hækkar við 60 pro­ sentum og er nú komin upp á 1,1 milljón krónur. Um tað eydnast leiðsluni í Knassum at fáa avlop í kom­andi roknskaparári, so verður tað fyrstu ferð í níggju ár, at Sp/F Knassar hev­ur yvirskot. Roknskaparárið er frá 1. mars til 28. februar, so átta mánaðir eru farnir av »komandi roknskaparári«, og tí veit leiðslan, hvønn veg tað ber. Samanlagda hallið hjá fe­ lagnum er nú 2.994.000 krón­ ur. Sp/F Knassar, sum eigur og rekur portal.fo er nú so illa fyri, at grannskoðarin mælir til, at fyritøkan steðgar sínum virksemi HOL Í KASSANUM HJÁ PORTALINUM