hósdagur 22. oktober 2015síða 22

FRÍGGJADAGUR 23. OKTOBER 2015 SOSIALURIN 122 22 Matgerð Eftir hasselnøtuævintýrið í næst seinasta blaði var onkur sum spurdi meg hvat hasselnøtumjólk var TJÓÐHILD PATURSSON J ú, tað skal eg siga tykkum! Í grundini er tað bara hassel­ nøtir blendaðar við vatni (møguliga við eini dadlu og eittsindur av vanilju og salti). Men kenna tit kensluna av at úrlitið er meira enn summurin av einstøku eindunum? Júst soleiðis er við hassel­nøtumjólk. Hasselnøtumjólk er himmalsk. Hon er mjúk og bleyt, og hon smakkar av nougat og av meira. Eg brúki hasselnøtumjólk sum grund í smoothies, út yvir havragreytin um morgunin, út í te og onkuntíð sum grundin í heimagjørdum baileys. Heimagjørd hasselnøtu­ mjólk/nougatmjólk Nú eri eg vorðin so heppin at kunna keypa hasselnøtumjólk í handlunum, tí tað er absolutt ikki altíð at mín gerandisdagur loyvir mær at ‘mjólka’ um morgunin. Men tá ið eg havi tíð at gera nøtumjólk, ja tá er tað tað reina luksus. Hugsa um okkurt gott ímeðan tú ‘mjólkar’ - summi siga at tín sinnisstøða setur seg í matin. Eg veit ikki um tað passar, men matur smakkar mær í øllum førum altíð betur, um eg var í góðum lag tá ið eg gjørdi hann og um eg eti saman við fólki eg eri góð við. Hasselnøtumjólk kann gerast við ristaðum ella óristaðum hasselnøtum. Ristar tú hasselnøtirnar áðrenn smakkar tað meira av nougat, tí kalli eg tað ofta nougatmjólk. Til á leið ein litur 100 gr av hasselnøtum evt 1 daddlu evt 1 nips av salti evt 1 nips av vaniljupulvuri 1 litur av vatni Rista hasselnøtirnar í ovninum í á leið 15 min við 150 hitastig. Koyr síðani hasselnøtirnar í ein blendara saman við restini av tilfarinum. Blenda ógvuliga væl. Hevur tú ikki ein sterkan blendara, kanst tú seta nøturnar á blot í vatninum í nakrar tímar áðrenn tú blendar, hetta ger nøturnar bleytari og harvið lættari at blenda. Tað ber nú til at brúka mjólkina sum hon er, og um eg brúki hana sum grund í smoothies, so plagi eg at steðga her. Um eg ætli mær mjólkina útí te, útyvir havra­greytin, ella sum ‘baileys’, so síli eg hana áðrenn eg brúki hana. Eg brúki ein nøtumjólksposa - ein reinur nylonsokkur kann óiva eisini brúkast, og ein vanlig síla tekur eisini ein part. Eg stoyti mjólkina út í posan og ‘mjólki’ síðani mjólkina niður í eitt ílat. Eftir er nøtumassin - goym hetta, tí hetta er perfekt at brúka bæði í konfekt, knekkbreyð, grønmetisbúffum og øllum møgu­ ligum øðrum. Mjólkin kann goymast í kuldaskápinum í 2-3 dagar - men heima hjá mær hvørvur hon oftast fyrsta dagin. Heimagjørt baileys Til 1 persón Nú tað er vikuskifti, og tú hevur tíð at gera heimagjørda hasselnøtumjólk/ nougatmjólk, hví ikki royna heima­ gjørt baileys? 1 dl av hasselnøtumjólk/nougatmjólk 1 spsk av td. agavesiroppi (ella annað søtt, okkurt sum lættliga mlandast við mjólkina) 1 spsk av sterkt bryggjaðum kaffi 2 spsk av whiskey 1 nips av vanilju 1 nips av kakao Blenda ella blanda. Servera við nógv­ um ísterningum, og tendraðum stearin­ljósum. Tips: Um tú vilt hava tað eyka kremut kanst tú kóka tað inn, alt uttan whiskey sjálvsagt. Kóka á lágum hita til tað er tjúkt og kremut. Lat kólna. Rør síðnani whiskey útí. HASSELNØTUMJÓLK – NOUGATMJÓLK