mánadagur 26. oktober 2015síða 100

VIKA 44 • 26. OKTOBER 2015 44 MIÐLAHÚSIÐ ÓKEYPIS LÝSINGARBLAÐ Bragd og Volunteer eru systirskip Við útróðrinum fór eisini egningin og alt tað sosiala og hugnaliga, sum var í egningarskúrunum kring um landið. Eldri menn og ungdómar hvørt um annað, sum prátaðu og skemtaðu um mangt millum himmal og jørð Vilmund Jacobsen Ú tróðrarbáturin Bragd er smíð­ aður úr stáli á Rana Indu­stri­ service Grubhei í Noregi í 1978. Í 1998 keyptu John Kári Jacobsen og Alexandur Joensen 35,8 tons stóra bátin úr Porkeri. Tað var annars Alfred Olsen í Vestmanna, sum í 1978 læt bátin smíða í Noregi. Upprunaliga er Bragd systurskip við línuskipið, Volunteer. Meðan Volun­teer er longdur og innilokaður, hev­ur Bragd fingið kúlustevni, og hálv­ur annar metur er bygdur upp í hekk­una. Tað var tann tíð, tá egningar­skúr­ arnir á Stongunum í Klaksvík mundu teljast millum størstu arbeiðspláss í Føroyum. Í dag er øðrvísi, og sum heild er rættiliga friðarligt á Stongunum um dagarnar. Men, soleiðis er ikki bara í Klaksvík. Á øðrum útróðrarplássum er støð­ a­n umleið hin sama. Útróður er at kalla ein útdeyð vinna, og nógv skal til, áðrenn hesin parturin - um enn nakr­a­n­tíð - aftur kemur at fáa tann týdn­ing, sum útróðurin í sínari tíð hevði. Við útróðrinum fór eisini egningin og alt tað sosiala og hugnaliga, sum var kring um í egningarskúrunum. Eldri menn og ungdómar hvørt um annað, sum prátaðu og skemtaðu um mangt millum himmal og jørð. Tá John Kári Jacobsen byrjaði at rógva út av Stongunum í egnum báti í 1996, róðu einir 30 bátar yvir 20 tons út haðani. Nú eru bara nakrir heilt fáir útróðrarbátar eftir. – Tá eg byrjaði, var eg millum teir yngstu, og nú fleiri ár seinni eri eg framvegis millum teir yngstu, hevur John Kári áður tikið til. Eingin tilgongd er av nýggjum útróðrarmonnum og teir fáu, sum enn eru eftir, fækkast í tali. Upprunaliga er Bragd systurskip við línuskipið, Volunteer. Meðan Volunteer varð longdur og innilokaður, fekk Bragd kúlustevni, og hálvur annar metur varð bygdur upp í hekkuna Mynd: www.jn.fo SKIPASØGA Fakta um Bragd Smíðiár: 1978 Heimstaður: Klaksvík Longd: 17 metrar Breidd: 4,83 metrar Maskina: Volvo Penta (380 hk) Myndin er tikin uttan fyri bilverkstaðin hjá Frits Jensen í Gundadali (har sum Effo-støðin er í dag) umleið 1960. Bilurin er ein Ford Fairlane hýru­ vognur árgang 1960 hjá Arna Berg, svartur við hvítum taki. Aftan fyri bilin stendur Naddoddur Jacobsen, og maðurin sum pussar forrútin er Odmar Rasmussen Ein skutari við vindskermi er fremst høgrumegin. Vinstru megin sæst ein Fiat 2300 og ein russiskur Mockwitch. Í baksýni síggjast Hvíldarheimið Naina og húsini hjá Óla Arge. Myndaeigari. Naddoddur Jacobsen Ford Fairlane í Gundadali Lesarar eru vælkomnir at senda okkum gamlar bilmyndir saman við stuttum teksti og upplýsingum til: maggi@sos.fo BILASØGA Lesarar eru vælkomnir at senda okkum gamlar bilmyndir saman við stuttum teksti og upplýsingum til: maggi@sos.fo BILASØGA