týsdagur 27. oktober 2015síða 30

Mikudagur 28. oktober 2015 · Nr. 124 30 Sosialurin Hugskot og viðmerkingar – send sms til 225000 ítróttur fótbóltur Aldurin hevur ikki so nógv at siga Á sínum 23 ára føðingardegi fekk lokali klaksvík­ingurin, Agnar Frederiksen, eina rimmar føðingar­dags­gávu, tá ið starvið sum hjálpar­venjari hjá hjartafelagi sínum, KÍ, stóð í boði. Ungi venjarin fegnast um møgu­leikan og heldur tað ikki vera ein trupulleika, at fleiri av leikarunum eru væl eldri enn hann Neli Heldarskarð Tað er mikukvøld 21. oktober. Agnar Frederiksen, ið hevur virkað sum ungdómsvenjari í KÍ í heili sjey ár, fyllir 23 ár hendan dagin. Hann hev­ur tikið avgerð um at taka eitt sabbatár eftir tey mongu árini sum venjari. Hetta kvøld­ið heldur Agnar ikki bein­leiðis nakran føðingar­ dag, men er han heima hjá ommu síni í Klaksvík. Brádliga fær alt eina vend, tá ið telefonin hjá Agnari ringir. Í rørinum er ongin annar enn Mikkjal Thomas­ sen, sum er høvuðsvenjari hjá KÍ. – Telefonin ringdi, og eg sá, at tað var eitt privat numm­ar. Tá var tað Mikkjal Thomassen, sum var í rørinum. Hann spurdi meg, hvat eg helt um tankan at blíva hjálparvenjari hjá KÍ. Mikkjal greiddi eitt sindur frá, hví hann vildi hava meg til sessin, og spurdi meg, hvat eg helt um tilboðið. Eg segði beinan­vegin við hann, at hatta var eitt tilboð, ið eg ikki kundi siga nei til. Fyri meg er starvið sum hjálparvenjari hjá KÍ tað næst besta venj­ ara­starvið í øllum Føroyum. Leygar­kvøldið skrivaði eg so undir sáttmála, sigur Agnar Frederik­sen í samrøðu við Sosialin. Hava samstarvað ígjøgnum árið Agnar Frederiksen hevur verið venjari hjá árgangi 2001 í KÍ síðani 2009. Úrslitini hava verið góð seinnu árini, og í ár gjørdist liðið, ið Agnar hevði ábyrgd av, akkur­át ov stutt til stóru heiðrar­nar. Besta U14-liðið hjá KÍ end­aði á øðrum plássi í bæði lands­ kapp­ingini og steypa­kapp­ ingini. Mikkjal Thomassen byrj­ aði sum venjari hjá KÍ undan kapp­ingarárinum 2015. Ígjøgn­um alt hetta árið hava Mikkjal og Agnar sam­starv­ að væl og tosað nógv saman. – Ofta hava vit vant sam­ stundis sum Effoliðið. Okk­ ara samstarv byrjaði við, at stutt eftir, at Mikkjal var komin til felagið, fingu vit tað hug­skot, at hann skuldi halda ein lítlan fyrilestur fyri U14-leik­arar­nar, har hann millum annað greiddi frá, hvat skal til fyri at gerast ein góður fót­bólts­spælari. Vit hava tosað væl saman alt ár, og Mikkjal hevur fylgt við gongd­ina hjá okkara liði rætt­iliga væl. Mikkjal hevur verið rættiliga bergtikin av okk­ara U14-liði, og soleiðis er hann eisini komin at kenna meg sum venjara, sigur Agnar um góða samstarvið, ið hann hevur vundið upp við Mikkjali Thomassen í 2015. Í KÍ er Agnar kendur sum ein ófatiliga miðvísur og álvars­ligur venjari. Til fleiri av dystunum hjá U14 hjá KÍ hevur Agnar verið ílatin klædn­ingi, og ofta hava um­støð­ur­nar hjá U14-lið­ num hjá KÍ verið rættiliga »professionellar«. Hugsar ikki nógv um aldurin Hóast Agnar hevur góð úrslit at vísa á sum ungdóms­venj­ ari, so man ongin ivi vera um, at lopið frá at vera høvuðs­ venjari hjá ein­um U14-liði til at vera hjálparvenjari hjá einum liði í Effodeildini er sera stórt. Eisini er Agnar bert 23 ára gamal, ið má sig­ast at vera ein óvanliga ung­ur venjaraaldur fyri ein mann, ið partvíst skal stýra einum liði í Effodeildini. Agnar gleðist tó um stóru av­ bjóð­ingina og sær ikki unga aldurin sum nakra forðing. – Eg hugsi ikki so nógv um, at eg eri so ungur í mun til starvið. Eg haldi ei­held­ ur, at aldurin hevur nakað ser­ligt at siga, tá ið man er hjálpar­venjari. Tað er jú ei­ held­ur tað sama sum at vera høvuðs­venjari, sigur Agnar, og leggur hann síðani afturat: – At eg havi fingið hetta starvið í boði er ein álitis­vátt­ an til mín, og tað vísir, at eg nokk havi gjørt okkurt rætt sum venjari seinastu árini. Vit ynskja at klára okk­um so væl sum gjørligt, bæði sum felag og sum lið. Eg eri eis­ ini væl vitandi um, hvussu svart/hvítur fótbólts­heim­ ur­in kann vera. Agnar leggur eisini dent á, at hann kennir fleiri av leik­arunum hjá KÍ sera væl, og hava teir leikararnir, ið hann hevur tosað við, tikið væl ímóti tíðindunum um, at Agnar skal vera hjálpar­venj­ ari hjá KÍ. – Eg kenni teir flestu av leik­arunum rættiliga væl. Eg havi ikki tosað við allar, síð­ ani eg fekk starvið, men teir, ið eg havi tosað við, vita væl, at eg eri ein ógvuliga mið­ vís­ur venjari. Stóra avbjóð­ ingin hjá mær er, at aldurin er hann, sum hann er, og fleiri av leikarunum eru eldri enn eg. Eg havi eisini spælt saman við fleiri av leik­ar­ unum, men tað síggi eg ikki sum nakran trupulleika. Hvussu skal 23 ára gamli Agnar Frederiksen, sum »bara« hevur verið væl­eydn­ aður U14-venjari vinna virð­ ing­ina frá royndum leikarum sum Niels Paula Danielsen, Pálli Klettskarð og Jonas Flindt Rasmussen? – Enn einaferð, har síggi eg ikki nakran trupulleika. Eg havi tað útgangspunktið, sum eg havi, og tað fái eg ikki broytt. Eg kenni leik­ Agnar Frederiksen Mynd: Jóhan Johannessen